Kakani Khabar add
Kakani Khabar add
Kakani Khabar add

तीनपिप्ले–गल्छी सडकको स्तरोन्नतिको माग गर्दै काठमाडौमा धर्ना

Main News Image
Kakani Khabar add

काठमाडौं । ककनी गाउँपालिका तथा बेलकोटगढी नगरपालिकाका स्थानीय नागरिकहरूले वर्षौँदेखि अलपत्र अवस्थामा रहेको तीनपिप्ले–गल्छी सडकको स्तरोन्नति तथा कालोपत्रे निर्माण कार्य शीघ्र अघि बढाउन माग गर्दै माइतीघर मण्डलामा शान्तिपूर्ण धर्ना कार्यक्रम आयोजना गरेका छन्।

स्थानीय कृषक, व्यापारी, युवा तथा सर्वसाधारण नागरिकहरूको उल्लेखनीय सहभागिता रहेको उक्त कार्यक्रममा सडकको दयनीय अवस्थाका कारण जनजीवनमा परेको प्रत्यक्ष असरबारे आवाज उठाइएको थियो। सहभागीहरूले सडकको बिग्रँदो अवस्थाले कृषि, व्यापार, शिक्षा, स्वास्थ्य तथा यातायात क्षेत्र गम्भीर रूपमा प्रभावित भएको बताएका थिए ।

कार्यक्रममा नेपाल डेरी एसोसिएसन का तर्फबाट नुवाकोट जिल्ला अध्यक्ष बालकृष्ण ढुंगाना, कृषक तथा व्यापारीहरूको तर्फबाट प्रकाश मुडभरी तथा विद्यार्थीहरूको तर्फबाट बसन्त गुरुङ को सहभागिता रहेको थियो।

कार्यक्रमको सम्पूर्ण संयोजन युवा समाजसेवी तथा कृषिक्षेत्रमा सक्रिय व्यक्तित्व अमृत पुडासैनीले गरेका थिए। पछिल्लो समय ग्रामीण विकास, कृषि उत्पादन तथा स्थानीय बजार व्यवस्थापनमा सक्रिय भूमिका खेल्दै आएका पुडासैनीलाई क्षेत्रीय स्तरमा उदाउँदो युवा नेतृत्वका रूपमा हेरिन थालिएको छ। विशेष गरी डेरी तथा दुग्ध क्षेत्रको बजार व्यवस्थापन, कृषकका उत्पादनको बजारीकरण तथा युवाहरूलाई कृषि पेशातर्फ आकर्षित गराउने अभियानमा उनको सक्रियता उल्लेखनीय मानिन्छ।

धर्ना कार्यक्रमलाई सम्बोधन गर्दै पुडासैनीले तीनपिप्ले–गल्छी सडक केवल पूर्वाधारको विषय मात्र नभई हजारौँ नागरिकको भविष्य र जीवनस्तरसँग जोडिएको विषय भएको बताएका थिए। उनले सडक निर्माणमा भएको ढिलाइका कारण स्थानीय किसान, विद्यार्थी, बिरामी तथा व्यापारीहरूले दैनिक रूपमा कठिनाइ भोग्नुपरेको उल्लेख गरे।

“किसानले उत्पादन गरेको तरकारी, दूध तथा अन्य कृषि उपज समयमै बजारसम्म पुर्‍याउन सकिरहेका छैनन्। यातायातको अभाव र सडकको खराब अवस्थाले उत्पादनको उचित मूल्यसमेत पाउन कठिन भएको छ,” उनले भने। “यदि यो सडक व्यवस्थित रूपमा निर्माण हुने हो भने यस क्षेत्रको कृषि, पर्यटन, व्यापार र समग्र आर्थिक गतिविधिमा ठूलो परिवर्तन आउनेछ।”

धर्ना कार्यक्रममा सहभागीहरूले “कृषक, युवा, व्यापारी — एउटै स्वर, सडक बनाउ विकासको ढोका खोल”, “किसानको पसिनाको सम्मान गर, तीनपिप्ले–गल्छी सडक छिटो निर्माण गर”, “अहिले नभए कहिले ?”, “आश्वासन त पाएकै थियौं पहिले जस्तै”, “सडक हाम्रो अधिकार हो” तथा “तीनपिप्ले–गल्छी सडक तत्काल कालोपत्रे गर” लगायतका नाराहरू लगाउँदै सडक निर्माण कार्य तत्काल अघि बढाउन माग गरेका थिए।

स्थानीयवासीहरूका अनुसार तीनपिप्ले–गल्छी सडक नुवाकोटका ककनी तथा बेलकोटगढी क्षेत्रलाई राष्ट्रिय राजमार्गसँग जोड्ने महत्वपूर्ण मार्ग हो। तर वर्षौँदेखि सडक स्तरोन्नति कार्य सुस्त हुँदा स्थानीय जनताले हिउँदमा धुलो र वर्षायाममा हिलोको समस्या झेल्दै आएका छन्। कतिपय स्थानमा सडक जोखिमपूर्ण बन्दै जाँदा दुर्घटनाको सम्भावना समेत बढेको स्थानीयहरूको भनाइ छ।

