काठमाडौँ । साफ महिला च्याम्पियनशिपको सेमिफाइनलमा नेपाल बङ्गलादेशसँग पराजित भएको छ । भारतको गोवामा रहेको जवाहरलाल नेहरु रङ्गशालामा आज भएको खेलमा नेपाल बङ्गलादेशसँग २–१ गोलले पराजित भयो ।

खेलको २३औँं मिनेटमा गीता रानाले गोल गर्दै नेपाललाई अग्रता दिलाएकी थिइन् । तर पहिलो हाफको इन्ज्युरी समयमा बङ्गलादेशले गोल गर्दै खेल बराबरीमा फर्काएको थियो । त्यसपछि दोस्रो हाफको इन्ज्युरी समयमा बङ्गलादेशले अर्काे गोल गर्‍याे ।

प्रतियोगिताको दोस्रो सेमिफाइनलमा आज राति भारत र भूटान खेल्दैछन् । अब बङ्गलादेशले उपाधिका लागि फाइनलमा यो खेलको विजेतासँग खेल्नेछ । फाइनल खेल पर्सि हुनेछ ।

नेपाल अहिलेसम्म उपाधिविहीन छ । प्रतियोगिताको आठौँ संस्करणसम्म आइपुग्दा नेपाल ६ पटक उपविजेता बन्दा २ पटक सेमिफाइनलबाट बाहिरिएको छ ।