Kakani Khabar add
Kakani Khabar add
Kakani Khabar add

नुवाकोटको तारकेश्वरका ४ जिपिए ल्याउने विद्यार्थीलाई ५० हजार प्रदान, शिक्षक र विद्यालय पनि सम्मानित

Main News Image
Kakani Khabar add

नुवाकोट । एसइई परीक्षामा ४ जिपिए ल्याउने तीन जना विद्यार्थीलाई तारकेश्वर गाउँपालिकाले जनही रु. ५० हजारसहित ‘गाउँपालिका अध्यक्ष प्रोत्साहन पुरस्कार’ प्रदान गरेको छ ।

गाउँपालिका अध्यक्ष शिव अधिकारी अविरलले दाङसिङस्थित गाउँपालिका कार्यालयमा आयोजित ‘शिक्षक, विद्यार्थी र विद्यालय सम्मान तथा वार्षिक शैक्षिक क्यालेण्डर विमोचन कार्यक्रम’मा गाउँपालिकाका स्थायी बासिन्दा भई एसइईमा ४ जिपिए ल्याउन सफल प्राजन प्रधान, सम्पदा श्रेष्ठ र दिलासा पौडेललाई उक्त पुरस्कार हस्तान्तरण गर्नुभएको हो ।

त्यसैगरी, गत वर्षको एसइई परीक्षामा गाउँपालिकाभित्रका विद्यालयमध्ये उत्कृष्ट नतिजा ल्याउने श्रीकृष्ण माविकी छात्रा सुनिता रोक्का र छात्र पवन ढकाललाई जनही रु. ८ हजार नगद, सम्मानपत्र तथा दोसल्लासहित सम्मान गरिएको छ । उत्कृष्ट नतिजा हासिल गर्ने विद्यालय श्री शङ्खादेवी माविलाई नगद रु. २५ हजारसहित प्रशंसापत्र र दोसल्लाले सम्मान गरिएको गाउँपालिकाले जनाएको छ ।

कार्यक्रममा विभिन्न विद्यालयका उत्कृष्ट नतिजा दिलाउने शिक्षकहरूलाई समेत नगद पुरस्कार, सम्मानपत्र र दोसल्लासहित सम्मान गरिएको थियो । सम्मानित हुने शिक्षकहरूमा नेपाली, अङ्ग्रेजी, गणित, सामाजिक, अर्थशास्त्र, विज्ञान तथा अतिरिक्त गणित विषयका शिक्षकहरू रहेका छन् ।

यस्तै, आधारभूत तह (कक्षा ८) परीक्षामा उत्कृष्ट नतिजा ल्याउने श्रीकृष्ण माविकी छात्रा अनिषा श्रेष्ठ र चण्डी माविका छात्र राहुल विकलाई जनही रु. ८ हजारसहित सम्मान गरिएको छ भने उत्कृष्ट विद्यालय श्रीकृष्ण माविलाई नगद रु. २० हजारसहित प्रशंसापत्र प्रदान गरिएको छ ।

सोही अवसरमा गाउँपालिकाको वार्षिक शैक्षिक क्यालेन्डर विमोचन गर्दै अध्यक्ष अधिकारीले शैक्षिक सुधार र नतिजा उकास्न सबै विद्यालयका प्रधानाध्यापक तथा शिक्षकहरूलाई जिम्मेवार र प्रतिबद्ध भएर काम गर्न निर्देशन दिनुभयो । उहाँले दुई साताअघि जारी सात बुँदे निर्देशनलाई पूर्ण रूपमा कार्यान्वयन गर्दै आगामी वर्ष अझ उत्कृष्ट नतिजा ल्याउने लक्ष्यसहित अघि बढ्न आग्रह गर्नुभयो ।

Kakani Khabar add

सम्बन्धित खबर

युवा लक्षित रोजगारी र स्वयंसेवा कार्यक्रम विस्तार गर्न मन्त्री चौधरीको निर्देशन

काठमाडौँ । कृषि, वन तथा पर्यावरण मन्त्री गीता चौधरीले मन्त्रालयअन्तर्गतका सबै विभाग तथा निकायलाई युवाका लागि रोजगारी, पारिश्रमिकसहितको प्रशिक्षण तथा स्वयंसेवाका अवसर विस्तार गर्दै परिणाममुखी ढङ्गले काम गर्न निर्देशन दिनुभएको छ ।


क...

लिखुमा सञ्चालित निःशुल्क प्रोष्टेट स्वास्थ्य परीक्षणमा १८० जनाले सेवा लिए

चौघडा । नुवाकोटको लिखु गाउँपालिकाको दुई स्थानमा सञ्चालन गरिएको निःशुल्क प्रोष्टेट स्वास्थ्य परीक्षण शिविरमा १८० जनाले सेवा लिएका छन् ।

लिखु गाउँपालिका वडा नं ४ चौघडा स्थित चौघडा स्वास्थ्य चौकी र लिखु गाउँपालिका वडा नं १ ढिकु...

आउँदो आर्थिक वर्षमा जलविद्युत् उत्पादन क्षमता ५ हजार ३ सय ३५ मेगावाट पुग्ने

काठमाडौँ । सरकारले आउँदो आर्थिक वर्षभित्र देशको कुल जडित विद्युत् उत्पादन क्षमता ५ हजार ३ सय ३५ मेगावाट पुर्‍याउने लक्ष्य लिएको छ । ऊर्जा, जलस्रोत तथा सिँचाइ मन्त्रालयले सार्वजनिक गरेको वार्षिक विकास कार्यक्रममा एक वर्षभित्र थप १ हजार ४० मेगावाट ज...

तारकेश्वरमा सामाजिक सुरक्षा भत्तामा बार्षिक थप पाच हजार पालिकाले उपलब्ध गराउने

नुवाकोट । तारकेश्वर गाउँपालिका अध्यक्ष शिव अधिकारी 'अविरल'ले आगामी आर्थिक वर्षको नीति तथा कार्यक्रमको व्यवस्थाअनुरूप गाउँपालिकाभरिका ज्येष्ठ नागरिक, एकल महिला, अपाङ्गता भएका व्यक्ति र टुहुरा र बालपोषण भत्ता पाउने लक्षित समूहका व्यक्तिहरूलाई खाईपाई...

सम्पत्ति शुद्धीकरण विभागद्वारा सात मुद्दा दायर, एक खर्ब १८ अर्ब बिगो दाबी

काठमाडौँ । सम्पत्ति शुद्धीकरण विभागले आर्थिक वर्ष २०८२/८३ मा सातवटा मुद्दा अभियोजन गरेको छ ।


विभागले बिहीबार सार्वजनिक गरेको विवरणअनुसार १२१ जनालाई प्रतिवादी बनाएको छ । प्रतिवादीलाई करिब रु एक खर्ब १८ अर्ब पाँच करोडबराबरको बिग...

आज घर-घरमा नागको पूजा गरेर नागपञ्चमी मनाइँदै

काठमाडौँ । नागपञ्चमी पर्व आज परम्पराअनुसार नागको पूजाअर्चना गरी मनाइँदैछ । घरको मूलढोकामा विधिपूर्वक नागको फोटो टाँसेर यो पर्व मनाइन्छ ।


हरेक वर्ष श्रावण शुक्ल पञ्चमीका दिन नागपञ्चमी मनाइन्छ । यस वर्ष जेठमा अधिकमास परेका कारण...