काठमाडौँ । सरकारले सामाजिक सञ्जाल टेलिग्राम एप बन्द गरेको छ । नेपाल दूरसञ्चार प्राधिकरणले टेलिग्राम एप बन्द गर्न सबै दूरसञ्चार सेवा प्रदायकहरूलाई निर्देशन दिएको हो ।
टेलिग्राममार्फत अनलाइन ठगीको सङ्ख्या निरन्तर बढिरहेको र मनी लाउण्डरिङसमेत हुने गरेको भन्दै सरकारले बन्द गर्ने निर्णय लिएको हो ।
‘अनलाइन फ्रडको सङ्ख्या निरन्तर बढिरहेको र मनी लाउण्डरिङ जस्ता गम्भीर अपराधमा संलग्नता समेत रहेको बुझिन आएकाले टेलिग्राम एपको पहुँचमा तत्काल रोक लगाउने र बन्द गर्ने व्यवस्थाका लागि सम्बन्धित सबै दूरसञ्चार सेवा प्रदायकहरूलाई निर्देशन गरिएको’ प्राधिकरणको सूचनामा उल्लेख छ ।
प्रतिक्रिया
सम्बन्धित समाचार
