Kakani Khabar add
Kakani Khabar add
Kakani Khabar add

बदेलको आक्रमणबाट मकैबालीमा ठूलो क्षति, प्रभावित किसानलाई क्षतिपूर्तिका लागि पहल गरिने

Main News Image
Kakani Khabar add

नुवाकोट । सूर्यगढी गाउँपालिका वडा नं. १ अन्तर्गत लच्याङ, ठाइनाङ, पाखु लगायतका विभिन्न स्थानमा बदेलको आक्रमणबाट किसानहरूले लगाएको मकैबालीमा उल्लेखनीय क्षति पुगेको छ।

मकै पाक्ने बेला पुगेका बालीमा बदेलले व्यापक क्षति पुर्‍याएपछि वडा नं. १ का अध्यक्ष राजकुमार तामाङ (रञ्जित) लगायत स्थानीय किसानहरूको सहभागितामा प्रभावित क्षेत्रको स्थलगत अनुगमन गरिएको हो।

अनुगमनका क्रममा वडाध्यक्ष तामाङले प्रभावित किसानहरूसँग प्रत्यक्ष छलफल गर्दै क्षतिको वास्तविक अवस्था बुझ्नुभएको थियो। साथै, किसानहरूले व्यहोरेको क्षतिको विवरण संकलन गरी आवश्यक अभिलेख तयार पारिएको छ।

संकलित विवरणका आधारमा डिभिजन वन कार्यालय, खरानीटार अन्तर्गतको शाखा वन कार्यालयलाई जानकारी गराउँदै प्रचलित कानुन तथा निर्धारित प्रक्रियाअनुसार प्रभावित किसानहरूले उचित क्षतिपूर्ति प्राप्त गर्न सक्ने व्यवस्था मिलाइदिन आवश्यक पहलका लागि ध्यानाकर्षण गराइएको वडा कार्यालयले जनाएको छ।

वडाध्यक्ष राजकुमार तामाङ (रञ्जित) ले वन्यजन्तुको आक्रमणबाट पीडित बनेका किसानहरूको समस्याप्रति वडा कार्यालय संवेदनशील रहेको बताउँदै सम्बन्धित निकायसँग आवश्यक समन्वय गरी किसानले राहत तथा क्षतिपूर्ति पाउने वातावरण बनाउन निरन्तर पहल गरिने प्रतिबद्धता व्यक्त गर्नुभयो।

स्थानीय किसानहरूले पछिल्लो समय बदेलको आक्रमणका कारण वर्षभरिको मेहनत खेर जाने अवस्था सिर्जना भएको भन्दै वन्यजन्तुबाट हुने क्षति न्यूनीकरणका लागि दीर्घकालीन समाधानको समेत माग गरेका छन्।

Kakani Khabar add

सम्बन्धित खबर

SEE परीक्षाको नतिजा कमजोर आएपछि तारकेश्वरका अध्यक्षबाट सातबुँदे निर्देशन

नुवाकोट । शैक्षिक सुधारका लागि विभिन्न प्रयास भइरहेका बेला यस वर्षको SEE परीक्षाको नतिजा अपेक्षाअनुसार आउन नसकेपछि नुवाकोटको तारकेश्वर गाउँपालिकाले विद्यालयहरूको शैक्षिक अवस्था सुधार गर्न सक्रियता बढाएको छ ।


गाउँपालिका अध्यक्ष तथा...

‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन

नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।

विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रम...

‘जनताका निराशा बेचेर स्वार्थको रोटी सेक्नेहरूबाट देश बन्दैन’

आसन्न प्रतिनिधिसभा सदस्य निर्वाचनको सरगर्मी देशभर बढ्दो छ। यसै सन्दर्भमा मोरङ क्षेत्र नम्बर ४ यतिबेला निकै चर्चामा छ। यस क्षेत्रबाट नेपाली कांग्रेसका महामन्त्री गुरु घिमिरे चुनावी मैदानमा छन् । विद्यार्थी राजनीतिबाट उदाएका घिमिरे वैचारिक र प्रखर व...

आज मन्त्रिपरिषद्को बैठक बस्दै

काठमाडौँ । आज मन्त्रिपरिषद्को बैठक बस्दैछ । बैठक दिउँसो ४ बजे सिंहदरबारमा आह्वान गरिएको सरकारका प्रवक्ता एवं शिक्षामन्त्री सस्मित पोखरेलले जानकारी दिनुभयो । 


राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (ब...

आउँदो आर्थिक वर्षमा जलविद्युत् उत्पादन क्षमता ५ हजार ३ सय ३५ मेगावाट पुग्ने

काठमाडौँ । सरकारले आउँदो आर्थिक वर्षभित्र देशको कुल जडित विद्युत् उत्पादन क्षमता ५ हजार ३ सय ३५ मेगावाट पुर्‍याउने लक्ष्य लिएको छ । ऊर्जा, जलस्रोत तथा सिँचाइ मन्त्रालयले सार्वजनिक गरेको वार्षिक विकास कार्यक्रममा एक वर्षभित्र थप १ हजार ४० मेगावाट ज...

एमालेले ओली पक्राउ परेको विषय संसदमा उठाउने

काठमाडौँ । नेकपा एमालेले पार्टीका अध्यक्ष एवम् पूर्वप्रधानमन्त्री केपी शर्मा ओली पक्राउ परेको विषयलाई प्रतिनिधिसभा बैठकमा उठाउने भएको छ ।


एमालेको आज बसेको सचिवालय बैठकले ओली पक्राउ परेकाे विषय सङ्घीय संसदमा उठाउने र विरोध जनाउने न...