Kakani Khabar add
Kakani Khabar add
Kakani Khabar add

वृद्धभत्ता वितरणसँगै स्वास्थ्य सेवा: तारकेश्वरमा ‘अध्यक्षसँग ज्येष्ठ नागरिक कार्यक्रम’ सुरु हुँदै

Main News Image
Kakani Khabar add

नुवाकोट । तारकेश्वर गाउँपालिकाले वैशाख ७ गते सोमबारदेखि ११ गते शुक्रबारसम्म सबै वडामा सामाजिक सुरक्षा भत्ता (वृद्धभत्ता) वितरणसँगै निःशुल्क स्वास्थ्य परीक्षण, औषधी वितरण र स्वास्थ्य परामर्श सेवा प्रदान गर्ने भएको छ ।


‘गाउँपालिका अध्यक्षसँग ज्येष्ठ नागरिक कार्यक्रम’ अन्तर्गत सञ्चालन हुने यस अभियानले ज्येष्ठ नागरिकलाई घरदैलोमै सहज सेवा उपलब्ध गराउने लक्ष्य लिएको छ ।


गाउँपालिका अध्यक्ष शिव अधिकारी ‘अविरल’ले कार्यक्रमलाई प्रभावकारी, व्यवस्थित र गुनासोमुक्त बनाउन पञ्जीकरण शाखा र स्वास्थ्य शाखालाई आवश्यक निर्देशन दिनुभएको छ ।


यसअघि भत्ता वितरणमा हुने ढिलाइ र ज्येष्ठ नागरिकले भोग्नुपरेका झन्झट अन्त्य गर्ने उद्देश्यले अध्यक्ष अधिकारीले निर्वाचित भएलगत्तै प्रत्येक ३/३ महिनामा वडा–वडामा पुगेर स्वास्थ्य सेवा सहित भत्ता वितरण गर्ने अभ्यास सुरु गर्नुभएको थियो ।


यस कार्यक्रमबाट ज्येष्ठ नागरिकहरूले आफ्नै वडामै स्वास्थ्य जाँच, औषधी तथा परामर्श सेवा लिनुका साथै भत्ता पनि सहज रूपमा प्राप्त गर्नेछन् ।


कार्यक्रमको तालिका यसप्रकार छ :
वैशाख ७ गते सोमबार बिहान ८ बजेदेखि दिउँसो २:३० बजे सम्म :- ५ नं. वडा कार्यालय, गोर्स्याङ
वैशाख ८ गते मङ्गलबार बिहान ८ बजेदेखि दिउँसो २:३० बजे सम्म :- ६ नं. वडा कार्यालय, मजुवा
वैशाख ९ गते बुधबार र १० गते बिहीबार बिहान ९ बजेदेखि दिउँसो ४ बजे सम्म :- १ नं. वडा कार्यालयसँगैको हिमालयन बैंक, दाङसिङ
वैशाख ९ गते बुधबार बिहान ८ बजेदेखि दिउँसो २:३० बजे सम्म :- ३ नं वडा कार्यालय, तारुका 
वैशाख १० गते बिहीबार बिहान ८ बजेदेखि दिउसो २:३० बजेसम्म :- ४ नं वडा कार्यालय, बुधसिंह 
वैशाख ११ गते शुक्रबार बिहान ८ बजेदेखि दिउसो २:३० बजेसम्म :- २ नं वडा कार्यालय, तारुका

Kakani Khabar add

सम्बन्धित खबर

तारकेश्वरका किसानलाई हाते ट्याक्टर प्रदान

नुवाकोट । तारकेश्वर गाउँपालिकाले चालु आर्थिक वर्षको स्वीकृत कार्यक्रम आलु बालीको नयाँ पकेट क्षेत्र विकास कार्यक्रम अन्तर्गत किसानलाई ३ दिने स्थलगत तालिम सहित कृषि सामग्री हस्तान्तरण कार्यक्रम सम्पन्न गरेको छ ।

माध्यमिक शिक्षा परीक्षा एसईई भोलिदेखि : सम्पूर्ण तयारी पूरा

काठमाडौँ । देशभर माध्यमिक शिक्षा परीक्षा (एसईई) भोलिदेखि शुरु हुँदैछ ।  परीक्षाका लागि आवश्यक सम्पूर्ण तयारी पूरा भएको परीक्षा नियन्त्रण कार्यालय कक्षा १० ले जनाएको छ । 


कार्यालयका अनुसार यस वर्ष ५ लाख १२ हजार ४२१ विद्या...

‘जनताका निराशा बेचेर स्वार्थको रोटी सेक्नेहरूबाट देश बन्दैन’

आसन्न प्रतिनिधिसभा सदस्य निर्वाचनको सरगर्मी देशभर बढ्दो छ। यसै सन्दर्भमा मोरङ क्षेत्र नम्बर ४ यतिबेला निकै चर्चामा छ। यस क्षेत्रबाट नेपाली कांग्रेसका महामन्त्री गुरु घिमिरे चुनावी मैदानमा छन् । विद्यार्थी राजनीतिबाट उदाएका घिमिरे वैचारिक र प्रखर व...

एमाले अध्यक्ष ओली त्रिवि शिक्षण अस्पताल भर्ना

काठमाडौँ । एमाले अध्यक्ष केपी शर्मा ओली त्रिवि शिक्षण अस्पताल (टिचिङ अस्पताल)मा भर्ना हुनुभएको छ । 


उहाँलाई त्रिवि शिक्षण अस्पतालको ‘एनेक्स वान’ भवनको ५०१ नम्बर बेडमा भर्ना गरिएको हो । ओली मिर्गौलाको बिरामी हुनुहुन्छ । आवश्यक...

मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै

काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।


राष्ट्रिय परिचय...

आज मन्त्रिपरिषद्को बैठक बस्दै

काठमाडौँ । आज मन्त्रिपरिषद्को बैठक बस्दैछ । बैठक दिउँसो ४ बजे सिंहदरबारमा आह्वान गरिएको सरकारका प्रवक्ता एवं शिक्षामन्त्री सस्मित पोखरेलले जानकारी दिनुभयो । 


राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (ब...