Kakani Khabar add
Kakani Khabar add
Kakani Khabar add

विदुरका एसईई उत्तीर्ण विद्यार्थीलाई निशुल्क कम्प्युटर डिप्लोमा कोर्स

Main News Image
Kakani Khabar add

विदुर, जेठ २५ : नुवाकोटको विदुर नगरपालिकाको सामुदायिक विद्यालयबाट एसईई उत्तीर्ण गरेका आर्थिक रूपमा विपन्न तथा मेधावी विद्यार्थीहरूले निशुल्क ‘डिप्लोमा इन कम्प्युटिङ एन्ड आईटी’ अध्ययन गर्ने अवसर प्राप्त गरेका छन् । विदुर निवासी युवा अभियन्ता एवं नेपाल युवा परिषदका केन्द्रीय अध्यक्ष सरोज बानियाँको पहलमा दूरशिक्षा एजुकेसन नेटवर्क प्रा.लि.ले उक्त छात्रवृत्ति कार्यक्रम सञ्चालन गर्न सहमति जनाएपछि विद्यार्थीहरूका लागि यो अवसर सुनिश्चित भएको हो ।

कार्यक्रम कार्यान्वयनका लागि विदुर नगरपालिका, नेपाल युवा परिषद र दूरशिक्षा एजुकेसन नेटवर्कबीच त्रिपक्षीय सम्झौता सम्पन्न भएको छ । सम्झौतापत्रमा विदुर नगरपालिकाका प्रमुख राजन श्रेष्ठ, दूरशिक्षा एजुकेसन नेटवर्कका सञ्चालक कृष्ण पाण्डे तथा नेपाल युवा परिषदका केन्द्रीय अध्यक्ष सरोज बानियाँले हस्ताक्षर गरेका छन् ।

सम्झौता अनुसार विदुर नगरपालिकाका १३ वटै वडाबाट एक–एक जना तथा स्थानीय भैरवी माध्यमिक विद्यालयबाट थप दुई जना गरी कुल १५ जना विद्यार्थीलाई ६ महिने कम्प्युटर (करिब ९० हजार खर्च बराबर) डिप्लोमा कोर्षमा पूर्ण छात्रवृत्ति प्रदान गरिनेछ । उच्च शिक्षाका लागि काठमाडौं आउने प्रतिभाशाली विद्यार्थीहरूलाई सूचना प्रविधि क्षेत्रमा दक्ष बनाउने उद्देश्यले कार्यक्रम सञ्चालन गर्न लागिएको हो ।

ग्रामीण तथा आर्थिक रूपमा कमजोर पृष्ठभूमिका विद्यार्थीहरूलाई डिजिटल शिक्षासँग जोड्दै सूचना प्रविधि क्षेत्रमा दक्ष जनशक्ति उत्पादन गर्नु कार्यक्रमको प्रमुख उद्देश्य रहेको भन्दै छात्रवृत्ति कार्यक्रम आगामी वर्षहरूमा समेत निरन्तर रुपमा सञ्चालन गर्ने आफूहरुको योजना रहेको नेपाल युवा परिषदका अध्यक्ष बानियाँले जानकारी दिनुभयो ।

सूचना प्रविधि वर्तमान समयको अपरिहार्य आवश्यकता भएको उल्लेख गर्दै विपन्न तथा मेधावी विद्यार्थीहरूलाई यस क्षेत्रमा अध्ययन गर्ने अवसर उपलब्ध गराउनु महत्वपूर्ण उपलब्धि भएको र यस कार्यक्रमले दक्ष जनशक्ति उत्पादन, रोजगारी सिर्जना, उद्यमशीलता प्रवद्र्धन तथा डिजिटल शिक्षाको पहुँच विस्तारमा सकारात्मक योगदान पुग्ने विदुर नगरपालिकाको नगरप्रमुख राजन श्रेष्ठको भनाई छ ।

परिषदले कार्यक्रमको समग्र समन्वय तथा व्यवस्थापन गर्ने, सम्बन्धित निकायहरूसँग सहकार्य गर्ने तथा विद्यार्थी छनोट प्रक्रियामा सहजीकरण गर्नेछ भने, नगरपालिकाले आफ्नो क्षेत्रभित्रका वास्तविक विपन्न, मेधावी तथा सूचना प्रविधि क्षेत्रमा रुचि भएका विद्यार्थीहरूको पहिचान गरी छनोट तथा सिफारिस गर्ने जिम्मेवारी वहन गर्नेछ ।

