रोल्पाको थवाङमा जीप दुर्घटना हुँदा १७ जनाको मृत्यु

रोल्पाको थवाङमा जीप दुर्घटना हुँदा १७ जनाको मृत्यु

काठमाडौँ । रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ ।

रुकुम पूर्वबाट जलजलामा मेला भर्न गएका यात्रुहरू चढेको लु१ज ४१६७ नम्बरको जीप रोल्पाको थवाङ गाउँपालिका–१ को जलजला जाने बाटोमा दुर्घटना हुँदा १७ जनाको मृत्यु भएको हो ।

जीप सडकबाट करिब ८ सय मिटर तल खसेको घटनास्थलमा पुगेका इलाका प्रहरी कार्यालय थवाङका प्रहरी निरीक्षक रामचन्द्र बगालेले जानकारी दिनुभयो । पानी परेको हुनाले उद्धार कार्यमा कठिनाइ भइरहेको प्रहरी निरीक्षक बगालेले बताउनुभयो ।

जिपमा कति यात्रु सवार थिए भन्ने अझै खुलेको छैन । दुर्घटनाको विस्तृत विवरण आउन बाँकी छ ।