Kakani Khabar add
Kakani Khabar add
Kakani Khabar add

बेलकोटगढीमा युवा लक्षित कार्यक्रम प्राथमिकतामा, २५ जना युवालाई बारिष्ता तालिम

Main News Image
Kakani Khabar add

बाघखोर । नुवाकोटको बेलकोटगढी नगरपालिकाले ‘युवा लक्षित कार्यक्रम’लाई प्राथमिकता दिँदै सिपमूलक तालिम सञ्चालनमा ल्याएको छ । युवालाई शिक्षासँगै व्यवहारिक सिप प्रदान गरी उद्यमशीलतामा जोड दिने उद्देश्यले नगरपालिकाले पहिलो चरणमा २५ जना युवालाई सहभागी गराई बारिष्ता तालिम सञ्चालनमा ल्याएको हो ।

शुक्रबार बेलकोटगढी–७ महादेवफाँटमा नगरप्रमुख जगतबहादुर गुरुङले तालिमको उद्घाटन गर्दै युवालाई शिक्षासँगै सिप सिकाई आत्मनिर्भर र उद्यमी बनाउने लक्ष्यका साथ विभिन्न कार्यक्रम सञ्चालन गर्न लागिएको जानकारी दिनुभयो ।

युवालाई स्थानीयस्तरमै रोजगारी र स्वरोजगारका अवसर सिर्जना गर्ने उद्देश्यले नगरपालिकाले सिपमूलक तालिमलाई प्राथमिकता दिदै बारिष्ता तालिम मार्फत २५ जना युवाले सिप सिकेर आत्मनिर्भर बन्न सहयोग पुग्ने विश्वास व्यक्त गर्नुभयो । “युवालाई सिप सिकाएर आत्मनिर्भर बनाउने हाम्रो मुख्य लक्ष्य हो,” उहाँले भन्नुभयो, “स्थानीय सरकारले युवाको क्षमता विकास गर्ने र उनीहरूलाई आफ्नै ठाउँमा रोजगारी तथा व्यवसाय गर्ने वातावरण सिर्जना गर्ने दिशामा काम गरिरहेका छौ ।”

कार्यक्रममा नगर उपप्रमुख शिवप्रसाद दाहालले युवालाई व्यवहारिक सिप प्रदान गर्ने उद्देश्यले बारिष्ता तालिमसँगै बेकरी आइटम तथा नेपाली खानाका विभिन्न परिकार बनाउन सिकाउने तालिम पनि छिट्टै सञ्चालन गर्न लागिएको जानकारी दिनुभयो । “सिप सिके लगत्तै रोजगारीमा जोडिन तथा आफैले व्यावसाय सुरु गर्न सक्ने बनाउन लागिएको छ ।” उपप्रमुख दाहालले भन्नुभयो “तालिमबाट युवाले व्यवसायिक सीप हासिल गरी स्वरोजगारतर्फ अघि बढ्न सक्ने विश्वास गरिएको छ ।”


युवालाई व्यवहारिक र बजारमा उपयोगी हुने सिप प्रदान गर्नुपर्छ भन्ने मान्यताका साथ नगरपालिकाले विभिन्न तालिम सञ्चालनको लागी योजनाबद्ध रुपमा कार्ययोजना बनाएको छ । युवाले सिकेको सिपलाई व्यवसायमा रूपान्तरण गरी आयआर्जन गर्न सकुन् भन्ने उद्देश्य सहित नगरले आफ्नै योजना बनाउने देखि उनीहरुसगैँ सल्लाह र परामर्श लिएर युवालाई सिप र उद्यमसंग जोड्न लागिरहेको छ ।

नगरपालिकाका प्रमुख प्रशासकीय अधिकृत नेत्रप्रसाद घिमिरेले युवाको आवश्यकता र सुझावलाई ध्यानमा राखेर स्थानीय सरकारले योजना निर्माण गरिरहेको जानकारी दिनुभयो । युवासँग सल्लाह र परामर्श गर्दै उनीहरूको भावना र आवश्यकताअनुसार कार्यक्रम तथा योजना तय गर्ने प्रयास भइरहेको उहाँले बताउनुभयो ।

