बैशाख ३,बिदुर । विदुर नगरपालिका–२ स्थित बट्टारमा रहेको एक स्विमिङ पुल (पौडी खेल्न बनाएको पोखरी) मा डुबेर मंगलबार एक जना गम्भीर अशक्त भएका छन् ।
विदुर नगरपालिका– ६ इनारपाटी घर भएका २३ वर्षका शंकर न्यौपाने पौडी खेलिरहेको समयमा पोखरीमा डुबेपछि उद्धार गरी उपचारको लागी काठमाडौ लगिएको नुवाकोट प्रहरीले जनाएको छ ।
पोखरीमा डुबेर अचेत भएका न्यौपानेलाई उद्धार गरी विदुर स्थित चक्रदेव पोलिक्लिनिकमा उपचार पछि हेलिकोप्टरबाट अपरान्ह चार बजे काठमाडौ लगिएको हो ।
पोखरीमा ११ बजेतिर पौडी खेल्न गएका उनी करीब तीन बजेतिर डुबेको र केही समयमै उद्धार गरिएको थियो ।