Kakani Khabar add
Kakani Khabar add
Kakani Khabar add

पिमलडाँडा माविका शिक्षक-विद्यार्थीलाई दुई दिने सेल्फ डिफेन्स तालिम

Main News Image
Kakani Khabar add

नुवाकोेट । तारकेश्वर गाउँपालिकाको प्रवर्धनमा नेपाल स्पोर्ट्स सेन्टर (नेकोस) ले वडा नम्बर ३ को पिमलडाँडा माविमा सञ्चालन गरेको दुई दिने सेल्फ डिफेन्स तालिम आज सम्पन्न भयो ।

तालिमको समापन सत्रलाई सम्बोधन गर्दै गाउँपालिका अध्यक्ष शिव अधिकारी अविरलले जुनसुकै व्यक्तिका लागि आवश्यक पर्दा आफ्नो रक्षा आफैं गर्न सक्ने सीप र कला आवश्यक रहेको उल्लेख गर्दै विशेषगरी किशोर किशोरीहरूका लागि यस्ता आत्मरक्षाको कार्यक्रमको विशेष महत्व रहने बताउनुभयो ।

यो एक सुरुवात मात्रै भएको बताउँदै उहाँले यस्ता तालिमका कार्यक्रमहरू क्रमशः सबै विद्यालयमा सञ्चालन गरिने बताउनुभयो ।

कार्यक्रममा नेकोसकी मुख्य प्रशिक्षक राधिका हमालसँगै सहायक प्रशिक्षकका रूपमा तारकेश्वर गाउँपालिकाकै स्थानीय समाजसेवी, राजनीतिकर्मी एवं महिला सशक्तीकरण अभियन्ता सरु अधिकारी ढुङ्गाना र नेकोसकी सहायक प्रशिक्षक मनिषा राणाभाटले विद्यालयका शिक्षक शिक्षिका र कक्षा ९ र १० का छात्र-छात्रालाई आत्मरक्षाको प्रशिक्षण दिनुभएको थियो । प्रशिक्षणमा ४० जना छात्रछात्रा र शिक्षकहरू सहभागी हुनुहुन्थ्यो ।

अध्यक्ष अधिकारीले यो अत्यन्तै उपयोगी तालिम सफलतापूर्वक सम्पन्न गरेकोमा आयोजक संस्था नेकोस र तालिममा सहभागी प्रशिक्षकहरूप्रति आभार प्रकट गर्नुभयो ।

 

Kakani Khabar add

सम्बन्धित खबर

नयाँ शैक्षिक सत्र शुरू भएपछि मात्र भर्ना लिन सर्वोच्चको आदेश

पूर्वगृहमन्त्री लेखक २ नं गण महाराजगञ्जमा

काठमाडौँ ।  पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी २ नं गण महाराजगञ्जमा राखेको छ । उहाँलाई आज बिहान भक्तपुरको कटुञ्जेमा रहेको उहाँकै निवासबाट पक्राउ गरिएको थियो ।


नेता लेखकलाई २ नं ग...

सामुदायिक विद्यालयबाट ४ जिपिए ल्याउने विद्यार्थीलाई तारकेश्वर गाउँपालिकाको १ लाख पुरस्कार घोषणा

नुवाकोट । तारकेश्वर गाउँपालिकाले सामुदायिक विद्यालयको शैक्षिक गुणस्तर सुधार तथा विद्यार्थीलाई प्रोत्साहन गर्ने उद्देश्यले ‘गाउँपालिका अध्यक्ष प्रोत्साहन पुरस्कार’ कार्यक्रम सञ्चालन गर्ने भएको छ ।


गाउँपालिकाले यसै वर्षदेखि लागू हुन...

विपदमा प्रयोग गर्न २ वटा हेलिकप्टर तयारी अवस्थामा राखिने

काठमार्डौँ । गृहमन्त्री सुधन गुरुङले विपदमा प्रयोग गर्न दुई वटा हेलिकप्टर तयारी अवस्थामा राखिने बताउनुभएको छ । सशस्त्र प्रहरी बल नेपाल प्रधान कार्यालयमा आज भएको छलफलमा गृहमन्त्री गुरुङले विपदमा परेका नागरिकको तत्कालै उद्धार गर्न दुई वटा हेलिकप्टर...

पूर्वप्रधानमन्त्री ओलीको बन्दीप्रत्यक्षीकरण निवेदनमा कारण देखाऊ आदेश जारी

काठमाडौँ । सर्वोच्च अदालतले पूर्वप्रधानमन्त्री एवम् नेकपा एमाले अध्यक्ष केपी शर्मा ओलीको बन्दीप्रत्यक्षीकरण निवेदनमा सरकारलाई कारण देखाऊ आदेश जारी गरेको छ ।


ओलीलाई रिहा गर्न माग गर्दै दायर भएकाे निवेदनमा आज भएको सुनुवाइपछि अदालतले...

ट्राफिक सप्ताह २०८३ अन्तर्गत नुवाकोटमा १५ चालकको लागू पदार्थ परीक्षण, २ जना पोजिटिभ भेटिए ।


नुवाकोट । जिल्ला ट्राफिक प्रहरी कार्यालय नुवाकोटले मनाइरहेको ‘ट्राफिक सप्ताह २०८३’ को पाँचौँ दिन लागू पदार्थ सेवन (लाप.से.) नियन्त्रण तथा सवारी दुर्घटना न्यूनीकरणलाई लक्षित गर्दै विशेष स्वास्थ्य परीक्षण कार्यक्रम सम्पन्न गरेको छ ।