Kakani Khabar add
Kakani Khabar add
Kakani Khabar add

रोल्पाका सन्देशको सहारा बन्दै 'शिवम् सिमेन्ट'

Main News Image
Kakani Khabar add

काठमाडौँ । दुवै हात नचल्ने भए पनि खुट्टाको सहायताले लेखेर अध्ययन गरिरहेका रोल्पाका सन्देश बुढा मगरले अब काठमाडौमा पढ्ने अवसर पउनुभएको छ ।


उनको संघर्षपूर्ण समाचार  प्रकाशन भएपछि  शिवम् सिमेन्ट लिमिटेडले उनको माध्यमिक तहसम्मको सम्पूर्ण अध्ययनको जिम्मा लिएको हो । शिवम् सिमेन्टका मार्केटिङ डेपुटी जनरल म्यानेजर केशव अर्यालले सन्देशलाई रोल्पा आएर काठमाडौं लैजाने व्यवस्था मिलाउनुभएको थियो । उनका अनुसार सन्देशको उपचारमा समेत प्रयास गरिनेछ । विशेषज्ञ चिकित्सकलाई भेटेर सन्देशको स्वास्थ्य अवस्थाबारे परामर्श गरिने अर्यालले बताउनुभयो ।


रोल्पा नगरपालिका–१०, धाङसी निवासी १२ वर्षीय सन्देशको आर्थिक अवस्था कमजोर भएको र थप अध्ययनका लागि अपाङ्गमैत्री विद्यालयको अभाव रहेको समाचारबाट थाहा पाएपछि  कम्पनीले आफ्नो सामाजिक उत्तरदायित्वअन्तर्गत यो पहल गरेको हो । जन्मजात दुवै हात नचल्ने भए पनि सन्देशले खुट्टाकै भरमा लेखेर स्थानीय धबाङ प्राविबाट कक्षा ५ उत्तीर्ण गर्नुभएको थियो ।


शिवम् सिमेन्टले सन्देशको माध्यमिक तहसम्मको अध्ययनलाई निरन्तरता दिन काठमाडौँको जोरपाटीस्थित खगेन्द्र नवजीवन विशेष शिक्षा माध्यमिक विद्यालयसँग समन्वय गरेको छ । सन्देशको आवास, हेरचाह र शिक्षाका लागि लाग्ने अर्धवार्षिक खर्च अपाङ्ग नवजीवन केन्द्रलाई कम्पनीले नै उपलब्ध गराउने भएको छ । अपांगता भएका विद्यार्थीले थप पढ्ने र उपचार गर्ने मौका पाएकामा प्रधानाध्यापक जयनसिं बुढा मगरले खुशी व्यक्त गर्नुभयो ।


'समाजका हरेक वर्गको विकासमा साथ दिने हाम्रो लक्ष्यअनुरूप विशेष क्षमता भएका बालकलाई गुणस्तरीय शिक्षाको अवसर प्रदान गर्न पाउँदा हामी गौरवान्वित छौँ,' कम्पनीले जारी गरेको विज्ञप्तिमा भनिएको छ, 'शिक्षा नै सशक्त भविष्यको आधार हो र सन्देशजस्ता प्रतिभावान बालकलाई प्रोत्साहन दिनु हाम्रो कर्तव्य हो ।' शिवम् सिमेन्टका प्रतिनिधिले सन्देशलाई लिन उनको घरमै पुगेर कमजोर आर्थिक अवस्थाका बारेमा समेत अध्ययन गर्नुभयो ।


सुरुमा सन्देशको कारुणिक भिडियो स्थानीय शिक्षक खिम बुढा मगरले खिच्नुभएको थियो । त्यसलगत्तै विभिन्न सञ्चारमाध्यमबाट उनीबारेका समाचार सार्वजनिक भएका थियो । उनप्रति विश्वभरका नेपाली र परोपकारी संस्थाको पनि  ध्यानाकर्षण भएको थियो । उनलाई सहयोग जुटाउन पत्रकार, बुद्धिजीवी र समाजसेवीहरूले निरन्तर पहल गरिरहेका थिए । समाचार प्रभावकै कारण एउटा प्रतिभावान् बालकले अब काठमाडौँको व्यवस्थित वातावरणमा पढ्न पाउने भएपछि परिवार र स्थानीयमा खुसीयाली छाएको छ । सन्देशका बुबा रामुले अब आफ्नो अपांगता भएको छोराले पढ्ने, उपचार गराउने  र उचित हेरचाह पाउने बताउनुभयो ।


