काठमाडौँ । नवनियुक्त मुख्यसचिव सुमनराज अर्यालले २५ बुँदे प्रतिबद्धता सार्वजनिक गर्नुभएको छ । उहाँले आउँदो फागुन २१ गतेको चुनावलाई स्वतन्त्र, निष्पक्ष र धाँधलीरहित वातावरणमा सम्पन्न गराउनुलाई पहिलो प्राथमिकतामा राखेर प्रतिबद्धता सार्वजनिक गर्नुभएको हो । दोस्रोमा भ्रष्टाचारमुक्त र सुशासनयुक्त शासन व्यवस्था कायम गराउने प्रतिबद्धता छ ।
मुख्यसचिव अर्यालले निजामती सेवालाई जनउत्तरदायी, सदाचारयुक्त र आधुनिक प्रविधिमा आधारित नतिजामुखी संयन्त्रका रूपमा स्थापित गर्न नेतृत्व तहमा काम गर्ने प्रतिबद्धता जनाउनुभएको छ ।
आज प्रधानमन्त्री तथा मन्त्रिपरिषद् कार्यालयमा पदबहाली गर्दै उहाँले आफ्नो कार्यकालमा देशको गौरव र प्रतिष्ठा वृद्धि एवम् नागरिक सन्तुष्टि अभिवृद्धि नै सर्वोपरि लक्ष्य हुने बताउनुभयो ।
प्रतिक्रिया
सम्बन्धित समाचार
