Kakani Khabar add
Kakani Khabar add
Kakani Khabar add

श्री नं १ सैन्य तालिम केन्द्रमा ५२८ जना दीक्षित

Main News Image
Kakani Khabar add

नुवाकोट । श्री नं १ सैन्य तालीम केन्द्र, मैथली ब्यारेक नुवाकोटका सिं.स.८३ को सैन्य तालीममा सहभागी ‘सैन्य आधार तालीमको अन्तिम दलेल कवाज’ पूरा भएसगै पाचसय २८ जना सैन्य शुक्रबारदेखि सिपाहीमा दीक्षित भएका छन् ।

सैन्यबाट सिपाही भएकालाई बलाधिकृत रथी प्रदीप जंग केसीले विशेष समारोहका बीच अन्तिम दलेल कवाज निरीक्षणगर्दै जनता, सैनिक संगठन र राष्ट्रको रक्षाको लागी जिम्मेवारी बहन गर्न निर्देशन दिनुभयो ।

बलाधिकृत केसीले नेपालको सार्वभौमसत्ता, राष्ट्रिय अखण्डता, जनताको सुरक्षाको लागी नेपाली सेनाको गौरवमय इतिहास रहेकाले त्यसलाई संरक्षण गर्न दिएको जिम्मेवारी सेनाको मूल्य र मान्यता भित्र रहेर इमान्दारपूर्वक बहन गर्न दीक्षित सिपाहीलाई स्मरण गराउनुभयो ।

“राष्ट्रको मेरुदण्डको रुपमा नेपाली सेना भएकाले दिएको जिम्मेवारीलाई बफादार एवम् अनुशासित ढङ्गबाट पालना गर्न सक्नुपर्छ ।” उहाँले भन्नुभयो “इमान्दार र कर्तव्यनिष्ठ भएर सेवा पु-याउनुहोस्, तपाईहरुको भविष्यको ढोका अब खुल्न सुरु भएको छ ।”

उहाँले दिक्षित सैनिकलाई सेनाको मुख्य दायित्वको रुपमा विपत् व्यवस्थापन, विकास निर्माणमा सहयोग, प्राकृतिक श्रोतको संरक्षण, ऐतिहासिक सम्पदाको सुरक्षा, स्थानीय प्रशासनलाई सहयोग सहित विश्वमा शान्ति स्थापनार्थ पु-याउदै आएको सेवामा विश्वसनीय सँस्थाको रुपमा बनाएको छवी कायम राख्ने जिम्मेवारी पूरा गर्नका लागी तयार रहन निर्देशन दिनुभयो ।

नेपाली सेनाको नौ महिने आधारभूत तालीम पूरा गरेका पाचसय २८ जना सैन्यहरु सकल दर्जाको सिपाहीको रुपमा कार्यक्षेत्रमा खटिन तयार भएको श्री नं १ सैन्य तालिम केन्द्रका प्रमुख, प्रमुख सेनानी दिपक राईले जानकारी दिनुभयो ।

तालिममा सहभागी ५२८ जनामा सैद्धान्तिक तथा ब्याबहारिक दुवै बिधामा उच्चस्तरको ज्ञान हासिल गर्दै तालिममा प्रविण खड्का खुकुरी होल्डर सर्वोकृष्ट (उत्कृष्ट सिपाही) घोषित हुनुभयो । यस्तै, तालिममा सहभागी महिलाहरु मध्ये ममता नेपाली उत्कृष्ट घोषित भएसगैँ कार्यक्रमका प्रमुख अतिथी मार्फत प्रशंसापत्र सहित सम्मान गरिएको थियो ।

उत्कृष्ट महिलातर्फ सिपाही ममता नेपाली र पुरुष तर्फ सिपाही प्रविण खड्कालाई बलाधिकृत रथी प्रदीप जंग केसीले नेपालको गौरव ‘गोर्खाली खुकुरी’ र प्रशंसापत्रले सम्मान गर्नुभयो । उक्त अवसरमा उहाँले ‘सैन्य आधारशिला अंक–२९’ को बिमोचन गर्नुभयो ।

Kakani Khabar add

सम्बन्धित खबर

पूर्वमन्त्री खड्काको बन्दीप्रत्यक्षीकरण रिटमा लिखित जवाफ माग

काठमाडौँ । सर्वोच्च अदालतले पूर्वमन्त्री दीपक खड्काको बन्दीप्रत्यक्षीकरण रिटमा लिखित जवाफ मागेको छ । न्यायाधीशद्वय तिलप्रसाद श्रेष्ठ र शान्तिसिंह थापाको इजलासले राजस्व अनुसन्धान विभाग र ललितपुर जिल्ला अदालतबाट पक्राउ गर्नुको कारणसहित लिखित जवाफ मा...

अध्यक्ष अधिकारीको महिला सशक्तीकरण अभियान जारी, दुई आमा समूहलाई डेढ लाख सहयोग

नुवाकोट । तारकेश्वर गाउँपालिका अध्यक्ष शिव अधिकारी (अविरल)ले महिला सशक्तीकरण अभियानलाई निरन्तरता दिँदै वडा नम्बर १ का दुई आमा समूहलाई नगद तथा सामग्री सहयोग हस्तान्तरण गर्नुभएको छ ।


आज आयोजित कार्यक्रममा अध्यक्ष अधिकारीले तल्लोहिले...

‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन

नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।

विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रम...

नयाँ शैक्षिक सत्र शुरू भएपछि मात्र भर्ना लिन सर्वोच्चको आदेश

नुवाकोटको लिखु गाउँपालिकाले संस्थागत विद्यालयहरूको शुल्क निर्धारण गर्‍यो

नुवाकोट । लिखु गाउँपालिका शिक्षा शाखाले गाउँपालिका भित्र सञ्चालनमा रहेका संस्थागत विद्यालयहरूको लागि शुल्क निर्धारण गरेको जनाएको छ ।

पालिकाले तोकेको शुल्कभन्दा बढी रकम असुल गरेको पाइएमा वा पालिकाबाट जारी निर्देशनको अवज्ञा गरेमा सम्बन्धित पक्...

पूर्वगृहमन्त्री लेखक २ नं गण महाराजगञ्जमा

काठमाडौँ ।  पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी २ नं गण महाराजगञ्जमा राखेको छ । उहाँलाई आज बिहान भक्तपुरको कटुञ्जेमा रहेको उहाँकै निवासबाट पक्राउ गरिएको थियो ।


नेता लेखकलाई २ नं ग...