Kakani Khabar add
Kakani Khabar add
Kakani Khabar add

तारकेश्वर गाउँपालिकाको १३औँ गाउँसभा सम्पन्न, नीति तथा कार्यक्रम सर्वसम्मत पारित

Main News Image
Kakani Khabar add

नुवाकोट । तारकेश्वर गाउँपालिकाको १३औँ गाउँसभा दाङसिङ रयलछापस्थित गाउँ कार्यपालिकाको नवनिर्मित प्रशासकीय भवनमा भव्य रूपमा सम्पन्न भएको छ।

गाउँसभामा गाउँपालिका अध्यक्ष शिव अधिकारी 'अविरल'ले आगामी आर्थिक वर्ष २०८३/०८४ का लागि प्रस्तुत गर्नुभएको वार्षिक नीति तथा कार्यक्रम सर्वसम्मत रूपमा पारित भएको हो।

पारित नीति तथा कार्यक्रममा शिक्षा, स्वास्थ्य, सामाजिक सुरक्षा, पूर्वाधार विकास, कृषि तथा सीप विकासलाई प्राथमिकतामा राखिएको छ। विद्यालय कर्मचारी तथा लेखापाललाई गाउँपालिकाले उपलब्ध गराउँदै आएको अतिरिक्त सुविधालाई निरन्तरता दिँदै मासिक ३ हजार रुपैयाँ थप वृद्धि गर्ने व्यवस्था गरिएको छ।

त्यसैगरी ज्येष्ठ नागरिक, एकल महिला, अपाङ्गता भएका व्यक्ति, टुहुरा तथा अन्य लक्षित वर्गका नागरिकहरूलाई सामाजिक सुरक्षा भत्ताका अतिरिक्त प्रोत्साहन तथा जीविकोपार्जनमा सहयोग पुग्ने गरी थप सहयोग रकम उपलब्ध गराउने नीति लिइएको छ।

शिक्षा क्षेत्रलाई विशेष प्राथमिकतामा राख्दै दाङसिङ माध्यमिक विद्यालयमा स्नातक तह सञ्चालन का लागि बजेट व्यवस्था गरिएको छ। विद्यालयहरूको शैक्षिक गुणस्तर अभिवृद्धि गर्न मासिक प्रगति विवरणको समीक्षा, कक्षा १० का विद्यार्थीहरूका लागि अतिरिक्त कक्षा सञ्चालन तथा प्रविधिमैत्री डिजिटल शिक्षाको सुरुवात गरिने भएको छ।

विद्यार्थीहरूको व्यवहारिक तथा सीपमूलक शिक्षामा जोड दिन विद्यालयहरूमा “बुक फ्री डे” र “स्किल अफ फ्राइडे” कार्यक्रम सञ्चालन गरिने तथा उनीहरूको रुचिअनुसार सीप सिकाउन आवश्यक उन्नत सामग्रीको व्यवस्था गरिने नीति तथा कार्यक्रममा उल्लेख छ।

पूर्वाधार विकासतर्फ रङ्गशाला निर्माण, खेलकुद पूर्वाधार, सडक सञ्जाल विस्तार, सिँचाइ तथा खानेपानी आयोजनाहरूलाई विशेष प्राथमिकताका साथ कार्यान्वयन गरिने भएको छ। साथै सामाजिक न्याय, समावेशिता, महिला, ज्येष्ठ नागरिक तथा विपन्न वर्गको सीप विकास, स्वावलम्बन र सशक्तीकरणका लागि विशेष कार्यक्रम सञ्चालन गरिने जनाइएको छ।

गाउँसभा समापनका अवसरमा अध्यक्ष शिव अधिकारी अविरल ले गाउँसभाको सफल आयोजनामा सहयोग पुर्‍याउने जनप्रतिनिधि, कर्मचारी, राजनीतिक दल, सञ्चारकर्मी तथा सम्पूर्ण सरोकारवालाप्रति आभार व्यक्त गर्नुभयो।

उहाँले पारित नीति तथा कार्यक्रम र आगामी बजेटको प्रभावकारी कार्यान्वयनमार्फत गाउँपालिकाको समग्र विकास, सेवा प्रवाहको गुणस्तर सुधार तथा नागरिकको जीवनस्तर उकास्न सबै पक्षको साथ, सहयोग र मार्गदर्शन आवश्यक रहेको बताउनुभयो।

Kakani Khabar add

सम्बन्धित खबर

सशस्त्र प्रहरीको महानिरीक्षकमा नारायणदत्त पौडेल नियुक्त

काठमाडौँ । सशस्त्र प्रहरी अतिरिक्त महानिरीक्षक (एआईजी) नारायणदत्त पौडेल महानिरीक्षक (आईजीपी) मा बढुवा हुनुभएको छ ।


मन्त्रिपरिषद्को आज बसेको बैठकले अहिले प्रशासन तथा मानव स्रोत विभाग प्रमुख रहेका पौडेललाई महानिरीक्षकमा बढुवा गरेको...

विश्वकप २०२६ : अर्जेन्टिना र अस्ट्रिया पहिलो पटक आमनेसामने हुँदै

काठमाडौँ ।  फिफा विश्वकप फुटबलमा आज राति समूह ‘जे’ का अर्जेन्टिना र अस्ट्रिया खेल्दैछन् । यो खेल अमेरिकाको डालास रङ्गशालामा राति पौने ११ बजे शुरू हुनेछ ।


दुवै टोलीले आफ्नो पहिलो खेल जितेका थिए । अर्जेन्टिनाले लियोनल मेसीक...

पिमलडाँडा माविका शिक्षक-विद्यार्थीलाई दुई दिने सेल्फ डिफेन्स तालिम

नुवाकोेट । तारकेश्वर गाउँपालिकाको प्रवर्धनमा नेपाल स्पोर्ट्स सेन्टर (नेकोस) ले वडा नम्बर ३ को पिमलडाँडा माविमा सञ्चालन गरेको दुई दिने सेल्फ डिफेन्स तालिम आज सम्पन्न भयो ।

तालिमको समापन सत्रलाई सम्बोधन गर्दै गाउँपालिका अध्यक्ष शिव अधिकारी अवि...

भरतताल निर्माणमा मुछिएका बागमतीका मेयर थापाविरुद्धको चौथो भ्रष्टाचार मुद्दा के हो ?

भरतताल निर्माणमा मुछिएका बागमतीका मेयर थापाविरुद्धको चौथो भ्रष्टाचार मुद्दा के हो ?भरतताल निर्माणमा मुछिएका बागमतीका मेयर थापाविरुद्धको चौथो भ्रष्टाचार मुद्दा के हो ?भरतताल निर्माणमा मुछिएका बागमतीका मेयर थापाविरुद्धको चौथो भ्रष्टाचार मुद्दा के हो...

‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन

नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।

विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रम...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...