नेपाली यू–१९ महिला क्रिकेट टोली एशिया कपमा छनोट
-
ककनी खबर
- बुध, ३१ असार २०८३
काठमाडौँ । नेपाली महिला क्रिकेट टोली १९ वर्षमुनिको एसीसी एशिया कपमा छनोट भएको छ ।
मलेशियामा आज भएको एसीसी १९ वर्षमुनिको महिला प्रिमियर कपको क्वाटरफाइनलमा जापानलाई ९ विकेटले हराएर सेमिफाइनलमा प्रवेश गरेसँगै नेपाल एशिया कपमा छनोट भएको हो ।
जापानले दिएको ८९ रनको लक्ष्य नेपालले ११ ओभर २ बलमा १ विकेट गुमाएर भेटायो । नेपालकी सावित्री धामीले नटआउट ४१ रन बनाइन् । जापानकी ममता कासवानले १ विकेट लिइन् ।
यसअघि टस जितेर ब्याटिङ गरेको जापानले २० ओभरमा सबै विकेट गुमाएर ८६ रन बनायो । जापानकी बियान्का शिनोले नटआउट ३८ रन बनाइन् । नेपालका कृष्मा गुरुङ र रिया शर्माले २/२ विकेट लिए ।
अब नेपालले सेमिफाइनलमा संयुक्त अरब इमिरेट्स (यूएई) सँग खेल्नेछ । यस्तै अर्काे सेमिफाइनलमा इन्डोनेशिया र थाइल्यान्डबीच खेल हुनेछ । यी ४ वटै टोली एशिया कपमा छनोट भएका छन् ।
सम्बन्धित खबर
एभरेष्ट महिला भलिबल लिगको तेस्रो संस्करण असोजमा हुने
काठमाडौँ । एभरेष्ट महिला भलिबल लिगको तेस्रो संस्करण आउँदाे असोजमा आयोजना हुने भएको छ । आयोजक इन्फिनिटी ड्रिम्सका अनुसार प्रतियोगिता असोज ८ गतेदेखि १७ गतेसम्म काठमाण्डौको त्रिपुरेश्वरमा रहेको राष्ट्रिय खेलकुद परिषद्को कभर्डहलमा सञ्चालन हुनेछ ।
<...