Kakani Khabar add
Kakani Khabar add
Kakani Khabar add

अध्यक्ष अधिकारीको महिला सशक्तीकरण अभियान जारी, दुई आमा समूहलाई डेढ लाख सहयोग

Main News Image
Kakani Khabar add

नुवाकोट । तारकेश्वर गाउँपालिका अध्यक्ष शिव अधिकारी (अविरल)ले महिला सशक्तीकरण अभियानलाई निरन्तरता दिँदै वडा नम्बर १ का दुई आमा समूहलाई नगद तथा सामग्री सहयोग हस्तान्तरण गर्नुभएको छ ।


आज आयोजित कार्यक्रममा अध्यक्ष अधिकारीले तल्लोहिलेस्थित त्रिजटेश्वर आमा समूहलाई रु. १ लाख तथा ढाडाखर्कस्थित जागृति महिला समूहलाई रु. ५० हजार नगद सहयोग प्रदान गर्नुभयो । साथै, त्रिजटेश्वर आमा समूहलाई भजन–कीर्तन तथा अन्य सामाजिक कार्यक्रम सञ्चालनका लागि आवश्यक साउन्ड सिस्टम समेत हस्तान्तरण गरिएको छ ।


कार्यक्रमकै अवसरमा अध्यक्ष अधिकारीले त्रिजटेश्वर महादेव मन्दिर परिसरमा भक्तजनहरूको सुविधाका लागि प्रतिक्षालय निर्माण कार्य तत्काल सुरु गर्न सम्बन्धित पक्षलाई निर्देशन दिनुभएको छ ।


जागृति महिला समूहलाई यसअघि नै साउन्ड सिस्टम उपलब्ध गराइसकिएको थियो । अध्यक्ष अधिकारीले आफू अध्यक्ष निर्वाचित हुनुअघि सञ्चालन गर्दै आएको महिला सशक्तीकरण अभियान अन्तर्गत उक्त समूहलाई यसअघि रु. १ लाख सहयोग समेत प्रदान गर्नुभएको जानकारी दिइएको छ ।


त्यसैगरी, सोही क्षेत्रको कात्तिकेस्थित आमा समूहलाई पनि नगद सहयोग तथा साउन्ड सिस्टम हस्तान्तरण गरिसकिएको बताइएको छ ।


महिलाहरूको आर्थिक आत्मनिर्भरता र जीविकोपार्जनमार्फत मात्रै वास्तविक सशक्तीकरण सम्भव हुने विश्वासका साथ अध्यक्ष अधिकारीले लामो समयदेखि महिला समूह, आमा समूह तथा किशोरी समूहहरूलाई सीप विकास र आयआर्जन कार्यक्रममार्फत प्रोत्साहन तथा सहयोग उपलब्ध गराउँदै आउनुभएको छ ।

Kakani Khabar add

सम्बन्धित खबर

बालेन शाहले शुक्रवार दिउँसो १२ बजेर ३४ मिनेटको साइतमा प्रधानमन्त्रीको शपथ लिने

काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र (बालेन) शाहले प्रधानमन्त्रीको पद तथा गोपनीयताको शपथ लिनका लागि पर्सि शुक्रवार दिउँसो १२ बजेर ३४ मिनेटको साइत तय भएको छ ।


शाहको सचिवालयकाअनुसार शुक्रवार दिउँस...

आठौँ अन्तरविद्यालय खुला लोकनृत्य प्रतियोगितामा अर्किड एकेडेमी उत्कृष्ट

बट्टार । नुवाकोटबाट प्रकाशित सुन्दरादेवी सन्देश साप्ताहिकको मुख्य आायेजना र शुभेनियर बोर्डिङ स्कुलको सह–आयोजनामा शनिबार नुवाकोटको बट्टारमा सम्पन्न आठौँ अन्तरविद्यालय खुला लोकनृत्य प्रतियोगितामा समूहगत नृत्य प्रतियोगितामा अर्किड एकेडेमी बट्टार र एक...

यूएईमाथि नेपालको रोमाञ्चक जीत

काठमाडौँ । आईसीसी क्रिकेट विश्वकप लिग–२ अन्तर्गत त्रिदेशीय एकदिवसीय शृङ्खलामा नेपालले संयुक्त अरब इमिरेट्स (यूएई) डीएलएस नियमका आधारमा ६ रनले हराएको छ ।


वर्षाले प्रभावित खेलमा डीएलएस नियममा ३८ ओभरमा २५५ रनको लक्ष्य पाएको यूएईले ८...

पशुपतिमा साउने सोमबारको तयारी:सफाइ अभियान सुरु

काठमाडौँ । साउन महिनामा आराध्यदेव भगवान् पशुपतिनाथको पूजाआराधना एवं दर्शनका लागि आउने भक्तजनको सहजताका लागि पशुपति क्षेत्रमा सफाइ अभियान सुरु गरिएको छ ।


साउन महिना र सोमबार आशुतोष भगवान् शिवको महिना र बार मानिने भएकाले एकैदिन लाखौ...

तारकेश्वरका स्वास्थ्य र शिक्षण संस्था आइतबार बन्द नहुने

नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।


संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै ग...

शान्ति बजारमा आगलागी, करीब ७० लाख रुपैयाँको धनसम्पत्ति क्षति

नुवाकोट । किस्पाङ गाउँपालिका वडा नं ५ शान्तिबजारमा सोमबार राती लागेको आगलागीले करीब ७० लाख रुपैयाँ बराबरको धनसम्पत्ति जलेर नष्ट भएको छ । सोमबार राती करीब १० बजेको समयमा विपना घलेको घरमा आगलागी हुदाँ उहाँले सञ्चालन गर्दै आएको पसलमा रहेका सरसामाग्री...