Kakani Khabar add
Kakani Khabar add
Kakani Khabar add

तीनपिप्ले–गल्छी सडकको स्तरोन्नतिको माग गर्दै काठमाडौमा धर्ना

Main News Image
Kakani Khabar add

काठमाडौं । ककनी गाउँपालिका तथा बेलकोटगढी नगरपालिकाका स्थानीय नागरिकहरूले वर्षौँदेखि अलपत्र अवस्थामा रहेको तीनपिप्ले–गल्छी सडकको स्तरोन्नति तथा कालोपत्रे निर्माण कार्य शीघ्र अघि बढाउन माग गर्दै माइतीघर मण्डलामा शान्तिपूर्ण धर्ना कार्यक्रम आयोजना गरेका छन्।

स्थानीय कृषक, व्यापारी, युवा तथा सर्वसाधारण नागरिकहरूको उल्लेखनीय सहभागिता रहेको उक्त कार्यक्रममा सडकको दयनीय अवस्थाका कारण जनजीवनमा परेको प्रत्यक्ष असरबारे आवाज उठाइएको थियो। सहभागीहरूले सडकको बिग्रँदो अवस्थाले कृषि, व्यापार, शिक्षा, स्वास्थ्य तथा यातायात क्षेत्र गम्भीर रूपमा प्रभावित भएको बताएका थिए ।

कार्यक्रममा नेपाल डेरी एसोसिएसन का तर्फबाट नुवाकोट जिल्ला अध्यक्ष बालकृष्ण ढुंगाना, कृषक तथा व्यापारीहरूको तर्फबाट प्रकाश मुडभरी तथा विद्यार्थीहरूको तर्फबाट बसन्त गुरुङ को सहभागिता रहेको थियो।

कार्यक्रमको सम्पूर्ण संयोजन युवा समाजसेवी तथा कृषिक्षेत्रमा सक्रिय व्यक्तित्व अमृत पुडासैनीले गरेका थिए। पछिल्लो समय ग्रामीण विकास, कृषि उत्पादन तथा स्थानीय बजार व्यवस्थापनमा सक्रिय भूमिका खेल्दै आएका पुडासैनीलाई क्षेत्रीय स्तरमा उदाउँदो युवा नेतृत्वका रूपमा हेरिन थालिएको छ। विशेष गरी डेरी तथा दुग्ध क्षेत्रको बजार व्यवस्थापन, कृषकका उत्पादनको बजारीकरण तथा युवाहरूलाई कृषि पेशातर्फ आकर्षित गराउने अभियानमा उनको सक्रियता उल्लेखनीय मानिन्छ।

धर्ना कार्यक्रमलाई सम्बोधन गर्दै पुडासैनीले तीनपिप्ले–गल्छी सडक केवल पूर्वाधारको विषय मात्र नभई हजारौँ नागरिकको भविष्य र जीवनस्तरसँग जोडिएको विषय भएको बताएका थिए। उनले सडक निर्माणमा भएको ढिलाइका कारण स्थानीय किसान, विद्यार्थी, बिरामी तथा व्यापारीहरूले दैनिक रूपमा कठिनाइ भोग्नुपरेको उल्लेख गरे।

“किसानले उत्पादन गरेको तरकारी, दूध तथा अन्य कृषि उपज समयमै बजारसम्म पुर्‍याउन सकिरहेका छैनन्। यातायातको अभाव र सडकको खराब अवस्थाले उत्पादनको उचित मूल्यसमेत पाउन कठिन भएको छ,” उनले भने। “यदि यो सडक व्यवस्थित रूपमा निर्माण हुने हो भने यस क्षेत्रको कृषि, पर्यटन, व्यापार र समग्र आर्थिक गतिविधिमा ठूलो परिवर्तन आउनेछ।”

धर्ना कार्यक्रममा सहभागीहरूले “कृषक, युवा, व्यापारी — एउटै स्वर, सडक बनाउ विकासको ढोका खोल”, “किसानको पसिनाको सम्मान गर, तीनपिप्ले–गल्छी सडक छिटो निर्माण गर”, “अहिले नभए कहिले ?”, “आश्वासन त पाएकै थियौं पहिले जस्तै”, “सडक हाम्रो अधिकार हो” तथा “तीनपिप्ले–गल्छी सडक तत्काल कालोपत्रे गर” लगायतका नाराहरू लगाउँदै सडक निर्माण कार्य तत्काल अघि बढाउन माग गरेका थिए।

स्थानीयवासीहरूका अनुसार तीनपिप्ले–गल्छी सडक नुवाकोटका ककनी तथा बेलकोटगढी क्षेत्रलाई राष्ट्रिय राजमार्गसँग जोड्ने महत्वपूर्ण मार्ग हो। तर वर्षौँदेखि सडक स्तरोन्नति कार्य सुस्त हुँदा स्थानीय जनताले हिउँदमा धुलो र वर्षायाममा हिलोको समस्या झेल्दै आएका छन्। कतिपय स्थानमा सडक जोखिमपूर्ण बन्दै जाँदा दुर्घटनाको सम्भावना समेत बढेको स्थानीयहरूको भनाइ छ।

