Kakani Khabar add
Kakani Khabar add
Kakani Khabar add

बागमती प्रदेशमा करिब १३ प्रतिशत रोपाइँ सम्पन्न

Main News Image
Kakani Khabar add

काठमाडौँ । पर्याप्त मात्रामा आकाशे पानी नपरेको र सिँचाइको अभावका कारण यस वर्ष बागमती प्रदेशमा हालसम्म करिब १३ प्रतिशत मात्र रोपाई सम्पन्न भएको छ ।


प्रदेशको कृषि विकास निर्देशनालयको पछिल्लो तथ्यांकअनुसार कूल १ लाख १४ हजार ५२९ दशमलव ४ हेक्टर क्षेत्रफलमध्ये १४ हजार ४१९ दशमलव ५२ हेक्टर अर्थात् १२.५९ प्रतिशत क्षेत्रमा मात्र धान रोपाइँ सम्पन्न भएको हो । 


गत वर्षको यही अवधिसम्म बागमती प्रदेशमा २०.५१ प्रतिशत रोपाइँ सम्पन्न भइसकेको थियो । वर्षामा भएको उतारचढाव र मनसुनी गतिविधिमा देखिएको ढिलाइका कारण रोपाइँको दर गत वर्षको तुलनामा कम देखिएको निर्देशनालयका बाली विकास अधिकृत गणेश भाट क्षेत्रीले जानकारी दिनुभयो । प्रदेशका अधिकांश पहाडी जिल्लाका क्षेत्रमा आकाशे पानीको भरमा धान खेती गर्नुपर्ने भएकाले धान रोपाइँ कम भएको उहाँको भनाई छ । 


प्रदेशका १३ जिल्लामध्ये रोपाइँका हिसाबले काठमाडौँ सबैभन्दा अगाडि देखिएको छ । काठमाडौँमा हालसम्म ६० प्रतिशत रोपाइँ सम्पन्न भइसकेको उहाँले बताउनुभयो । यस्तै, ललितपुर र भक्तपुरमा ५५–५५ प्रतिशत, काभ्रेपलाञ्चोकमा २६ प्रतिशत, दोलखामा १५ प्रतिशत, रामेछापमा १२ प्रतिशत, सिन्धुपाल्चोकमा १०.२० प्रतिशत, सिन्धुलीमा १०.१६ प्रतिशत, रसुवामा ८.४२ प्रतिशत र नुवाकोटमा ७ प्रतिशत रोपाइँ सम्पन्न भएको छ । 


क्षेत्रीले दिनुभएको तथ्याङ्क अनुसार प्रदेशका मुख्य धान उत्पादन हुने जिल्लाहरूमा भने रोपाइँको गति भने निकै न्यून देखिएको छ । विशेषगरी चितवनमा ०.४४ प्रतिशत, धादिङमा ०.८५ प्रतिशत र मकवानपुरमा १.१८ प्रतिशत मात्र रोपाइँ भएको छ । वर्षामा भएको उतारचढाव र मनसुनी गतिविधिमा देखिएको ढिलाइका कारण रोपाइँको दर गत वर्षको तुलनामा कम देखिएको उहाँले बताउनुभयो । 


प्रदेशका १३ जिल्लामा कुल ४२६५५६.८ हेक्टर खेतीयोग्य जमिनमध्ये काठमाडौँमा ५९२४, ललितपुरमा ४१६३, भक्तपुरमा २६९९, चितवनमा २७३२४.९ मकवानपुरमा ८४९२.५, नुवाकोटमा १३१३१, रसुवामा १२२३ धादिङमा १११५९, सिन्धुलीमा १३४४५, रामेछापमा ७८५९, दोलखामा २८१४, काभ्रेपलाञ्चोकमा ८६३४ र सिन्धुपाल्चोकमा  ७६५६ हेक्टर जमिनमा रोपाइँ हुने गर्दछ ।

Kakani Khabar add

सम्बन्धित खबर

सामुदायिक विद्यालयबाट ४ जिपिए ल्याउने विद्यार्थीलाई तारकेश्वर गाउँपालिकाको १ लाख पुरस्कार घोषणा

नुवाकोट । तारकेश्वर गाउँपालिकाले सामुदायिक विद्यालयको शैक्षिक गुणस्तर सुधार तथा विद्यार्थीलाई प्रोत्साहन गर्ने उद्देश्यले ‘गाउँपालिका अध्यक्ष प्रोत्साहन पुरस्कार’ कार्यक्रम सञ्चालन गर्ने भएको छ ।


गाउँपालिकाले यसै वर्षदेखि लागू हुन...

यूएईमाथि नेपालको रोमाञ्चक जीत

काठमाडौँ । आईसीसी क्रिकेट विश्वकप लिग–२ अन्तर्गत त्रिदेशीय एकदिवसीय शृङ्खलामा नेपालले संयुक्त अरब इमिरेट्स (यूएई) डीएलएस नियमका आधारमा ६ रनले हराएको छ ।


वर्षाले प्रभावित खेलमा डीएलएस नियममा ३८ ओभरमा २५५ रनको लक्ष्य पाएको यूएईले ८...

संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक बोलायो

काठमाडौँ । सङ्घीय संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक आह्वान गरेको छ । सरकारको सिफारिशमा राष्ट्रपति रामचन्द्र पौडेलले पर्सि चैत १९ गते सङ्घीय संसद्को अधिवेशन आह्वान गरेपछि त्यसको तयारीका लागि प्रतिनिधिसभामा प्रतिनिधित्व...

तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने

नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।

तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...

विदुरका एसईई उत्तीर्ण विद्यार्थीलाई निशुल्क कम्प्युटर डिप्लोमा कोर्स

विदुर, जेठ २५ : नुवाकोटको विदुर नगरपालिकाको सामुदायिक विद्यालयबाट एसईई उत्तीर्ण गरेका आर्थिक रूपमा विपन्न तथा मेधावी विद्यार्थीहरूले निशुल्क ‘डिप्लोमा इन कम्प्युटिङ एन्ड आईटी’ अध्ययन गर्ने अवसर प्राप्त गरेका छन् । विदुर निवासी युव...

ओली पक्राउ परेको विरोधमा आज पनि एमालेको प्रदर्शन

काठमाडौँ ।  पार्टी अध्यक्ष केपी शर्मा ओली पक्राउ परेको विरोधमा नेकपा एमालेले आज पनि विभिन्न जिल्लामा प्रदर्शन गरेको छ ।


पूर्वनिर्धारित कार्यक्रमअनुसार जिल्ला कमिटीहरूले प्रमुख जिल्ला अधिकारीमार्फत सरकारलाई ज्ञापनपत्र बुझाउनुक...