पोखरा । नेशनल लाइफ इन्स्योरेन्स कम्पनी लिमिटेडले आफ्ना कर्मचारीको सीप, दक्षता र प्रविधिगत क्षमता अभिवृद्धि गर्ने उद्देश्यसहित तीनदिने Employee Skill Enhancement Program पोखरामा सम्पन्न गरेको छ । ‘Transitioning to the Age of Artificial Intelligence’ विषयमा आयोजित कार्यक्रममा देशभरका शाखा तथा केन्द्रीय कार्यालयका करिब २८० कर्मचारीको सहभागिता रहेको थियो। कार्यक्रममा कृत्रिम बुद्धिमत्ता (AI), डाटा विश्लेषण, ग्राहक सेवा प्रणाली तथा सम्पत्ति शुद्धीकरणसम्बन्धी विषयमा प्रशिक्षण दिइएको कम्पनीले जनाएको छ।

कम्पनीकी अध्यक्ष प्रेमराज लक्ष्मी सिंहले प्रविधिको प्रयोगले बीमा व्यवसायको प्रभावकारिता र सेवा गुणस्तर बढाउने विश्वास व्यक्त गर्नुभयो। कार्यक्रममा उत्कृष्ट प्रदर्शन गर्ने कर्मचारीहरूलाई नगद पुरस्कार र सम्मानपत्र प्रदान गरिएको थियो।