नुवाकोट । नेकपा (एमाले) नुवाकोटका उपाध्यक्ष राजेन्द्ररमण खनालको आज निधन भएको छ ।

फोक्सोमा समस्या देखिएसगैँ पछिल्लो एक महिनादेखि जनमैत्री अस्पताल बालाजुमा उपचाररत रहनुभएका खनालको आज अपरान्ह निधन भएको उहाँको भाई रमेशरमण खनालले जानकारी दिनुभयो । 

बेलकोटगढी नगरपालिकाको निवर्तमान नगरप्रमुख समेत रहनुभएका उहाँ विसं २०५४ मा तत्कालीन जिल्ला विकास समितिको सदस्य, विसं २०४९ मा साविक मदानपुर गाविसको उपाध्यक्षको रुपमा राजनीति मार्फत सामाजिक सेवामा सक्रिय हुनुहुन्थ्यो ।

राजनीतिज्ञ, शिक्षाप्रेमी तथा सामाजिक कार्यमा सक्रिय रहनुभएका ६० वर्षीय खनाल फोक्सोमा समस्या देखिएसगैँ पछिल्लो तीन महिनादेखि स्वास्थ्य उपचार गराउदै आउनुभएको थियो । 

पार्थिव शरीरमा श्रञ्द्धाजली अर्पण गर्न नेकपा (एमाले)का केन्द्रीय उपाध्यक्ष रघुजी पन्त, महासचिव शंकर पोखरेल, सचिव एंव बागमती प्रदेस इञ्चार्ज महेश बस्नेत, पूर्वउपमहासचिव विष्णु रिमाल, बागमती प्रदेस कमिटीका अध्यक्ष कैलाश ढुङ्गेल, पूर्व पोलिटब्युरो सदस्य महेन्द्रबहादुर पाण्डे, नुवाकोट इञ्चार्ज केशव पाण्डे, केन्द्रीय सदस्य बिन्दा ढुङ्गाना, नुवाकोट अध्यक्ष बद्री मैनाली लगायतका लगायतका नेकपा एमालेकका शीर्ष नेताहरु पशुपति आर्यघाटमा पुग्नुभएको थियो ।

यस्तै, नेपाली कम्युनिष्ट पाटीका नेताहरु हितबहादुर तामाङ, राजेन्द्रप्रकाश लोहनीले पनि उहाँको पार्थिव शरीरमा श्रञ्द्धाजली अर्पण गर्न आर्यघाट पुग्नुभएको थियो ।

नेकपा (एमाले) नुवाकोटका अध्यक्ष बद्री मैनालीले आजै एक विज्ञप्ती जारी गर्दै राजनीतिक तथा सामाजिक व्यक्तित्व राजेन्द्ररमण खनालको निधनबाट ‘नुवाकोटको राजनीति, समाज र बेलकोटगढीले एक कर्मठ, सरल र समर्पित व्यक्तित्व गुमाएको’ उल्लेख गर्नुभएको जिल्ला कमिटी सदस्य दिपक कार्कीले जानकारी दिनुभयो ।

उहाँको आजै काठमाडौ स्थित पशुपति आर्यघाटमा अन्तिम सँस्कार गरिएको छ । उहाँको दुई छोरा र एक छोरी हुनुहुन्छ ।