Kakani Khabar add
Kakani Khabar add
Kakani Khabar add

युनाइटेड युथ क्लबको अध्यक्षमा पुनः अच्युतराज महन्त गिरी चयन

Main News Image
Kakani Khabar add

बट्टार । नुवाकोटको खेलकुद तथा सामाजिक क्षेत्रमा लामो समयदेखि सक्रिय रहँदै आएको युनाइटेड युथ क्लब को अध्यक्षमा पुनः अच्युतराज महन्त गिरी चयन हुनुभएको छ ।

क्लबको ३७औँ साधारणसभा तथा अधिवेशनले वर्तमान अध्यक्ष गिरीलाई सर्वसम्मत रूपमा पुनः अध्यक्षको जिम्मेवारी दिएको हो । शनिबार विदुरमा सम्पन्न अधिवेशनले आगामी कार्यकालका लागि नयाँ कार्यसमिति समेत चयन गरेको छ ।

नवनिर्वाचित कार्यसमितिको उपाध्यक्षमा रामनाथ थापा, सचिवमा विष्णुप्रसाद भट्ट, सहसचिवमा टिकाराम विष्ट तथा कोषाध्यक्षमा अनिता श्रेष्ठ चयन हुनुभएको छ । त्यसैगरी सदस्यहरूमा उमेश डंगोल, सुजन गिरी, राज श्रेष्ठ, सविना तामाङ र निमाया तामाङ चयन हुनुभएको क्लबले जनाएको छ ।

पुनः अध्यक्षमा चयन भएपछि अध्यक्ष अच्युतराज महन्त गिरीले क्लबलाई आगामी दिनमा अझ सक्रिय, व्यवस्थित र युवामैत्री बनाउँदै लैजाने प्रतिबद्धता व्यक्त गर्नुभयो । उहाँले खेलकुद गतिविधिसँगै सामाजिक उत्तरदायित्वका कार्यक्रमलाई समेत थप प्रभावकारी बनाइने बताउनुभयो ।

“युवा शक्तिलाई खेलकुदमार्फत अनुशासित, सक्रिय र स्वस्थ बनाउने हाम्रो मुख्य उद्देश्य हो,” अध्यक्ष गिरीले भन्नुभयो, “क्लबले विगतदेखि गर्दै आएका सामाजिक तथा मानवसेवाका गतिविधिलाई आगामी दिनमा अझ विस्तार गर्दै लैजाने योजना बनाएका छौँ ।”

उहाँका अनुसार क्लबले विगतदेखि नै खेलकुद प्रतियोगिता सञ्चालन गर्नुका साथै विपन्न वर्गका व्यक्ति तथा समुदायलाई आर्थिक सहयोग, रक्तदान कार्यक्रम, सरसफाइ अभियान, स्थानीय पर्व तथा जात्रामा स्वयंसेवक परिचालन, सर्वतपानी तथा खानेपानी वितरण जस्ता सामाजिक कार्य गर्दै आइरहेको छ ।

विशेषगरी रगत अभावका बेला सञ्चालन गरिँदै आएको रक्तदान कार्यक्रमलाई आगामी दिनमा थप प्रभावकारी बनाइने उहाँले बताउनुभयो । “रक्तदान जीवनदान हो भन्ने सन्देशसहित क्लबले निरन्तर सामाजिक अभियान सञ्चालन गर्दै आएको छ,” उहाँले भन्नुभयो ।

त्यसैगरी, सिन्दुरे जात्राका क्रममा भैरवी मन्दिर, देवीघाट तथा बाराही मन्दिर क्षेत्रमा लाग्ने जात्रामा भक्तजनलाई सहजीकरण गर्ने, स्वयंसेवक परिचालन गर्ने तथा आवश्यक सहयोग उपलब्ध गराउने कार्यलाई पनि निरन्तरता दिइने क्लबले जनाएको छ ।

बट्टार संगमचोकस्थित आफ्नै सुविधासम्पन्न भवनबाट गतिविधि सञ्चालन गर्दै आएको क्लबले युवालाई राष्ट्रनिर्माण र सामाजिक उत्तरदायित्वका क्षेत्रमा सहभागी गराउने उद्देश्य राखेको जनाएको छ । समयको आवश्यकता र युवाको मागअनुसार विधानमा उल्लेख भएका थप कार्यक्रम विस्तार गर्दै लैजाने लक्ष्य समेत क्लबले लिएको छ ।

Kakani Khabar add

सम्बन्धित खबर

एमाले अध्यक्ष ओली त्रिवि शिक्षण अस्पताल भर्ना

काठमाडौँ । एमाले अध्यक्ष केपी शर्मा ओली त्रिवि शिक्षण अस्पताल (टिचिङ अस्पताल)मा भर्ना हुनुभएको छ । 


उहाँलाई त्रिवि शिक्षण अस्पतालको ‘एनेक्स वान’ भवनको ५०१ नम्बर बेडमा भर्ना गरिएको हो । ओली मिर्गौलाको बिरामी हुनुहुन्छ । आवश्यक...

तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने

नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।

तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...

मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै

काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।


राष्ट्रिय परिचय...

यूएईमा नेपाली दूतावासको आग्रह– सामाजिक सञ्जालमा अफवाह नफैलाउनू

१७ फागुन, काठमाडौं । संयुक्त अरब इमिरेट्स (यूएई) स्थित नेपाली दूतावासले यूएईमा विकसित भइरहेको परिस्थितिका सन्दर्भमा त्यहाँ बसोबास गर्ने सम्पूर्ण नेपाली समुदायलाई सामाजिक सञ्जालमार्फत अपुष्ट र भ्रामक सामग्री नफैलाउन आग्रह गरेको छ ।

दूतावासले...

विदुर–५ मा सुविधासम्पन्न तरकारी संकलन केन्द्र निर्माण सुरु, नगरप्रमुख श्रेष्ठद्वारा शिलान्यास

नुवाकोट । विदुर नगरपालिका–५ स्थित वडा कार्यालय परिसरमा निर्माण हुन लागेको सुविधासम्पन्न तरकारी संकलन केन्द्रको नगरप्रमुख राजन श्रेष्ठले शिलान्यास गर्नुभएको छ। स्थानीय कृषकको उत्पादनलाई व्यवस्थित रूपमा संकलन, भण्डारण तथा बजारसम्म सहज रूपमा पु-याउने...