दूरशिक्षा एजुकेसन नेटवर्कले भने ६ महिने डिप्लोमा कोर्ष सञ्चालन गर्ने, छनोट भएका विद्यार्थीलाई पूर्ण शुल्क छुट उपलब्ध गराउने, आवश्यक शैक्षिक सामग्री, दक्ष प्रशिक्षक तथा अत्याधुनिक प्रयोगशालाको सुविधा प्रदान गर्ने र कोर्ष सम्पन्न भएपछि प्रमाणपत्र वितरण गर्ने जनाएको छ ।

छात्रवृत्तिका लागि विद्यार्थी आर्थिक रूपमा विपन्न, अध्ययनमा उत्कृष्ट तथा सूचना प्रविधि क्षेत्रमा अध्ययन गर्ने स्पष्ट रुचि र इच्छाशक्ति भएको हुनुपर्ने मापदण्ड तोकिएको छ । यस कार्यक्रमकले ग्रामीण तथा पिछडिएका क्षेत्रका विद्यार्थीहरूलाई आधुनिक प्रविधि शिक्षासँग जोड्दै उनीहरूको शैक्षिक, व्यावसायिक तथा रोजगारीका अवसर विस्तार गर्न महत्वपूर्ण भूमिका खेल्ने अपेक्षा नगरपालिकाले गरेको छ ।

Kakani Khabar add

सम्बन्धित खबर

वृद्धभत्ता वितरणसँगै स्वास्थ्य सेवा: तारकेश्वरमा ‘अध्यक्षसँग ज्येष्ठ नागरिक कार्यक्रम’ सुरु हुँदै

नुवाकोट । तारकेश्वर गाउँपालिकाले वैशाख ७ गते सोमबारदेखि ११ गते शुक्रबारसम्म सबै वडामा सामाजिक सुरक्षा भत्ता (वृद्धभत्ता) वितरणसँगै निःशुल्क स्वास्थ्य परीक्षण, औषधी वितरण र स्वास्थ्य परामर्श सेवा प्रदान गर्ने भएको छ ।


‘गाउँपालिका अ...

अध्यक्ष ओली पक्राउको विषयमा कानुनी तथा राजनीतिक प्रतिवाद गर्ने एमालेको निर्णय

काठमाडौँ । नेकपा एमालेले पूर्व प्रधानमन्त्री एवं पार्टीका अध्यक्ष केपी शर्मा ओली पक्राउको विषयमा कानुनी तथा राजनीतिक रूपमा प्रतिवाद गर्ने निर्णय गरेको छ । 


आज पार्टी कार्यालय च्यासल ललितपुरमा बसेको सचिवालय बैठकले अध्यक्ष ओलील...

चट्याङ लागेर सूर्यगढीमा एक घरमा क्षति, रास्वपाको टोलीबाट घटनाको स्थलगत अवलोकन

नुवाकोट । सूर्यगढी गाउपालिका-४ स्थित केराघारीमा चट्याङ लागेर एकघरमा पूर्ण क्षति भएको छ ।


हिजो अपरान्ह सवा ४ बजेको समयमा परेको चट्याङले स्थानी राजु तामाङको घरमा क्षति पुगेको हो । चट्याङले घरको विद्युतीय मिटरबक्स सहित बत्ति लगायतका...

नुवाकोटको तारकेश्वरका ४ जिपिए ल्याउने विद्यार्थीलाई ५० हजार प्रदान, शिक्षक र विद्यालय पनि सम्मानित

नुवाकोट । एसइई परीक्षामा ४ जिपिए ल्याउने तीन जना विद्यार्थीलाई तारकेश्वर गाउँपालिकाले जनही रु. ५० हजारसहित ‘गाउँपालिका अध्यक्ष प्रोत्साहन पुरस्कार’ प्रदान गरेको छ ।

वैदेशिक रोजगार विभागद्वारा पुनः श्रम स्वीकृतिका लागि शर्त निर्धारण

काठमाडौँ । वैदेशिक रोजगारीमा रहेका नेपाली श्रमिकहरूका लागि पुनः श्रम स्वीकृति स्वचालित प्रणालीमार्फत गर्ने जनाएको छ । 


वैदेशिक रोजगार विभागले आज सूचना जारी गर्दै वैदेशिक रोजगारीलाई सुरक्षित, मर्यादित र व्यवस्थित बनाउने योजनाअ...

नेपालले अमेरिकालाई ९ विकेटले हरायो

काठमाडौँ । आईसीसी विश्वकप क्रिकेट लिग–टू शृङ्खला अन्तर्गत नेपालले अमेरिकालाई ९ विकेटले हराएको छ । आज भएको खेलमा अमेरिकाले दिएको १ सय ९६ रनको लक्ष्य नेपालले ३६ ओभर ४ बलमा १ विकेट गुमाएर भेटाएको हो ।


नेपालका कुशल भुर्तेलले शतकसहित १...