नुवाकोट । बेलकोटगढी नगरपालिका–६, स्थित कञ्चना देउराली युवा क्लबको आयोजनामा ‘7Aसाइड छैटौँ देउराली अर्चले कप खुल्ला फुटबल प्रतियोगिता–२०८२’ हुने भएको छ ।
प्रतियोगिता आगामी असोज ९ गतेदेखि १३ गतेसम्म बेलकोटगढी–६, स्थित अर्चले खेल मैदानमा सञ्चालन हुने क्लबका अध्यक्ष प्रताप तामाङले जानकारी दिनुभयो ।
बट्टारमा शनिबार आयोजित पत्रकार सम्मेलनमा दिइएको जानकारी अनुसार नाम दर्ता आज (भदौ १४) बाट सुरू भएको छ । आगामी असोज ७ गते साँझ ५ बजेसम्म टिम दर्ता गरिने क्लबका सदस्य तेजनाथ खतिवडाले जानकारी दिनुभयो ।
प्रतियोगितामा प्रथम पुरस्कार नगद एकलाख र दोस्रो पुरस्कार पचास हजार सहित ट्रफी, मेडल र प्रमाण पत्र राखएको क्लबका सहसचिव प्रशन्न थिङले जानकारी दिनुभयो ।
यस्तै, सेमिफाइनल बाहिरिने टिमले समेत नगद ११हजार पाउनेछन् ।
प्रतियोगितामा उत्कृष्ट हुने खेलाडी, गोलरक्षक, सर्वाधिक गोलकर्ता, उदयमान खेलाडी, अनुशासित टोलीलाई नगद पुरस्कार र म्यान अफ दि म्याचलाई नगदसहित ट्रफीको व्यवस्था रहेको क्लबका कोषाध्यक्ष प्रदीप नेपालले जानकारी दिनुभयो ।
‘नव प्रतिभा पहिचान: खेल, खेलाडी र समुदाय जोड्ने हाम्रो अभियान’ भन्ने मूल नारा सहित सञ्चालन गर्न लागिएको प्रतियोगिताले स्थानिय खेलाडीलाई प्रोत्साहन गर्न, नयाँ प्रतिभाको पहिचान गर्न, खेल, खेलाडी, युवा र समाजलाई जोड्न, युवालाई कुलतबाट रोक्न, स्थानिय व्यवसायको प्रवर्द्धन गर्न, आन्तरिक पर्यटनलाई आकर्षित गर्न, नेतृत्व सीपको विकास गर्नु, युवालाई संगठित गर्न, राष्ट्रका लागि आवश्यक खेलाडी तयार गर्न, सामाजिक सद्भाव कायम गर्न र स्वस्थ जीवनशैलीको विकास गर्न सहयोग पुग्ने अपेक्षा गरिएको छ ।
यसैगरी, प्रतियोगितामार्फत खेलकुदसँगै स्थानीय उत्पादन, व्यवसाय, पर्यटन, र युवाको सहभागिता जोड्दै समग्र समुदायमा सकारात्मक प्रभाव पार्ने विश्वास गरिएको छ ।
प्रतियोगिता सम्पन्न गर्न दश लाख खर्च लाग्ने छ उक्त खर्चको लागी भएकाले वडा, पालिका, प्रदेस सरकार लगायत दाताहरुसंग आर्थिक संकलन गर्ने क्लबले जनाएको छ ।
