Kakani Khabar add
Kakani Khabar add
Kakani Khabar add

बागमती प्रदेशमा करिब १३ प्रतिशत रोपाइँ सम्पन्न

Main News Image
Kakani Khabar add

काठमाडौँ । पर्याप्त मात्रामा आकाशे पानी नपरेको र सिँचाइको अभावका कारण यस वर्ष बागमती प्रदेशमा हालसम्म करिब १३ प्रतिशत मात्र रोपाई सम्पन्न भएको छ ।


प्रदेशको कृषि विकास निर्देशनालयको पछिल्लो तथ्यांकअनुसार कूल १ लाख १४ हजार ५२९ दशमलव ४ हेक्टर क्षेत्रफलमध्ये १४ हजार ४१९ दशमलव ५२ हेक्टर अर्थात् १२.५९ प्रतिशत क्षेत्रमा मात्र धान रोपाइँ सम्पन्न भएको हो । 


गत वर्षको यही अवधिसम्म बागमती प्रदेशमा २०.५१ प्रतिशत रोपाइँ सम्पन्न भइसकेको थियो । वर्षामा भएको उतारचढाव र मनसुनी गतिविधिमा देखिएको ढिलाइका कारण रोपाइँको दर गत वर्षको तुलनामा कम देखिएको निर्देशनालयका बाली विकास अधिकृत गणेश भाट क्षेत्रीले जानकारी दिनुभयो । प्रदेशका अधिकांश पहाडी जिल्लाका क्षेत्रमा आकाशे पानीको भरमा धान खेती गर्नुपर्ने भएकाले धान रोपाइँ कम भएको उहाँको भनाई छ । 


प्रदेशका १३ जिल्लामध्ये रोपाइँका हिसाबले काठमाडौँ सबैभन्दा अगाडि देखिएको छ । काठमाडौँमा हालसम्म ६० प्रतिशत रोपाइँ सम्पन्न भइसकेको उहाँले बताउनुभयो । यस्तै, ललितपुर र भक्तपुरमा ५५–५५ प्रतिशत, काभ्रेपलाञ्चोकमा २६ प्रतिशत, दोलखामा १५ प्रतिशत, रामेछापमा १२ प्रतिशत, सिन्धुपाल्चोकमा १०.२० प्रतिशत, सिन्धुलीमा १०.१६ प्रतिशत, रसुवामा ८.४२ प्रतिशत र नुवाकोटमा ७ प्रतिशत रोपाइँ सम्पन्न भएको छ । 


क्षेत्रीले दिनुभएको तथ्याङ्क अनुसार प्रदेशका मुख्य धान उत्पादन हुने जिल्लाहरूमा भने रोपाइँको गति भने निकै न्यून देखिएको छ । विशेषगरी चितवनमा ०.४४ प्रतिशत, धादिङमा ०.८५ प्रतिशत र मकवानपुरमा १.१८ प्रतिशत मात्र रोपाइँ भएको छ । वर्षामा भएको उतारचढाव र मनसुनी गतिविधिमा देखिएको ढिलाइका कारण रोपाइँको दर गत वर्षको तुलनामा कम देखिएको उहाँले बताउनुभयो । 


प्रदेशका १३ जिल्लामा कुल ४२६५५६.८ हेक्टर खेतीयोग्य जमिनमध्ये काठमाडौँमा ५९२४, ललितपुरमा ४१६३, भक्तपुरमा २६९९, चितवनमा २७३२४.९ मकवानपुरमा ८४९२.५, नुवाकोटमा १३१३१, रसुवामा १२२३ धादिङमा १११५९, सिन्धुलीमा १३४४५, रामेछापमा ७८५९, दोलखामा २८१४, काभ्रेपलाञ्चोकमा ८६३४ र सिन्धुपाल्चोकमा  ७६५६ हेक्टर जमिनमा रोपाइँ हुने गर्दछ ।

Kakani Khabar add

सम्बन्धित खबर

थप ३ वटा अध्यादेश जारी गर्न राष्ट्रपतिसमक्ष सिफारिश

काठमाडौँ ।  सरकारले थप ३ वटा अध्यादेश जारी गर्न राष्ट्रपति रामचन्द्र पौडेलसमक्ष सिफारिश गरेको छ ।


प्रधानमन्त्री बालेन शाह नेतृत्वको सरकारले गएराति स्वास्थ्य विज्ञान प्रतिष्ठानसम्बन्धी अध्यादेश, केही नेपाल कानून संशोधन गर्न बन...

माध्यमिक शिक्षा परीक्षा एसईई भोलिदेखि : सम्पूर्ण तयारी पूरा

काठमाडौँ । देशभर माध्यमिक शिक्षा परीक्षा (एसईई) भोलिदेखि शुरु हुँदैछ ।  परीक्षाका लागि आवश्यक सम्पूर्ण तयारी पूरा भएको परीक्षा नियन्त्रण कार्यालय कक्षा १० ले जनाएको छ । 


कार्यालयका अनुसार यस वर्ष ५ लाख १२ हजार ४२१ विद्या...

अतिविपन्न परिवारलाई सुरक्षित आवास बनाउँदै बागमती सरकार

बागमती । बागमती प्रदेश सरकारले प्रदेशका अतिविपन्न कम्तीमा एक हजार परिवारलाई सुरक्षित आवास निर्माण गर्ने भएको छ । 


सोमबार सरकारको आर्थिक वर्ष २०८३/ ८४ को बजेट प्रस्तुत गर्दै प्रदेशका आर्थिक मामिला तथा योजनामन्त्री प्रभात तामाङ...

सेवामा नफर्किएका प्राध्यापकलाई १५ दिनभित्र सम्पर्कमा आउन त्रिविको निर्देशन

काठमाडौँ । त्रिभुवन विश्वविद्यालय (त्रिवि)ले अध्ययन बिदा लिएर अध्ययन पूरा गरेपछि विश्वविद्यालयको सेवामा नफर्किएका प्राध्यापक तथा कर्मचारीलाई १५ दिनभित्र सम्पर्कमा आउन निर्देशन दिएको छ ।


त्रिविको अध्ययन बिदा सुव्यवस्थापन कार्यान्वय...

एक वर्षमा १२ लाखभन्दा बढी विदेशी पर्यटक नेपाल भित्रिए

काठमाडौँ । गएको आर्थिक वर्ष २०८२/८३ मा १२ लाखभन्दा बढी विदेशी पर्यटकले नेपाल भ्रमण गरेका छन् । 


नेपाल पर्यटन बोर्डको तथ्याङ्कअनुसार एक वर्षमा १२ लाख ९ हजार ३५७ जना विदेशी पर्यटक हवाइ मार्गबाट नेपाल भित्रिएका हुन् । यो संख्या...

२४ वर्षपछि फ्रान्स र सेनेगल आमनेसामने हुँदै

काठमाडौँ ।  फिफा विश्वकप फुटबलमा आज राति उपाधिको बलियो दाबेदार फ्रान्स र सेनेगल खेल्दैछन् । समूह ‘आई’ को यो खेल राति पौने १ बजे अमेरिकाको न्यु योर्क न्यु जर्सी रङ्गशालामा शुरू हुनेछ ।


फ्रान्सले सन् १९९८ र २०१८ मा गरी दुई पटक...