बागमती प्रदेशमा ५७ प्रतिशतभन्दा बढी धान रोपाइँ सम्पन्न

बागमती प्रदेशमा ५७ प्रतिशतभन्दा बढी धान रोपाइँ सम्पन्न

काठमाडौँ । बागमती प्रदेशमा असार अन्तिम सातासम्ममा ५७ प्रतिशत भन्दाबढी धान रोपाइँ सम्पन्न भएको छ ।

बागमती प्रदेशको कृषि तथा पशुपन्छी विकास मन्त्रालयका अनुसार अन्तिम साता (२६ गते) सम्ममा कुल क्षेत्रफलको ५७.२३ प्रतिशत धान रोपाइँ सम्पन्न भएको हो ।

मन्त्रालयका प्रवक्ता सुजन कँडेलका अनुसार असार दोस्रो सातासम्म करिब १३ प्रतिशत मात्र रोपाई भएकोमा असार अन्तिम सातामा बढेको हो । उहाँका अनुसार प्रदेशभर कुल ४ लाख २५ हजार ५५७ हेक्टर खेतीयोग्य जमिन मध्ये १ लाख १४ हजार ५२४ हेक्टर क्षेत्रफल धान रोपाइँ हुने गर्दछ । जसमध्ये हालसम्म ६५ हजार ५४५ हेक्टर अर्थात् ५७.२३ प्रतिशत क्षेत्रफलमा धान रोपाइँ सम्पन्न भएको छ ।

उहाँका अनुसार यस अवधिमा सबैभन्दा बढी काठमाडौँ, ललितपुर र भक्तपुर जिल्लामा ९० प्रतिशत धान रोपाइँ सम्पन्न भएको छ । त्यस्तै, सिन्धुलीमा ७३.८१ प्रतिशत, मकवानपुरमा ६३.५० प्रतिशत, काभ्रेपलाञ्चोकमा ६३.०२ प्रतिशत, चितवनमा ६२.४२ प्रतिशत र धादिङमा ६१.५० प्रतिशत रोपाइँ सकिएको छ ।

त्यस्तै सिन्धुपाल्चोकमा ४२.९९ प्रतिशत, दोलखामा ४० प्रतिशत, रसुवामा ३९.९३ प्रतिशत र नुवाकोटमा ३९.९३ प्रतिशत रोपाइँ भएको छ । भने, रामेछाप जिल्लामा सबैभन्दा कम ३५ प्रतिशत धान रोपाइँ भएको कँडेलले जानकारी दिनुभयो । यो वर्ष प्रदेशमा धान रोपाइँ सन्तोषजनक रूपमा अघि बढिरहेको भन्दै सोही अनुपातमा धान उत्पादन बढ्ने अनुमान रहेको उहाँले बताउनुभयो ।

एक्सप्रेस

सम्बन्धित खबर

अध्यक्ष अधिकारीको निर्देशनपछि दाङसिङ–ढाँडाखर्क सडक मर्मत कार्य सुरु

नुवाकोट । केही दिनअघि परेको अविरल वर्षाका कारण क्षतिग्रस्त बनेको दाङसिङ रयलछापस्थित प्रशासकीय भवनदेखि ढाँडाखर्कसम्मको सडकखण्डको मर्मत कार्य सुरु गरिएको छ ।

तारकेश्वर गाउँपालिकाको तल्लो भेगका तीन वडा र माथिल्लो भेगका तीन वडालाई जोड...

ओली र लेखकलाई ५ दिन हिरासतमा राख्न अनुमति

काठमाडौँ । जिल्ला अदालत काठमाण्डौले नेकपा एमालेका अध्यक्ष एवम् पूर्वप्रधानमन्त्री केपी शर्मा ओली र नेपाली कांग्रेस नेता एवम् पूर्वगृहमन्त्री रमेश लेखकलाई ५ दिन थुनामा राखेर अनुसन्धान अघि बढाउन आदेश दिएको छ ।

न्यायाधीश आनन्दप्रसाद...