Kakani Khabar add
Kakani Khabar add
Kakani Khabar add

बेलकोटगढीमा युवा लक्षित कार्यक्रम प्राथमिकतामा, २५ जना युवालाई बारिष्ता तालिम

Main News Image
Kakani Khabar add

बाघखोर । नुवाकोटको बेलकोटगढी नगरपालिकाले ‘युवा लक्षित कार्यक्रम’लाई प्राथमिकता दिँदै सिपमूलक तालिम सञ्चालनमा ल्याएको छ । युवालाई शिक्षासँगै व्यवहारिक सिप प्रदान गरी उद्यमशीलतामा जोड दिने उद्देश्यले नगरपालिकाले पहिलो चरणमा २५ जना युवालाई सहभागी गराई बारिष्ता तालिम सञ्चालनमा ल्याएको हो ।

शुक्रबार बेलकोटगढी–७ महादेवफाँटमा नगरप्रमुख जगतबहादुर गुरुङले तालिमको उद्घाटन गर्दै युवालाई शिक्षासँगै सिप सिकाई आत्मनिर्भर र उद्यमी बनाउने लक्ष्यका साथ विभिन्न कार्यक्रम सञ्चालन गर्न लागिएको जानकारी दिनुभयो ।

युवालाई स्थानीयस्तरमै रोजगारी र स्वरोजगारका अवसर सिर्जना गर्ने उद्देश्यले नगरपालिकाले सिपमूलक तालिमलाई प्राथमिकता दिदै बारिष्ता तालिम मार्फत २५ जना युवाले सिप सिकेर आत्मनिर्भर बन्न सहयोग पुग्ने विश्वास व्यक्त गर्नुभयो । “युवालाई सिप सिकाएर आत्मनिर्भर बनाउने हाम्रो मुख्य लक्ष्य हो,” उहाँले भन्नुभयो, “स्थानीय सरकारले युवाको क्षमता विकास गर्ने र उनीहरूलाई आफ्नै ठाउँमा रोजगारी तथा व्यवसाय गर्ने वातावरण सिर्जना गर्ने दिशामा काम गरिरहेका छौ ।”

कार्यक्रममा नगर उपप्रमुख शिवप्रसाद दाहालले युवालाई व्यवहारिक सिप प्रदान गर्ने उद्देश्यले बारिष्ता तालिमसँगै बेकरी आइटम तथा नेपाली खानाका विभिन्न परिकार बनाउन सिकाउने तालिम पनि छिट्टै सञ्चालन गर्न लागिएको जानकारी दिनुभयो । “सिप सिके लगत्तै रोजगारीमा जोडिन तथा आफैले व्यावसाय सुरु गर्न सक्ने बनाउन लागिएको छ ।” उपप्रमुख दाहालले भन्नुभयो “तालिमबाट युवाले व्यवसायिक सीप हासिल गरी स्वरोजगारतर्फ अघि बढ्न सक्ने विश्वास गरिएको छ ।”


युवालाई व्यवहारिक र बजारमा उपयोगी हुने सिप प्रदान गर्नुपर्छ भन्ने मान्यताका साथ नगरपालिकाले विभिन्न तालिम सञ्चालनको लागी योजनाबद्ध रुपमा कार्ययोजना बनाएको छ । युवाले सिकेको सिपलाई व्यवसायमा रूपान्तरण गरी आयआर्जन गर्न सकुन् भन्ने उद्देश्य सहित नगरले आफ्नै योजना बनाउने देखि उनीहरुसगैँ सल्लाह र परामर्श लिएर युवालाई सिप र उद्यमसंग जोड्न लागिरहेको छ ।

नगरपालिकाका प्रमुख प्रशासकीय अधिकृत नेत्रप्रसाद घिमिरेले युवाको आवश्यकता र सुझावलाई ध्यानमा राखेर स्थानीय सरकारले योजना निर्माण गरिरहेको जानकारी दिनुभयो । युवासँग सल्लाह र परामर्श गर्दै उनीहरूको भावना र आवश्यकताअनुसार कार्यक्रम तथा योजना तय गर्ने प्रयास भइरहेको उहाँले बताउनुभयो ।