विशेषगरी कृषिप्रधान क्षेत्रका रूपमा परिचित ककनी तथा बेलकोटगढीमा उत्पादन हुने तरकारी, दूध तथा अन्य कृषि उपज बजारसम्म पुर्‍याउन सडक मुख्य आधार भए पनि कमजोर पूर्वाधारका कारण किसानहरू प्रत्यक्ष मारमा परेका छन्। स्थानीय व्यापारीहरूले पनि ढुवानी लागत बढेको तथा व्यवसाय विस्तारमा समस्या भएको बताएका छन्।

कार्यक्रमका आयोजकहरूले सरकार तथा सम्बन्धित निकायलाई तीनपिप्ले–गल्छी सडक निर्माण कार्यलाई प्राथमिकतामा राखी तत्काल प्रभावकारी रूपमा अघि बढाउन आग्रह गरेका छन्। साथै, जनताको धैर्यको परीक्षा धेरै भइसकेकाले अब व्यवहारिक रूपमा काम सुरु हुनुपर्ने उनीहरूको माग रहेको छ।

आन्दोलन समितिले आगामी दिनमा पनि जनताको आवाजलाई शान्तिपूर्ण र लोकतान्त्रिक माध्यमबाट निरन्तर उठाइरहने जनाएको छ।

Kakani Khabar add

सम्बन्धित खबर

रामेछाप दुर्घटना : मतदान अधिकृतको पनि मृत्यु, ७ जनालाई हेलिकप्टरबाट काठमाडौं पठाइयो

१८ फागुन, काठमाडौं । रामेछाप नगरपालिका–२ स्थित सिरुबारीमा गाडी दुर्घटना हुँदा ज्यान गुमाउनेको संख्या २ पुगेको छ । सोमबार मतदान सामग्री र निर्वाचन कर्मचारी लिएर रामेछापको रामेछाप नगरपालिका-२ देउरालीतर्फ जाँदै गरेको ना ७ ख ६७६८ नम्बरको गाडी दुर्घटना...

तारकेश्वर गाउँपालिकाको सबै वडामा ‘अध्यक्षसँग ज्येष्ठ नागरिक कार्यक्रम’ सम्पन्न

नुवाकोट । तारकेश्वर गाउँपालिकाले सोमबारदेखि सुरु गरेको आर्थिक वर्ष २०८२/०८३ को तेस्रो त्रैमासिक सामाजिक सुरक्षा भत्ता (वृद्धभत्ता) वितरण, निःशुल्क स्वास्थ्य परीक्षण, औषधी तथा परामर्शसहितको ‘गाउँपालिका अध्यक्षसँग ज्येष्ठ नागरिक कार्यक्रम’ शुक्रबार...

ओली र लेखकलाई ५ दिन हिरासतमा राख्न अनुमति

काठमाडौँ । जिल्ला अदालत काठमाण्डौले नेकपा एमालेका अध्यक्ष एवम् पूर्वप्रधानमन्त्री केपी शर्मा ओली र नेपाली कांग्रेस नेता एवम् पूर्वगृहमन्त्री रमेश लेखकलाई ५ दिन थुनामा राखेर अनुसन्धान अघि बढाउन आदेश दिएको छ ।


न्यायाधीश आनन्दप्रसाद...

पूर्वगृहमन्त्री लेखक २ नं गण महाराजगञ्जमा

काठमाडौँ ।  पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी २ नं गण महाराजगञ्जमा राखेको छ । उहाँलाई आज बिहान भक्तपुरको कटुञ्जेमा रहेको उहाँकै निवासबाट पक्राउ गरिएको थियो ।


नेता लेखकलाई २ नं ग...

राष्ट्रियसभा उपाध्यक्षको चुनाव चैत २३ गते

काठमाडौँ । राष्ट्रियसभाको उपाध्यक्ष पदको चुनाव चैत २३ गते सोमवार हुने भएको छ । राष्ट्रियसभाका अध्यक्ष नारायणप्रसाद दाहालले आजको बैठकमा चुनावको मिति तोक्नुभएको हो । उहाँले चुनाव कार्यक्रमसम्बन्धी सूचना प्रकाशित गर्न सङ्घीय संसद्का महासचिव पद्मप्रसा...

प्रतिनिधिसभा नियमावलीको मस्यौदा तयार : के–के गर्न पाइँदैन ?

काठमाडौँ । प्रतिनिधिसभा नियमावलीको मस्यौदा समितिले आफ्नो प्रतिवेदन सभामुख डीपी अर्याललाई बुझाएको छ । प्रतिनिधिसभाको बैठकले गएको चैत २३ गते गठन गरेको रास्वपाका सांसद गणेश पराजुली नेतृत्वको मस्यौदा समितिले आज नियमावलीको मस्यौदा बुझाएको हो ।