नुवाकोट । बेलकोटगढी नगरपालिका को सिर चिम्टेश्वरमा आज मन्दिरको शिलान्यास सम्पन्न भयको छ ।
बेलकोटगढी नगरपालिकाको नगरप्रमुख जगतबहादुर गुरुङ र बेलकोटगढी नगरपालिका वडा नम्बर २ का वडा अध्यक्ष रामचन्द्र तिमल्सीना र वडा नम्बर ३ की वडा अध्यक्ष कौसिला पुडासैनिका साथै नगरपालिकाको कर्मचारी ,राजनीति दलको प्रतिनिधि स्थानिय सरोकारवला, निर्माण व्यावसायिहरु लगाएतको उपस्थितिमा क्षमा पुजा सहित चिम्टेश्वर महादेव मन्दिरको शिलान्यास गरिएको नगरप्रमुख जगतबहादुर गुरुङले जानकारी दिनुभयो ।
यस मन्दिर निर्माण सम्पन्न पश्चात् चिम्टेश्वर क्षेत्रको पर्यटन प्रवर्द्धनमा समेत टेवा पुग्ने अपेक्षा नगरप्रमुख जगतबहादुर गुरुङले लिनुभएको छ ।
चिम्टेश्वर मन्दिर निर्माणमा तत्कालीन पर्यटन मन्त्री हितबहादुर तमाङ बाट रु २ करोड रुपैया बिनियोजन भयको थियो।
पुरातत्त्वको डिजाइन अनुसार बने उक्त मन्दिर तोकियको समयमै निर्माण सक्ने निर्माण कम्पनीको प्रमुखले बताउनु भयको छ भने समयमै सम्पन्न गराउन नगरपालिकाले गर्नु पर्ने सबै सहयोग गर्ने नगरप्रमुख जगतबहादुर गुरुङले जानकारी दिनुभयो ।
