देशभर ९८ प्रतिशत धान रोपाइँ सकियो

देशभर ९८ प्रतिशत धान रोपाइँ सकियो

काठमाडौँ । देशभर ९८ प्रतिशत धान रोपाइँ भएको छ । कृषि विभागले देशभर ९८ प्रतिशत धान रोपाइँ सम्पन्न भएको जनाएको हो । यो गएको वर्षको तुलनामा १.९२ प्रतिशतले धेरै हो ।

विभागको तथ्याङ्कअनुसार देशभर १३ लाख ४१ हजार ७६४ हेक्टर जमिनमा रोपाइँ भएको छ । तर समग्रमा खेतीयोग्य जमिन १३ लाख ७० हजार हेक्टर छ ।

प्रदेशगत रूपमा सुदूरपश्चिम प्रदेशमा शतप्रतिशत रोपाइँ भएको छ । त्यस्तै अहिलेसम्म कर्णालीमा ९८.५ प्रतिशत, लुम्बिनीमा ९७.८७ प्रतिशत, गण्डकीमा ९६.६८ प्रतिशत, बागमतीमा ९७.८२ प्रतिशत, मधेसमा ९८.१० प्रतिशत, कोशीमा ९७ प्रतिशत रोपाइँ सकिएको हो ।

कृषि विभागका महानिर्देशक प्रकाशकुमार सञ्जेलका अनुसार विशेषगरी मधेस प्रदेशलगायतका क्षेत्रमा बेलैमा पर्याप्त पानी नपरेकाले यस वर्ष केही ढिला गरी रोपाइँ भयो ।

आकासे पानीकै भरमा रोपाइँ पर्नुपर्ने बाध्यता छ । अघिल्लो वर्ष भन्दा यस वर्ष ढिला भए पनि राम्रै पानी परेकाले धान रोपाइँको अवस्था सन्तोषजनक भएको छ ।

एक्सप्रेस

सम्बन्धित खबर

एमाले नुवाकोट उपाध्यक्ष तथा बेलकोटगढीका निवर्तमान नगरप्रमुख खनालको निधन

नुवाकोट । नेकपा (एमाले) नुवाकोटका उपाध्यक्ष राजेन्द्ररमण खनालको आज निधन भएको छ ।

फोक्सोमा समस्या देखिएसगैँ पछिल्लो एक महिनादेखि जनमैत्री अस्पताल बालाजुमा उपचाररत रहनुभएका खनालको आज अपरान्ह निधन भएको उहाँको भाई रमेशरमण खनालले ज...

सुनको भाउ आज तोलामा ३ हजार ६०० रुपैयाँले बढ्यो

काठमाडौँ । कारोबार हुने हप्ताको पहिलो दिन आज आइतबार सुनचाँदीको भाउ बढेको छ ।

सुनको भाउ आज तोलामा ३ हजार ६०० रुपैयाँले बढेको नेपाल सुनचाँदी व्यवसायी महासंघले जनाएको छ । भाउ बढेर सुन आज तोलाको ३ लाख ५ हजार २०० रुपैयाँ पुगेको छ ।

...

गोर्स्याङ–निग्लेनी–दाङसिङ सडक कालोपत्रेका लागि थप रु. ६ करोड ९२ लाख बजेट विनियोजन