ढुङ्गाना र शाह 'उत्कृष्ट कर्मचारी'को रुपमा सम्मानित

ढुङ्गाना र शाह 'उत्कृष्ट कर्मचारी'को रुपमा सम्मानित

बाघखोर । नुवाकोटको बेलकोटगढी नगरपालिकामा कार्यरत उज्वल ढुङ्गाना र सोनुकुमार शाह उत्कृष्ट कर्मचारीको रुपमा सम्मानित हुनुभएको छ । नगरपालिकाको दोश्रो अधिवेशनको आठौँ नगरसभाको अवसर बनाई पछिल्लो एक आर्थिक वर्षको अवधिमा पालिकाभित्र कार्यरत कर्मचारी मध्ये सेवा प्रवाहमा उत्कृष्ट योगदान पुराएको भन्दै सहायक कम्युटर अप्रेटर उज्वल ढुङ्गाना र अ.सव ईञ्जिनियर सोनुकुमार यादबलाई नगद १० हजार रुपैयाँ सहित दोसल्ला ओढाएर सम्मान गरिएको छ ।

उत्कृष्ट हुनुभएका कर्मचारीद्धयलाई नगरसभाको खुला सत्रमा आयोजित कार्यक्रममा नगरप्रमुख तथा सभाध्यक्ष जगतबहादुर गुरुङ, उपप्रमुख शिवप्रसाद दाहाल, प्रमुख प्रशासकीय अधिकृत नेत्रप्रसाद घिमिरे लगायत कार्यक्रममा सहभागी अतिथीहरुबाट सयुक्त रुपमा सम्मान गरिएको हो ।

उहाँहरुलाई नगद रुपैयाँ सहित प्रदान गरिएको सम्मान पत्रमा उल्लेख गरिएको विवरण निम्न अनुसार रहेको छ:

"बेलकोटगढी नगरपालिकाले नगर सेवामा तपाईँले देखाउनुभएको इमान्दारिता, लगनशीलता, समयपालन र उत्कृष्ट कार्यसम्पादनलाई उच्च मूल्याङ्कन गर्दै पुरस्कार स्वरूप नगद रु १०,००० (दश हजार रुपैयाँ मात्र) सहित यो सम्मान–पत्र प्रदान गरिएको छ। तपाईँको योगदानले नगरपालिकाको सेवा स्तरलाई उचाइमा पुर्‍याएको छ र अन्य कर्मचारीहरूका लागि प्रेरणाको स्रोत बनेको छ। नगर सेवामा तपाईँको समर्पण र निष्ठा प्रशंसनीय छ।
बेलकोटगढी नगरपालिका तपाईँलाई हार्दिक धन्यवाद ज्ञापन गर्दै भविष्यमा अझ उत्कृष्ट कार्यसम्पादनको शुभकामना व्यक्त गर्दछ।"