सामुदायिक विद्यालयबाट ४ जिपिए ल्याउने विद्यार्थीलाई तारकेश्वर गाउँपालिकाको १ लाख पुरस्कार घोषणा
-
ककनी खबर
- बुध, १६ वैशाख २०८३
नुवाकोट । तारकेश्वर गाउँपालिकाले सामुदायिक विद्यालयको शैक्षिक गुणस्तर सुधार तथा विद्यार्थीलाई प्रोत्साहन गर्ने उद्देश्यले ‘गाउँपालिका अध्यक्ष प्रोत्साहन पुरस्कार’ कार्यक्रम सञ्चालन गर्ने भएको छ ।
गाउँपालिकाले यसै वर्षदेखि लागू हुने गरी गाउँपालिकाभित्रका सामुदायिक विद्यालयबाट माध्यमिक शिक्षा परीक्षा (SEE) मा ४ जिपिए ल्याउने प्रत्येक विद्यार्थीलाई रु. १ लाख नगद पुरस्कार प्रदान गर्ने निर्णय गरेको हो ।
त्यसैगरी, तारकेश्वर गाउँपालिकाका स्थायी बासिन्दा भई गाउँपालिका बाहिरका सामुदायिक विद्यालयबाट ४ जिपिए प्राप्त गर्ने विद्यार्थीलाई रु. ५० हजार पुरस्कार प्रदान गरिने गाउँपालिकाले जनाएको छ ।
गाउँपालिका अध्यक्ष शिव अधिकारी (अविरल)ले उक्त पुरस्कार हरेक वर्ष वितरण हुने व्यवस्था मिलाउन शिक्षा शाखालाई निर्देशन दिनुभएको छ ।
यसअघि गाउँ कार्यपालिकाले गाउँपालिका र सबै वडाका जनप्रतिनिधि, कर्मचारी, शिक्षक तथा स्वास्थ्यकर्मीले आफ्ना सन्तान अनिवार्य रूपमा सामुदायिक विद्यालयमा अध्ययन गराउनुपर्ने निर्णयसमेत गरेको थियो ।
सामुदायिक विद्यालयको शैक्षिक स्तर उकास्ने अभियान अन्तर्गत गाउँपालिकाले विभिन्न सुधारका कार्यक्रम अघि बढाइरहेको अध्यक्ष अधिकारीले बताउनुभएको छ ।
सम्बन्धित खबर
संसदीय दलको नेता छान्न कांग्रेस संसदीय दलको बैठक बस्दै
काठमाडौँ । संसदीय दलको नेता चयनका विषयमा छलफल गर्न नेपाली कांग्रेस संसदीय दलको बैठक आज सिंहदरबारस्थित दलको कार्यालयमा बस्दैछ।
कांग्रेसका नेताहरुका अनुसार संसदीय दलको नेता सर्वसम्मतिबाट चयन गर्ने तयारी छ। गत फागुन २१ गते...
तारकेश्वरका स्वास्थ्य र शिक्षण संस्था आइतबार बन्द नहुने
नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।
संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै ग...
सरकारले कक्षा १२ को उत्तरपुस्तिकाको नमूना परीक्षण गर्ने
सिभिल अस्पतालमा औषधि खरिदमा भ्रष्टाचार, ८ जनाविरुद्ध मुद्दा दायर
काठमाडौँ । काठमाण्डौको मीनभवनमा रहेको निजामती कर्मचारी अस्पताल (सिभिल अस्पताल) मा औषधि खरिदमा भ्रष्टाचार भएको भन्दै ८ जनाविरुद्ध मुद्दा दायर भएको छ ।
अख्तियार दुरुपयोग अनुसन्धान आयोगले २ करोड ९१ लाख २४ हजार ५४७ रुपैयाँ बिगो मा...
सुनचाँदीको भाउ बढ्यो, सुन तोलाको २ लाख ९० हजार ७०० रुपैयाँमा कारोबार
काठमाडौँ । आज सुनचाँदीको भाउ बढेको छ । सुनको भाउ तोलामा ७ हजार २०० रुपैयाँले बढेर २ लाख ९० हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
सुनको भाउ हिजो पनि बढेको थियो । हिजो सुनको भाउ त...
भोटेकोशी बाढीमा ज्यान गुमाउनेको सङ्ख्या ५३८ पुग्यो
काठमाडौँ । रसुवामा आएको विनाशकारी बाढीका कारण ज्यान गुमाउनेको सङ्ख्या ५३८ जना पुगेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आज दिउँसोसम्ममा ५३८ जनाको शव फेला परेको हो ।
धेरैजसाे शवहरू चितवन, नवलपरासी...