नुवाकोट । सूर्यगढी गाउपालिका-४ स्थित केराघारीमा चट्याङ लागेर एकघरमा पूर्ण क्षति भएको छ ।

हिजो अपरान्ह सवा ४ बजेको समयमा परेको चट्याङले स्थानी राजु तामाङको घरमा क्षति पुगेको हो । चट्याङले घरको विद्युतीय मिटरबक्स सहित बत्ति लगायतका विद्युतीय सामाग्रीहरु सबै क्षति भएको हो । 

पीडितको घरमा पुगेर रास्वपा सूर्यगढी सभापति राजु गिरी लगायतले अवलोकन गर्दै दुखत समयमा सहानुभूति दिनुभयो । 

उहाँहरु समक्ष पीडित परिवारले एक दशक अघि पनि सोही स्थानमा परेको चङ्याङले मानवीय क्षति समेत भएको स्मरण गराउदै अहिलेको दुखत घडीमा सहयोगको लागी अनुरोध गर्नुभएको थियो ।

उहाँको लागी विभिन्न निकायबाट आवश्यक सहयोग एंव सहजिकरण गर्ने रास्वपा सूर्यगढी सभापति राजु गिरीले प्रतिबध्दता जनाउनुभयो ।