काठमाडौँ । सर्वोच्च अदालतले पूर्वमन्त्री दीपक खड्काको बन्दीप्रत्यक्षीकरण रिटमा लिखित जवाफ मागेको छ । न्यायाधीशद्वय तिलप्रसाद श्रेष्ठ र शान्तिसिंह थापाको इजलासले राजस्व अनुसन्धान विभाग र ललितपुर जिल्ला अदालतबाट पक्राउ गर्नुको कारणसहित लिखित जवाफ मागेको हो ।

सर्वोच्चको आदेशमा विभागबाट अनुरोध भएको तथा अदालतबाट म्याद थप भएको भए त्यससम्बन्धी सम्पूर्ण कागजातहरूसहितको मिसिल तथा अदालतबाट म्याद थप हुँदा थप पर्चा खडा गरिएको भए त्यो समेत संलग्न गरी भोलि १२ बजेसम्म लिखित जवाफ दिन भनिएको छ ।

प्रहरीले खड्कालाई गएको चैत १५ गते पक्राउ गरेको थियो । खड्काकी पत्नी विनिता थापाले गैरकानूनी रूपमा पक्राउ गरिएको भन्दै बन्दीप्रत्यक्षीकरणको रिट दायर गर्नुभएको हो ।

सर्वोच्च अदालतले भोलि रिट निवेदनको सुनवाइ नभएसम्म निवेदकलाई अहिलेको अवस्थामा यथास्थितिमा राख्न भनेको छ ।