Kakani Khabar add
Kakani Khabar add
Kakani Khabar add

विदुर–५ मा सुविधासम्पन्न तरकारी संकलन केन्द्र निर्माण सुरु, नगरप्रमुख श्रेष्ठद्वारा शिलान्यास

Main News Image
Kakani Khabar add

नुवाकोट । विदुर नगरपालिका–५ स्थित वडा कार्यालय परिसरमा निर्माण हुन लागेको सुविधासम्पन्न तरकारी संकलन केन्द्रको नगरप्रमुख राजन श्रेष्ठले शिलान्यास गर्नुभएको छ। स्थानीय कृषकको उत्पादनलाई व्यवस्थित रूपमा संकलन, भण्डारण तथा बजारसम्म सहज रूपमा पु-याउने उद्देश्यका साथ उक्त केन्द्र निर्माण थालिएको हो।

शिलान्यास कार्यक्रममा विदुर नगरपालिकाकी उपप्रमुख प्रभा बोगटी, वडा नं. ५ का अध्यक्ष लिलानाथ न्यौपाने, वडा सदस्यहरू, कर्मचारी, स्थानीय कृषक तथा नगरवासी महानुभावहरूको उल्लेख्य सहभागिता रहेको थियो। कार्यक्रममा बोल्दै नगरप्रमुख श्रेष्ठले कृषकको उत्पादनलाई उचित बजारसँग जोड्न तथा कृषि क्षेत्रलाई थप व्यवस्थित बनाउन तरकारी संकलन केन्द्र महत्वपूर्ण हुने बताउनुभयो।

सघन शहरी तथा भवन निर्माण आयोजना मार्फत ठेक्का प्रक्रिया पूरा गरी निर्माण सुरु गरिएको उक्त केन्द्रमा दुई वटा भवन, पानी आपूर्ति प्रणाली र शौचालय सहितका आधारभूत पूर्वाधार रहनेछन्। किसानहरूले उत्पादन गरेको तरकारी सुरक्षित रूपमा संकलन, वर्गीकरण र बजार व्यवस्थापन गर्न सक्ने गरी केन्द्रलाई सुविधासम्पन्न बनाइने योजना रहेको वडा नं. ५ का अध्यक्ष लिलानाथ न्यौपानेले जानकारी दिनुभयो ।

करिब १ करोड ६० लाख रुपैयाँ लागतमा निर्माण हुने यस तरकारी संकलन केन्द्रको निर्माण कार्य आगामी जेठ मसान्तभित्र सम्पन्न गर्ने लक्ष्य राखिएको छ। केन्द्र सञ्चालनमा आएपछि विदुर नगरपालिका क्षेत्रका किसानहरूले उत्पादन गरेको तरकारी संकलन र बिक्री व्यवस्थापनमा सहजता हुने अपेक्षा गरिएको छ।

यसैबीच, विदुर नगरपालिकाले सघन शहरी तथा भवन निर्माण आयोजनासँग साझेदारी गर्दै विभिन्न विकास योजनाहरू सञ्चालन गरिरहेको छ। उक्त आयोजना मार्फत नगरपालिकाले करिब १६ करोड रुपैयाँ बराबरका कार्यक्रमहरू सञ्चालन गर्दै आएको छ।

यस अन्तर्गत वडा कार्यालय भवन निर्माण, सडक स्तरोन्नति, शौचालय निर्माण लगायतका विभिन्न पूर्वाधार विकासका योजनाहरू कार्यान्वयनमा ल्याइएको नगरपालिकाले जनाएको छ।

स्थानीय तहको समन्वय र सरकारी कार्यक्रममार्फत सञ्चालन भइरहेका यस्ता पूर्वाधार विकासका योजनाले स्थानीय स्तरमा सेवा प्रवाह सहज बनाउने र आर्थिक गतिविधि समेत विस्तार हुने अपेक्षा गरिएको छ।

Kakani Khabar add

सम्बन्धित खबर

तारकेश्वरका स्वास्थ्य र शिक्षण संस्था आइतबार बन्द नहुने

नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।


संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै ग...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...

सामाजिक सञ्जालमा फैलिएका सूचना आधिकारिक हुन वा होइन भनेर चिन्न आवश्यकः सञ्चारमन्त्री डा.तिमिल्सिना

नुवाकोट । सञ्चार तथा सूचना प्रविधिमन्त्री डा बिक्रम तिमिल्सिनाले सामाजिक सञ्जालमा फैलिएका सूचना हल्ला हुन वा आधिकारिक हुन भनेर चिन्न आवश्यक रहेको बताउनुभएको छ ।


पछिल्लो समय सरकारले प्रत्येक मन्त्रीलाई नयाँ मोबाइल फोन उपलब्ध गराउने...

आज र भोलि देशका विभिन्न ठाउँमा ठूलो वर्षा र हावाहुरीको सम्भावना

काठमाडौँ । आज र भोलि देशका विभिन्न ठाउँमा ठूलो वर्षा र हावाहुरीको सम्भावना रहेकाले सचेत रहन मौसमविद्हरूले आग्रह गरेका छन् ।


मौसम पूर्वानुमान महाशाखाका अनुसार आज दिउँसोपछि कर्णाली र सुदूरपश्चिम प्रदेशका पहाडी तथा हिमाली क्षेत्रमा ठ...

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

काठमाडौँ । विद्यार्थी सङ्गठनमाथि प्रतिबन्ध गर्ने सरकारी घोषणाको विरोधमा विद्यार्थी सङ्गठनहरूले काठमाण्डाैमा कालो बेलुन उडाएर प्रदर्शन गरेका छन् ।

नेपाल विद्यार्थी सङ्घ( नेविसङ्घ) र अखिल नेपाल राष्ट्रिय स्वतन्त्र विद्यार्...

तारकेश्वर गाउँपालिकाको सबै वडामा ‘अध्यक्षसँग ज्येष्ठ नागरिक कार्यक्रम’ सम्पन्न

नुवाकोट । तारकेश्वर गाउँपालिकाले सोमबारदेखि सुरु गरेको आर्थिक वर्ष २०८२/०८३ को तेस्रो त्रैमासिक सामाजिक सुरक्षा भत्ता (वृद्धभत्ता) वितरण, निःशुल्क स्वास्थ्य परीक्षण, औषधी तथा परामर्शसहितको ‘गाउँपालिका अध्यक्षसँग ज्येष्ठ नागरिक कार्यक्रम’ शुक्रबार...