यसअघि सन्देशले खुट्टाकै औँलाको सहाराले उत्तरपुस्तिकामा अक्षर भरेको दृश्यले धेरैलाई भावुक बनाएको थियो । शिवम् सिमेन्टको यो सहयोगले उनको संघर्षपूर्ण जीवनमा ठूलो राहत पुग्ने र भविष्यमा केही बन्ने सपना साकार हुने विश्वास लिइएको छ ।

Kakani Khabar add

सम्बन्धित खबर

खाना पकाउने ग्याससहित सबैजसो पेट्रोलियम पदार्थको भाउ बढ्यो

काठमाडौँ । नेपाल आयल निगमले खाना पकाउने एलपी ग्याससहित सबैजसो पेट्रोलियम पदार्थको भाउ फेरि बढाएको छ । अन्तर्राष्ट्रिय बजारमा पेट्रोलियम पदार्थको भाउमा उतारचढाव भइरहेको उल्लेख गर्दै निगमले भाउ बढाएको हो । 


पेट्रोलमा प्रतिल...

सशस्त्र प्रहरी बलले नियन्त्रणमा लिएका गाडीबारे छानबिन गर्न समिति गठन

काठमाडौँ । सशस्त्र प्रहरी बल नेपालले विभिन्न ठाउँबाट नियन्त्रणमा लिएका ७ सय ७९ वटा विद्युतीय गाडीको सम्बन्धमा विस्तृत छानबिन गर्न सरकारले समिति गठन गरेको छ । प्रधानमन्त्री तथा मन्त्रिपरिषद्को कार्यालयको विशेष निर्देशनमा अर्थ मन्त्रालय, भन्सार विभा...

ट्राफिक सप्ताह २०८३ अन्तर्गत नुवाकोटमा १५ चालकको लागू पदार्थ परीक्षण, २ जना पोजिटिभ भेटिए ।


नुवाकोट । जिल्ला ट्राफिक प्रहरी कार्यालय नुवाकोटले मनाइरहेको ‘ट्राफिक सप्ताह २०८३’ को पाँचौँ दिन लागू पदार्थ सेवन (लाप.से.) नियन्त्रण तथा सवारी दुर्घटना न्यूनीकरणलाई लक्षित गर्दै विशेष स्वास्थ्य परीक्षण कार्यक्रम सम्पन्न गरेको छ ।

लिग २ को तयारीका लागि महत्वपूर्ण हुनेछ जय ट्रफी

लिग २ को तयारीका लागि महत्वपूर्ण हुनेछ जय ट्रफीलिग २ को तयारीका लागि महत्वपूर्ण हुनेछ जय ट्रफीलिग २ को तयारीका लागि महत्वपूर्ण हुनेछ जय ट्रफीलिग २ को तयारीका लागि महत्वपूर्ण हुनेछ जय ट्रफीलिग २ को तयारीका लागि महत्वपूर्ण हुनेछ जय ट्रफीलिग २ को तया...

बेलकोटगढीमा युवा लक्षित कार्यक्रम प्राथमिकतामा, २५ जना युवालाई बारिष्ता तालिम

बाघखोर । नुवाकोटको बेलकोटगढी नगरपालिकाले ‘युवा लक्षित कार्यक्रम’लाई प्राथमिकता दिँदै सिपमूलक तालिम सञ्चालनमा ल्याएको छ । युवालाई शिक्षासँगै व्यवहारिक सिप प्रदान गरी उद्यमशीलतामा जोड दिने उद्देश्यले नगरपालिकाले पहिलो चरणमा २५ जना युवालाई सहभागी गरा...

रास्वपा नुवाकोट सभापतिमा युवा नेता रामेश्वर गजुरेल अत्याधिक मतले बिजयी

नुवाकोट । राष्ट्रिय स्वतन्त्र पार्टी (रास्वपा) नुवाकोट जिल्ला कार्यसमितिको प्रथम अधिवेशनबाट नयाँ जिल्ला नेतृत्व चयन भएको छ। शनिबार बट्टारमा सम्पन्न निर्वाचन प्रक्रियाबाट आगामी पाँच वर्षे कार्यकालका लागि जिल्ला कार्यसमिति औपचारिक रूपमा गठन गरिएको ह...