“स्थानीय सरकार सञ्चालन गर्दा युवा पुस्ताको सहभागिता र सुझावलाई विशेष महत्व दिइएको छ,” प्रमुख प्रशासकीय अधिकृत नेत्रप्रसाद घिमिरेले भन्नुभयो, “युवालाई सिप, रोजगारी र उद्यमशीलतासँग जोड्ने गरी कार्यक्रम केन्द्रित गरिएको छ ।”

नगरपालिकाले नयाँ उद्यमीको निर्माण गर्ने, स्वरोजगारका अवसर बढाउने तथा वैदेशिक रोजगारमा जाने युवालाई पनि सहज वातावरण निर्माण गरी आर्थिक उपार्जनमा सहयोग पु-याउने उद्देश्यका साथ आगामी दिनमा थप विभिन्न कार्यक्रम सञ्चालन गर्ने जनाएको छ ।

युवालाई सिपमूलक तालिममार्फत सक्षम र आत्मनिर्भर बनाउँदै स्थानीयस्तरमै रोजगारी सिर्जना गर्ने लक्ष्यका साथ नगरपालिका अघि बढिरहेको छ ।

Kakani Khabar add

सम्बन्धित खबर

मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै

काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।


राष्ट्रिय परिचय...

तारकेश्वरमा जनप्रतिनिधि र कर्मचारीले बालबच्चा सामुदायिक विद्यालयमै पढाउनुपर्ने

नुवाकोट । तारकेश्वर गाउँपालिकाले सरकारी सेवा एंव सुविधा लिनेले आफ्नो सन्तानलाई अनिर्वाय रुपमा सामुदायिक विद्यालयमा नै पढाउनु पर्ने भएको छ ।

आज बुधबार बसेको गाउँ कार्यपालिकाको बैठकमा गाउँपालिका अध्यक्ष शिव अधिकारी ‘अविरल’ले गर्नु भएको प्रस्ता...

मध्यपूर्वको महासंग्राम : ७५ वर्ष दुस्मनीदेखि ‘अपरेसन शिल्ड अफ जुडा’सम्म

अपरेसन शिल्ड अफ जुडा’ पछि यदि इरानका तेल भण्डारहरूमा क्षति पुग्यो भने विश्व बजारमा तेलको अभाव भई मूल्य आकाशिन सक्छ। यसले अमेरिका र इजरायलले इरानको तेल उत्पादन क्षमतालाई नष्ट गर्ने कि केवल सैन्य अखडामा सीमित रहने भन्नेमा गम्भीर रणनीतिक दबाब महसुस ग...

सशस्त्र प्रहरीको महानिरीक्षकमा नारायणदत्त पौडेल नियुक्त

काठमाडौँ । सशस्त्र प्रहरी अतिरिक्त महानिरीक्षक (एआईजी) नारायणदत्त पौडेल महानिरीक्षक (आईजीपी) मा बढुवा हुनुभएको छ ।


मन्त्रिपरिषद्को आज बसेको बैठकले अहिले प्रशासन तथा मानव स्रोत विभाग प्रमुख रहेका पौडेललाई महानिरीक्षकमा बढुवा गरेको...

राष्ट्रियसभा उपाध्यक्षको चुनाव चैत २३ गते

काठमाडौँ । राष्ट्रियसभाको उपाध्यक्ष पदको चुनाव चैत २३ गते सोमवार हुने भएको छ । राष्ट्रियसभाका अध्यक्ष नारायणप्रसाद दाहालले आजको बैठकमा चुनावको मिति तोक्नुभएको हो । उहाँले चुनाव कार्यक्रमसम्बन्धी सूचना प्रकाशित गर्न सङ्घीय संसद्का महासचिव पद्मप्रसा...

संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक बोलायो

काठमाडौँ । सङ्घीय संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक आह्वान गरेको छ । सरकारको सिफारिशमा राष्ट्रपति रामचन्द्र पौडेलले पर्सि चैत १९ गते सङ्घीय संसद्को अधिवेशन आह्वान गरेपछि त्यसको तयारीका लागि प्रतिनिधिसभामा प्रतिनिधित्व...