बट्टार । नुवाकोटबाट प्रकाशित सुन्दरादेवी सन्देश साप्ताहिकको मुख्य आायेजना र शुभेनियर बोर्डिङ स्कुलको सह–आयोजनामा शनिबार नुवाकोटको बट्टारमा सम्पन्न आठौँ अन्तरविद्यालय खुला लोकनृत्य प्रतियोगितामा समूहगत नृत्य प्रतियोगितामा अर्किड एकेडेमी बट्टार र एकलतर्फ ओममाने पब्लिक स्कुल प्रथम भएको छ ।

उत्कृष्ट नृत्य प्रस्तुत गर्दै विदुर नगरपालिका–४ बट्टारमा सञ्चालित अर्किड एकेडेमीका विद्यार्थीहरु उत्कृष्ट भएको सुन्दरादेवी सन्देश साप्ताहिक किरणप्रसाद अधिकारीले जानकारी दिनुभयो । उहाँको अनुसार समूहगत नृत्यमा उत्कृष्ट भएको अर्किड एकेडेमीले प्रशंसापत्र सहित नगद रु १५ हजार प्राप्त गरेको छ ।

यस्तै, दोश्रो भएको त्रिशूली सामुदायिक बोर्डिङ स्कुलले नगद रु १० हजार, तेश्रो भएको दिव्यरत्न बोर्डिङ स्कुलले नगद रु ५ हजार र र सान्त्वना स्थान हासिल गरेको इपिक किड्सले नगद दुई हजार पाचसय रुपैयाँ सहित प्रशंसापत्र प्रदान गरिएको थियो ।

यस्तै, एकल नृत्य प्रतियोगितामा ओममाने पब्लिक स्कुलका पूर्णिका लामिछाने प्रथम, ज्योतीकुञ्ज एकेडेमी रियाना डंगोल दोश्रो, गुडविल एकेडेमीका सोफिया सुनार तेश्रो र सान्त्वना स्थान ज्योतीकुञ्ज एकेडेमीका शुभेच्छा धिताल हुनुभयो । प्रतियोगितामा प्रथम, द्धित्तिय, तृत्तिय र सान्त्वना स्थान हासिल गर्नेलाई क्रमशः ११ हजार १११, ६ हजार ६६६, ३ हजार ३३३, एक हजार पाचसय नगद सहित प्रशंसा पत्रले सम्मान गरिएको थियो ।

कार्यक्रममा एसइई परीक्षामा नुवाकोटबाट सहभागी भएर चार जिपिए ल्याएका ११ जना विद्यार्थीहरुलाई सम्मान गरिएको थियो ।

यस्तै, विभिन्न पेशामा आबद्ध भएर समाजमा शिक्षा, सञ्चार, स्वास्थ्य, व्यावसाय लगायतका क्षेत्रमा योगदान पुराएबापत बरिष्ठ पत्रकार शरणउत्सुक सापकोटा, नुवाकोट उद्योग बाणिज्य संघका केन्द्रीय सदस्यहरु ताराबहादुर कार्की र गिता अमात्य, पत्रकार तथा कलाकार सन्तोषी केसी सहित उज्वलजंग ठकुरी, रामचन्द्र कोइराला, सन्तोष अधिकारी, पवित्रा आचार्य, रमेश पाठक, गिता अधिकारी, स्वस्तिका पन्थी, दिनेश श्रेष्ठ, हरि अधिकारी, तेजबहादुर प्याकुरेल लगायतलाई सम्मानपत्र सहित सम्मान गरिएको थियो ।

कार्यक्रमका विशिष्ठ अतिथी बरिष्ठ संगिताकार राजु सिंहले सञ्चारमाध्यम र विद्यालयबीचको समन्वयमा जिल्लास्तरीय प्रतियोगिता सञ्चालन गर्नु चुनौती पूर्ण कार्यको सफल रुपमा सम्पन्न हुन गितसंगित क्षेत्रका लागी गर्व गर्न लायक कार्य भएको बताउनुभयो ।