Kakani Khabar add
Kakani Khabar add
Kakani Khabar add

लिखुमा एकैसाथ १६ विधाका सिपमूलक तालिम सुरु, ५०० भन्दाबढीको सहभागिता

Main News Image
Kakani Khabar add

चौघडा । नुवाकोटको लिखु गाउँपालिका मा महिला लक्षित सिपमूलक कार्यक्रम अन्तर्गत एकैसाथ १६ वटा विभिन्न विधाका सिपमूलक तालिम सुरु गरिएको छ ।

राष्ट्रिय योजना आयोगको विशेष अनुदान अन्तर्गत गाउँपालिकाको आर्थिक सहयोगमा सञ्चालनमा ल्याइएको उक्त तालिम कार्यक्रमको सोमबार विशेष समारोहबीच गाउँपालिका अध्यक्ष ध्रुव श्रेष्ठले उद्घाटन गर्नुभयो ।

उद्घाटन कार्यक्रममा बोल्दै अध्यक्ष श्रेष्ठले यस वर्ष १ करोड ३० लाख रुपैयाँ बराबरको विशेष अनुदान कार्यक्रम सञ्चालन गर्ने नुवाकोटकै पहिलो पालिका बन्न सफल भएको बताउनुभयो । उहाँले आगामी वर्ष उक्त बजेटको आकार बढाएर करिब ४ करोड रुपैयाँ पुर्‍याउने लक्ष्य रहेको जानकारी दिँदै गाउँपालिकाका युवायुवतीलाई उनीहरूको चाहना र आवश्यकता अनुसारको सिप प्रदान गरी रोजगारी तथा स्वरोजगारमा जोड्ने योजना रहेको उल्लेख गर्नुभयो ।

गाउँपालिकाका प्रमुख प्रशासकीय अधिकृत अशोक विष्ट का अनुसार तालिममा विशेषगरी आर्थिक तथा सामाजिक रूपमा पछाडि परेका, सिप सिकेर स्वरोजगार बन्न चाहने, आयआर्जन वृद्धि गर्न चाहने, वैदेशिक रोजगारीमा सहज पहुँच बनाउन चाहने तथा स्थानीय मौलिक र परम्परागत उद्यममार्फत आत्मनिर्भर बन्न चाहने ५०० भन्दा बढी महिलाको सहभागिता रहनेछ ।

कार्यक्रम वडा नं. ४ का अध्यक्ष प्रकाश राई को सभापतित्वमा सम्पन्न भएको थियो । कार्यक्रममा वडा नं. १ का अध्यक्ष तथा गाउँपालिकाका प्रवक्ता नरहरी पाण्डे, वडा नं. ३ का अध्यक्ष रामपुलामी मगर, वडा नं. ५ का कार्यवाहक वडाध्यक्ष दोलनारायण श्रेष्ठ, कार्यपालिका सदस्य निकिसा राई लगायत विभिन्न वडाका जनप्रतिनिधि, शाखा प्रमुख, कर्मचारी, महिला उद्यमीहरु सरस्वती मल्ल (श्रेष्ठ), तुलसा नेपाल तथा सहभागि (प्रशिक्षार्थीहरू) को उल्लेखनीय सहभागिता रहेको थियो ।

तालिम सञ्चालन गर्ने साझेदारी संस्था सुप्रिम कलेज अफ होटल म्यानेजमेन्ट एण्ड ईन्जिनियरिङ प्राली का प्रबन्ध निर्देशक नारायण श्रेष्ठ, जनरल मेनेजर नवराज खड्का, अप्रेशन मेनेजर प्रदिप पण्डित, साथै नेपाल उद्यमी विकास परामर्श प्राली का प्रबन्ध निर्देशक रविन्द्र श्रेष्ठ र पर्फेक्ट म्यानपावर प्राली का प्रबन्ध निर्देशक भुपेन्द्र विष्ट लगायतको उपस्थिति रहेको थियो ।

