Kakani Khabar add
Kakani Khabar add
Kakani Khabar add

‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन

Main News Image
Kakani Khabar add

नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।

विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रममा विद्यार्थीहरूले नगर जनप्रतिनिधिहरूसमक्ष आफ्ना सुझाव, अपेक्षा तथा गुनासाहरू प्रस्तुत गरेका थिए ।

विद्यार्थीहरूले विद्यालयमा माध्यमिक तहका लागि दिवा खाजा कार्यक्रम आवश्यक रहेको, कम्प्युटर तथा विज्ञान प्रयोगशालाको अभाव रहेको, खेलमैदानलाई थप व्यवस्थित बनाउनुपर्ने माग तथा सुझाव राखेका थिए । साथै विद्यालय बस सेवाको विस्तार, हालको बस संख्या अपुग रहेको र विद्यार्थी संख्याअनुसार शिक्षक दरबन्दी अपर्याप्त रहेको विषयमा पनि गम्भीर ध्यानाकर्षण गराएका थिए ।

कार्यक्रममा उठाइएका प्रश्न, जिज्ञासा तथा सुझावहरूलाई नगरप्रमुख राजन श्रेष्ठ, उपप्रमुख प्रभा बोगटी, प्रमुख प्रशासकीय अधिकृत सुभाकर पौडेल, सामाजिक विकास समितिका संयोजक तथा वडा नं १ का अध्यक्ष लेनिन रञ्जित, वडा नं ५ का अध्यक्ष लिलानाथ न्यौपाने र शिक्षा शाखा प्रमुख नमराज सापकोटाले सम्बोधन गर्दै आवश्यक विवरण संकलन गरिएको थियो ।

नगरप्रमुख श्रेष्ठले आगामी आर्थिक वर्षमा नगरभित्रका सम्पूर्ण सामुदायिक विद्यालयलाई अनुदान उपलब्ध गराइने जानकारी दिनुभयो । उहाँका अनुसार नीति तथा कार्यक्रममार्फत बजेट विनियोजन गरी विद्यालयको आवश्यकताका आधारमा शैक्षिक विकासका क्षेत्रमा खर्च गर्न सकिने व्यवस्था मिलाइनेछ ।

कार्यक्रममा शहीद जगतप्रकाशजंग शाह संस्कृत माध्यमिक विद्यालय व्यवस्थापन समितिका अध्यक्ष मानबहादुर डंगोल, प्रअ मञ्जु चित्रकार सहित विभिन्न विद्यालयका शिक्षक प्रतिनिधिहरूको समेत सहभागिता रहेको थियो ।

Kakani Khabar add

सम्बन्धित खबर

एसईई ग्रेडवृद्धि परीक्षाको नतिजा सार्वजनिक

काठमाडौँ । राष्ट्रिय परीक्षा बोर्डले माध्यमिक शिक्षा परीक्षा (एसईई) को ग्रेडवृद्धि अर्थात् (पूरक) परीक्षाको नतिजा आज सार्वजनिक गरेको छ । बोर्डका अनुसार ग्रेडवृद्धि परीक्षामा १ लाख २९ हजार १ सय ९४ जना विद्यार्थी सहभागी भएकोमा ८३ हजार ५ सय २३ जना उत...

स्कटल्यान्डलाई हराउँदै नेपाल लिग–२ को पाँचौँ स्थानमा उक्लियो

एशियाली खेलकुदको पुरुषतर्फको छनोट : नेपालले सेमिफाइनलमा ओमानसँग खेल्ने

काठमाडौँ । एशियाली खेलकुदको पुरुषतर्फको छनोटमा नेपालले सेमिफाइनलमा ओमानसँग खेल्ने भएको छ । सिंगापुरमा भइरहेको प्रतियोगिताको लिग चरणको अन्तिम खेलमा आज हङकङले ओमानलाई १ सय ५४ रनले पराजित गरेपछि सेमिफाइनल समीकरण पूरा भएको हो ।


ने...

राष्ट्रियसभा उपाध्यक्षको चुनाव चैत २३ गते

काठमाडौँ । राष्ट्रियसभाको उपाध्यक्ष पदको चुनाव चैत २३ गते सोमवार हुने भएको छ । राष्ट्रियसभाका अध्यक्ष नारायणप्रसाद दाहालले आजको बैठकमा चुनावको मिति तोक्नुभएको हो । उहाँले चुनाव कार्यक्रमसम्बन्धी सूचना प्रकाशित गर्न सङ्घीय संसद्का महासचिव पद्मप्रसा...

तारकेश्वरका किसानलाई हाते ट्याक्टर प्रदान

नुवाकोट । तारकेश्वर गाउँपालिकाले चालु आर्थिक वर्षको स्वीकृत कार्यक्रम आलु बालीको नयाँ पकेट क्षेत्र विकास कार्यक्रम अन्तर्गत किसानलाई ३ दिने स्थलगत तालिम सहित कृषि सामग्री हस्तान्तरण कार्यक्रम सम्पन्न गरेको छ ।

कांग्रेसले भीष्मराज आङ्देम्बेलाई संसदीय दलको नेता बनाउने

काठमाडौँ । नेपाली कांग्रेस केन्द्रीय कार्यसम्पादन समितिको बैठकले भीष्मराज आङ्देम्बेलाई पार्टी संसदीय दलको नेता बनाउने सर्वसम्मत निर्णय गरेको छ ।


पार्टी केन्द्रीय कार्यालय सानेपा ललितपुरमा आज बसेको बैठकमा सभापति गगनकुमार थापाको...