बागमतीमा ८ मन्त्रालय कायम गरी दलहरूबीच भागबन्डाको समझदारी
-
ककनी खबर
- मङ्गल, ०९ भदौ २०८३
काठमाडौँ । बागमती प्रदेश सरकारमा गठबन्धन दलहरूबीच ८ वटा मन्त्रालय नबढाइ भागबन्डा गर्ने समझदारी भएको छ।
नेकपा एमाले संसदीय दलका नेता जगन्नाथ थपलिया, नेकपा दलका नेता शालिकराम जम्कट्टेल, राप्रपा दलका नेता उद्धव थापा र मुख्यमन्त्री किरण थापाबीच यो सम्झौता भएको हो।
मंगलबार तीन दलबीच बागमती प्रदेश सरकार गठन तथा सञ्चालन सम्बन्धी समझदारीपत्रमा हस्ताक्षर भएको छ।
प्रदेशसभामा रिक्त सभामुख पद नेकपाबाट निर्वाचित गरिने समझदारीपत्रमा उल्लेख छ ।
प्रदेश सरकार सञ्चालन सम्बन्धी न्युनतम साझा कार्यक्रम तयार पार्न ७ दिनको समय तोकी समिति गठन गरिएको छ।
उक्त समितिमा नेकपाबाट रत्न ढकाल, उर्मिला लामा र लक्ष्मण रावल, एमालेबाट डा. दिनेशचन्द्र देवकोटा र केशवप्रसाद पोखरेल, राप्रपाबाट राजेन्द्र प्रजापति र नुरज बज्राचार्य रहनेछन्।
सरकार सञ्चालनका लागि सुरुमा नेकपा नेतृत्वमा सरकार सञ्चालन संयन्त्र गठन गरिने समझदारीपत्रमा उल्लेख छ । समझदारी पत्रमा मन्त्रिपरिषद्लाई महिला सहभागितासहित समावेशी बनाइने उल्लेख छ ।
मन्त्रिपरिषद्को मर्यादाक्रममा मुख्यमन्त्रीपछि नेकपाको तर्फबाट र तेस्रोमा राप्रपाको तर्फबाट रहने समझदारी तीन दलबीच बनेको छ।
सम्बन्धित खबर
अध्यक्ष अधिकारीको महिला सशक्तीकरण अभियान जारी, दुई आमा समूहलाई डेढ लाख सहयोग
नुवाकोट । तारकेश्वर गाउँपालिका अध्यक्ष शिव अधिकारी (अविरल)ले महिला सशक्तीकरण अभियानलाई निरन्तरता दिँदै वडा नम्बर १ का दुई आमा समूहलाई नगद तथा सामग्री सहयोग हस्तान्तरण गर्नुभएको छ ।
आज आयोजित कार्यक्रममा अध्यक्ष अधिकारीले तल्लोहिले...
तीन दिनसम्म देशका केही ठाउँमा ठूलो वर्षाको सम्भावना
काठमाडौँ । देशका विभिन्न भूभागमा आउँदो तीन दिनसम्म ठूलो पानी पर्ने सम्भावना रहेको छ । मौसम पूर्वानुमान महाशाखाका अनुसार मनसुन सक्रिय रहँदा कोशी, बागमती, गण्डकी र लुम्बिनी प्रदेशका विभिन्न ठाउँमा ठूलो वर्षाको सम्भावना छ ।
महाशाखाका...
पश्चिम तराईमा मधेशवादी दल अस्तित्वको संघर्षमा
मधेश आन्दोलनको मर्म कमजोर बन्दै जाँदा एकातिर राष्ट्रिय आयतनका ठूला पार्टीहरूले नै मधेशी समुदायका उम्मेदवारको संख्या घटाउन थालेका छन्, अर्कातिर मधेशवा...
सुनको भाउ आज तोलामा ७ हजार ४०० सय रुपैयाँले बढ्यो
काठमाडौँ । आज पनि सुनचाँदीको भाउ बढेको छ । सुन आज तोलामा सात हजार ४०० र चाँदी १०० रुपैयाँले बढेको हो ।
नेपाल सुनचाँदी व्यवसायी महासङ्घका अनुसार आज सुनको भाउ तोलामा दुई लाख ९७ हजार ६०० र चाँदीको चार हजार ९४५ रुपैयाँ पुगेको छ...
आउँदो आर्थिक वर्षमा जलविद्युत् उत्पादन क्षमता ५ हजार ३ सय ३५ मेगावाट पुग्ने
काठमाडौँ । सरकारले आउँदो आर्थिक वर्षभित्र देशको कुल जडित विद्युत् उत्पादन क्षमता ५ हजार ३ सय ३५ मेगावाट पुर्याउने लक्ष्य लिएको छ । ऊर्जा, जलस्रोत तथा सिँचाइ मन्त्रालयले सार्वजनिक गरेको वार्षिक विकास कार्यक्रममा एक वर्षभित्र थप १ हजार ४० मेगावाट ज...
शिक्षामा लगाएको ३ प्रतिशत समता कर खारेजी गर्न ४ निजी शैक्षिक संस्थाको माग
काठमाडौँ । निजी विद्यालयका प्रमुख ४ छाता सङ्गठनले आर्थिक वर्ष २०८३/८४ को बजेटमार्फत शिक्षामा लगाएको ३ प्रतिशत समता शिक्षा सेवा शुल्क खारेज गर्न माग गरेका छन् ।
प्याब्सन, एनप्याब्सन, हिसान र अपेनले आज संयुक्त पत्रकार सम्मेलन गरी सम...