भदौ ११, नुवाकोट । नेपाल मोर्डन पेन्टाथलोन संघ नुवाकोटको जिल्ला कार्यसमितिको अध्यक्षमा प्रज्वल सापकोटा सर्वसम्मत चयन भएका छन्। बुधवार विदुरमा सम्पन्न अधिवेशनबाट सापकोटाको नेतृत्वमा ७ सदस्यीय समिति गठन गरिएको हो।
जिल्ला खेलकुद विकास समितिका अध्यक्ष विजय गुरुङ र नेपाल मोर्डन पेन्टाथलोन संघकी केन्द्रीय उपाध्यक्ष इन्दिरा निरैलाको उपस्थितिमा सम्पन्न भेलाले उपाध्यक्षमा रुपक पौडेल, सचिवमा प्रशन्न थिङ, कोषाध्यक्षमा अपेक्षा प्याकुरेललाई चयन गरेको छ।
त्यस्तै, सदस्यमा सुवास पाण्डे, राजनप्रसाद अधिकारी र पुष्पा धमला चयन भएका छन्। केन्द्रीय प्रतिनिधि र प्रदेश प्रतिनिधिमा प्रज्वल सापकोटा र सुवास पाण्डे चयन भएका छन्।
अध्यक्ष सापकोटाले निर्वाचित भएपछि प्रतिक्रिया दिंदै भने, “खेलकुद क्षेत्रको समृद्धिका लागि हामी प्रतिबद्ध भएर लाग्नेछौं। पेन्टाथलोनजस्तो नविन खेललाई नुवाकोटमा विस्तार गर्न, नयाँ खेलाडी उत्पादन गर्न र संरचना विकास गर्न प्रयास गर्नेछु।”
कार्यक्रममा खेलप्रेमी, प्रशिक्षक, संघसंस्थाका प्रतिनिधि र युवाहरुको उपस्थिति थियो
