नुवाकोट । नुवाकोटको शिवपुरी गाउँपालिका–६, गुर्जेस्थित ‘बार्दलीइन होटल’मा जुवा (कौडा) खेलिरहेको सूचनाका आधारमा प्रहरीले छापा मार्दा २२ जना व्यक्तिहरू पक्राउ परेका छन्, जसमा ६ जना महिला पनि रहेका छन्।
प्रहरीले उनीहरूबाट ३१ थान कौडा र नगद रु. १०,७१,६०० (दश लाख एकहत्तर हजार छ सय रुपैयाँ) बरामद गरेको छ।
गोप्य सूचनाका आधारमा प्रहरी नायब उपरीक्षक बिक्रम लामाको नेतृत्वमा खटिएको टोलीले रातको ११:२५ बजे होटलमा छापा मारी पक्राउ गरेको हो।
पक्राउ परेकाहरूमाथि जुवा सम्बन्धी कसूरमा जिल्ला प्रशासन कार्यालय नुवाकोटबाट ७ दिनको म्याद थप गरी थप अनुसन्धान भइरहेको प्रहरीको भनाइ छ ।
प्रतिक्रिया
सम्बन्धित समाचार
