शनिबार, भाद्र १४ २०८२

बेलकोटगढीका प्रअले पाए पाँचदिने नेतृत्व क्षमता विकास तालिम


  • ककनी खबर
  • सोमबार, असार २ २०८२

नुवाकोट । बेलकोटगढी नगरपालिकाको विद्यालयमा कार्यरत रहेका प्रधानध्यापकहरुलाई पाचदिने नेतृत्व क्षमता विकास तालिम दिइएको छ ।

शिक्षा तालिम केन्द्र धुलिखेलसंगको सहकार्यमा बेलकोटगढी नगरपालिकाले आयोजना गरेको पाच दिने प्रधानाध्यापकहरुको नेत्तृव क्षमता बिकास तालिम आज समापन गरिएको हो । वडा नं ७ महादेवफाँट स्थित माहादेब माबिमा आयोजित कार्यक्रममा नगरप्रमुख जगतबहादुर गुरुङले शिक्षा मार्फत नगरलाई सम्मुन्नत बनाउन सकिने र त्यसको लागी प्रधानाध्यापकहरुको भूमिका महत्वपूर्ण रहने बताउनुभयो ।

नगरप्रमुख गुरुङले शिक्षाको क्षेत्रमा ठूलो रकम लगानी गर्दै आवश्यकता अनुसारको सम्बोधन हुदै आएकाले सोही अनुसारको नतिजा दिनको लागी प्रअहरुलाई निर्देशन दिनुभयो । यस्तै, उपप्रमुख शिवप्रसाद दाहालले शिक्षालाई व्यावहारिक र प्राविधिक बनाई सिप र आयआर्जन एंव अनुशासन र नैतिकतासंग समेत जोडेर प्रवाह गर्नुपर्ने सझुाब दिनुभयो ।

शिक्षाको विकासको लागी विद्यालयहरुमा विभिन्न कार्यक्रमहरु सञ्चालन गर्दै आइरहेकाले प्रअहरुले पनि कार्ययोजना बनाई शिक्षाको विकासको लागी विद्यार्थीको दक्षता र क्षमताको मापन गर्न निर्देशन दिनुभयो ।

कार्यक्रममा सहभागी प्रअहरुलाई नगरको शिक्षा शाखा र शिक्षा तालिम केन्द्र धुलिखेलबाट आउनुभएका प्रशिक्षार्थीहरुले सहजिकरण गर्नुभएको थियो ।

प्रतिक्रिया
सम्बन्धित समाचार