नुवाकोट । नेपाल यातायात व्यवसायी राष्ट्रिय महासंघ नुवाकोटको सातौं जिल्ला अधिवेशन बागमती प्रदेश संयोजक सुवन गिरिको प्रमुख आतिथ्यतामा सम्पन्न भएको छ। अधिवेशनले धनबहादुर श्रेष्ठको अध्यक्षतामा सात सदस्यीय नयाँ कार्यसमिति चयन गरेको छ।
कार्यक्रममा प्रमुख अतिथि गिरिले नयाँ कार्यसमितिलाई बधाई तथा सफल कार्यकालको शुभकामना दिंदै यातायात व्यवसायमा देखिएको समस्या, चुनौती र अवसरको पहिचानमा केन्द्रित हुन आग्रह गर्नुभयो। उहाँले संघर्ष र समाधानको संयोजनमार्फत व्यवसायीलाई सुरक्षित र दीर्घकालीन टिकाउ बनाउने दिशामा लाग्न आवश्यक रहेको उल्लेख गर्नुभयो।
अध्यक्ष धनबहादुर श्रेष्ठको सभापतित्वमा सम्पन्न अधिवेशनमा नमस्ते पासाङल्यामु यातायात प्रालि, टिमुरे यातायात प्रालि र त्रिशूली यातायात प्रालिमा आबद्ध व्यवसायीहरुको उल्लेख्य उपस्थिति रहेको थियो।
कार्यक्रमले महासंघमा आबद्ध व्यवसायीहरुको सहकार्य, एकता र सशक्त नेतृत्व विकासमा टेवा पुर्याउने विश्वास लिइएको छ ।