“स्थानीय सरकार सञ्चालन गर्दा युवा पुस्ताको सहभागिता र सुझावलाई विशेष महत्व दिइएको छ,” प्रमुख प्रशासकीय अधिकृत नेत्रप्रसाद घिमिरेले भन्नुभयो, “युवालाई सिप, रोजगारी र उद्यमशीलतासँग जोड्ने गरी कार्यक्रम केन्द्रित गरिएको छ ।”

नगरपालिकाले नयाँ उद्यमीको निर्माण गर्ने, स्वरोजगारका अवसर बढाउने तथा वैदेशिक रोजगारमा जाने युवालाई पनि सहज वातावरण निर्माण गरी आर्थिक उपार्जनमा सहयोग पु-याउने उद्देश्यका साथ आगामी दिनमा थप विभिन्न कार्यक्रम सञ्चालन गर्ने जनाएको छ ।

युवालाई सिपमूलक तालिममार्फत सक्षम र आत्मनिर्भर बनाउँदै स्थानीयस्तरमै रोजगारी सिर्जना गर्ने लक्ष्यका साथ नगरपालिका अघि बढिरहेको छ ।

Kakani Khabar add

सम्बन्धित खबर

वर्षाले प्रभावित खेलमा ओमानसँग हार्‍यो नेपाल

काठमाडौँ । आईसीसी क्रिकेट विश्वकप लिग–२ अन्तर्गत त्रिदेशीय एकदिविसीय शृङ्खलामा नेपाल ओमानसँग डीएलएस नियमका आधारमा १०२ पराजित भएको छ । लिग–२ मा नेपालकाे याे १४औँ हार हाे ।


कीर्तिपुरको त्रिवि क्रिकेट मैदानमा आज ओमानले दिएको ३०६...

बालेन शाहले शुक्रवार दिउँसो १२ बजेर ३४ मिनेटको साइतमा प्रधानमन्त्रीको शपथ लिने

काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र (बालेन) शाहले प्रधानमन्त्रीको पद तथा गोपनीयताको शपथ लिनका लागि पर्सि शुक्रवार दिउँसो १२ बजेर ३४ मिनेटको साइत तय भएको छ ।


शाहको सचिवालयकाअनुसार शुक्रवार दिउँस...

सुनको भाउ आज तोलामा ७ हजार ४०० सय रुपैयाँले बढ्यो

काठमाडौँ । आज पनि सुनचाँदीको भाउ बढेको छ । सुन आज तोलामा सात हजार ४०० र चाँदी १०० रुपैयाँले बढेको हो । 


नेपाल सुनचाँदी व्यवसायी महासङ्घका अनुसार आज सुनको भाउ तोलामा दुई लाख ९७ हजार ६०० र चाँदीको चार हजार ९४५ रुपैयाँ पुगेको छ...

२४ वर्षपछि फ्रान्स र सेनेगल आमनेसामने हुँदै

काठमाडौँ ।  फिफा विश्वकप फुटबलमा आज राति उपाधिको बलियो दाबेदार फ्रान्स र सेनेगल खेल्दैछन् । समूह ‘आई’ को यो खेल राति पौने १ बजे अमेरिकाको न्यु योर्क न्यु जर्सी रङ्गशालामा शुरू हुनेछ ।


फ्रान्सले सन् १९९८ र २०१८ मा गरी दुई पटक...

नुवाकोट सुन चादी व्यवसायी संघमा नयाँ नेतृत्व, अध्यक्षमा पुनः बज्रचार्य

नुवाकोट । नुवाकोट सुन चादी व्यवसायी संघको शनिबार भएको साधारणसभा पश्चातको अधिवेशनले नया नेतृत्व चयन गरेको छ । 

बट्टाम भएको संघको १२ औ र १३ औ वार्षिक साधारणसभा पश्चात सम्पन्न चौथो जिल्ला अधिवेशनले पुनः अहिलेका अध्यक्ष भिमराज बज्रचार्यलाई...

यूएईमा नेपाली दूतावासको आग्रह– सामाजिक सञ्जालमा अफवाह नफैलाउनू

१७ फागुन, काठमाडौं । संयुक्त अरब इमिरेट्स (यूएई) स्थित नेपाली दूतावासले यूएईमा विकसित भइरहेको परिस्थितिका सन्दर्भमा त्यहाँ बसोबास गर्ने सम्पूर्ण नेपाली समुदायलाई सामाजिक सञ्जालमार्फत अपुष्ट र भ्रामक सामग्री नफैलाउन आग्रह गरेको छ ।

दूतावासले...