विशेषगरी कृषिप्रधान क्षेत्रका रूपमा परिचित ककनी तथा बेलकोटगढीमा उत्पादन हुने तरकारी, दूध तथा अन्य कृषि उपज बजारसम्म पुर्‍याउन सडक मुख्य आधार भए पनि कमजोर पूर्वाधारका कारण किसानहरू प्रत्यक्ष मारमा परेका छन्। स्थानीय व्यापारीहरूले पनि ढुवानी लागत बढेको तथा व्यवसाय विस्तारमा समस्या भएको बताएका छन्।

कार्यक्रमका आयोजकहरूले सरकार तथा सम्बन्धित निकायलाई तीनपिप्ले–गल्छी सडक निर्माण कार्यलाई प्राथमिकतामा राखी तत्काल प्रभावकारी रूपमा अघि बढाउन आग्रह गरेका छन्। साथै, जनताको धैर्यको परीक्षा धेरै भइसकेकाले अब व्यवहारिक रूपमा काम सुरु हुनुपर्ने उनीहरूको माग रहेको छ।

आन्दोलन समितिले आगामी दिनमा पनि जनताको आवाजलाई शान्तिपूर्ण र लोकतान्त्रिक माध्यमबाट निरन्तर उठाइरहने जनाएको छ।

Kakani Khabar add

सम्बन्धित खबर

मध्यपूर्वको महासंग्राम : ७५ वर्ष दुस्मनीदेखि ‘अपरेसन शिल्ड अफ जुडा’सम्म

अपरेसन शिल्ड अफ जुडा’ पछि यदि इरानका तेल भण्डारहरूमा क्षति पुग्यो भने विश्व बजारमा तेलको अभाव भई मूल्य आकाशिन सक्छ। यसले अमेरिका र इजरायलले इरानको तेल उत्पादन क्षमतालाई नष्ट गर्ने कि केवल सैन्य अखडामा सीमित रहने भन्नेमा गम्भीर रणनीतिक दबाब महसुस ग...

संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक बोलायो

काठमाडौँ । सङ्घीय संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक आह्वान गरेको छ । सरकारको सिफारिशमा राष्ट्रपति रामचन्द्र पौडेलले पर्सि चैत १९ गते सङ्घीय संसद्को अधिवेशन आह्वान गरेपछि त्यसको तयारीका लागि प्रतिनिधिसभामा प्रतिनिधित्व...

सामुदायिक विद्यालयबाट ४ जिपिए ल्याउने विद्यार्थीलाई तारकेश्वर गाउँपालिकाको १ लाख पुरस्कार घोषणा

नुवाकोट । तारकेश्वर गाउँपालिकाले सामुदायिक विद्यालयको शैक्षिक गुणस्तर सुधार तथा विद्यार्थीलाई प्रोत्साहन गर्ने उद्देश्यले ‘गाउँपालिका अध्यक्ष प्रोत्साहन पुरस्कार’ कार्यक्रम सञ्चालन गर्ने भएको छ ।


गाउँपालिकाले यसै वर्षदेखि लागू हुन...

युनाइटेड युथ क्लबको अध्यक्षमा पुनः अच्युतराज महन्त गिरी चयन

बट्टार । नुवाकोटको खेलकुद तथा सामाजिक क्षेत्रमा लामो समयदेखि सक्रिय रहँदै आएको युनाइटेड युथ क्लब को अध्यक्षमा पुनः अच्युतराज महन्त गिरी चयन हुनुभएको छ ।

क्लबको ३७औँ साधारणसभा तथा अधिवेशनले वर्तमान अध्यक्ष गि...

शुक्रबार तोलामै साढे १० हजार रुपैयाँले घटेको सुनको भाउ आज बढ्यो

काठमाडौँ । आज सुनचाँदीको भाउ बढेको छ । सुन आज तोलामा ६०० रुपैयाँले बढेको हो । 


यसअघि अस्ति शुक्रबार सुनको भाउ तोलामा साढे १० हजार रुपैयाँले घटेको थियो । शुक्रबार सुन तोलाको २ लाख ८६ हजार ७०० रुपैयाँमा कारोबार भएकोमा आज आइतबार...

नयाँ शैक्षिकसत्रका लागि पाठ्यपुस्तक विद्यालयमा पुर्‍याइँदै

काठमाडौँ । आउँदो वैशाख २ गतेदेखि शुरू हुने नयाँ शैक्षिकसत्रका लागि जनक शिक्षा सामग्री केन्द्रमा छपाइ भएका पाठ्यपुस्तक देशका विभिन्न भागमा धमाधम पुर्‍याउने काम भइरहेको छ । केन्द्रले यही चैत १६ गतेदेखि पाठ्यपुस्तक वितरण शुरू गरेकोमा पाँच दिनमा २५ ला...