गाउँपालिकाका अनुसार विभिन्न १६ विधामा सञ्चालन हुने तालिममध्ये केही २८ दिने छोटो अवधिका तथा केही ६० कार्यदिने लामो अवधिका हुनेछन् । चालु आर्थिक वर्षभित्र सम्पूर्ण तालिम सम्पन्न गर्ने लक्ष्य राखिएको छ ।

सुप्रिम कलेज अफ होटल म्यानेजमेन्ट बट्टारका अप्रेशन मेनेजर प्रदिप पण्डितका अनुसार अर्को सातादेखि प्रशिक्षक परिचालन गरी सहभागीहरूलाई पायक पर्ने स्थानमा भेला गराएर तालिम सञ्चालन गरिनेछ ।

महिलाको आर्थिक सशक्तिकरण, स्वरोजगार प्रवर्द्धन र सिप विकासतर्फ लिखु गाउँपालिकाको यो अभियानलाई स्थानीयले सकारात्मक रूपमा लिएका छन् ।

Kakani Khabar add

सम्बन्धित खबर

श्री नं १ सैन्य तालिम केन्द्रमा ५२८ जना दीक्षित

नुवाकोट । श्री नं १ सैन्य तालीम केन्द्र, मैथली ब्यारेक नुवाकोटका सिं.स.८३ को सैन्य तालीममा सहभागी ‘सैन्य आधार तालीमको अन्तिम दलेल कवाज’ पूरा भएसगै पाचसय २८ जना सैन्य शुक्रबारदेखि सिपाहीमा दीक्षित भएका छन् ।

सैन्यबाट सिपाही भएकालाई बलाधिकृत र...

तारकेश्वरका स्वास्थ्य र शिक्षण संस्था आइतबार बन्द नहुने

नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।


संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै ग...

आज र भोलि देशका विभिन्न ठाउँमा ठूलो वर्षा र हावाहुरीको सम्भावना

काठमाडौँ । आज र भोलि देशका विभिन्न ठाउँमा ठूलो वर्षा र हावाहुरीको सम्भावना रहेकाले सचेत रहन मौसमविद्हरूले आग्रह गरेका छन् ।


मौसम पूर्वानुमान महाशाखाका अनुसार आज दिउँसोपछि कर्णाली र सुदूरपश्चिम प्रदेशका पहाडी तथा हिमाली क्षेत्रमा ठ...

मंगलबार पनि काठमाडौं निर्धारित डेढ दर्जन अन्तर्राष्ट्रिय उडान रद्द

१९ फागुन, काठमाडौं । मध्यपूर्वी देशहरूमा चर्किएको युद्ध र हवाई क्षेत्र प्रतिबन्धका कारण नेपालको हवाई क्षेत्रसमेत निरन्तर प्रभावित बनिरहेको छ ।

त्रिभुवन अन्तर्राष्ट्रिय विमानस्थल कार्यालयका अनुसार मंगलबार समेत पूर्वनिर्धारित कुल १६ अन्तर्राष्...

गृहमन्त्री गुरुङद्वारा ३ वटा अध्यादेश पेश

काठमाडौँ । प्रतिनिधिसभाको आजको बैठकमा गृहमन्त्री सुधन गुरुङले तीन वटा अध्यादेश पेश गर्नुभएको छ ।


सभाको पहिलो अधिवेशनको पहिलो बैठकमा दलीय आधारमा सदस्यहरूले मन्तव्य राखिसकेपछिको नियमित कार्यसूचीअन्तर्गत गृहमन्त्री गुरुङले ‘नागरिकतास...

यूएईमाथि नेपालको रोमाञ्चक जीत

काठमाडौँ । आईसीसी क्रिकेट विश्वकप लिग–२ अन्तर्गत त्रिदेशीय एकदिवसीय शृङ्खलामा नेपालले संयुक्त अरब इमिरेट्स (यूएई) डीएलएस नियमका आधारमा ६ रनले हराएको छ ।


वर्षाले प्रभावित खेलमा डीएलएस नियममा ३८ ओभरमा २५५ रनको लक्ष्य पाएको यूएईले ८...