Kakani Khabar add
Kakani Khabar add
Kakani Khabar add

तारकेश्वर गाउँपालिकाको १३औँ गाउँसभा सम्पन्न, नीति तथा कार्यक्रम सर्वसम्मत पारित

Main News Image
Kakani Khabar add

नुवाकोट । तारकेश्वर गाउँपालिकाको १३औँ गाउँसभा दाङसिङ रयलछापस्थित गाउँ कार्यपालिकाको नवनिर्मित प्रशासकीय भवनमा भव्य रूपमा सम्पन्न भएको छ।

गाउँसभामा गाउँपालिका अध्यक्ष शिव अधिकारी 'अविरल'ले आगामी आर्थिक वर्ष २०८३/०८४ का लागि प्रस्तुत गर्नुभएको वार्षिक नीति तथा कार्यक्रम सर्वसम्मत रूपमा पारित भएको हो।

पारित नीति तथा कार्यक्रममा शिक्षा, स्वास्थ्य, सामाजिक सुरक्षा, पूर्वाधार विकास, कृषि तथा सीप विकासलाई प्राथमिकतामा राखिएको छ। विद्यालय कर्मचारी तथा लेखापाललाई गाउँपालिकाले उपलब्ध गराउँदै आएको अतिरिक्त सुविधालाई निरन्तरता दिँदै मासिक ३ हजार रुपैयाँ थप वृद्धि गर्ने व्यवस्था गरिएको छ।

त्यसैगरी ज्येष्ठ नागरिक, एकल महिला, अपाङ्गता भएका व्यक्ति, टुहुरा तथा अन्य लक्षित वर्गका नागरिकहरूलाई सामाजिक सुरक्षा भत्ताका अतिरिक्त प्रोत्साहन तथा जीविकोपार्जनमा सहयोग पुग्ने गरी थप सहयोग रकम उपलब्ध गराउने नीति लिइएको छ।

शिक्षा क्षेत्रलाई विशेष प्राथमिकतामा राख्दै दाङसिङ माध्यमिक विद्यालयमा स्नातक तह सञ्चालन का लागि बजेट व्यवस्था गरिएको छ। विद्यालयहरूको शैक्षिक गुणस्तर अभिवृद्धि गर्न मासिक प्रगति विवरणको समीक्षा, कक्षा १० का विद्यार्थीहरूका लागि अतिरिक्त कक्षा सञ्चालन तथा प्रविधिमैत्री डिजिटल शिक्षाको सुरुवात गरिने भएको छ।

विद्यार्थीहरूको व्यवहारिक तथा सीपमूलक शिक्षामा जोड दिन विद्यालयहरूमा “बुक फ्री डे” र “स्किल अफ फ्राइडे” कार्यक्रम सञ्चालन गरिने तथा उनीहरूको रुचिअनुसार सीप सिकाउन आवश्यक उन्नत सामग्रीको व्यवस्था गरिने नीति तथा कार्यक्रममा उल्लेख छ।

पूर्वाधार विकासतर्फ रङ्गशाला निर्माण, खेलकुद पूर्वाधार, सडक सञ्जाल विस्तार, सिँचाइ तथा खानेपानी आयोजनाहरूलाई विशेष प्राथमिकताका साथ कार्यान्वयन गरिने भएको छ। साथै सामाजिक न्याय, समावेशिता, महिला, ज्येष्ठ नागरिक तथा विपन्न वर्गको सीप विकास, स्वावलम्बन र सशक्तीकरणका लागि विशेष कार्यक्रम सञ्चालन गरिने जनाइएको छ।

गाउँसभा समापनका अवसरमा अध्यक्ष शिव अधिकारी अविरल ले गाउँसभाको सफल आयोजनामा सहयोग पुर्‍याउने जनप्रतिनिधि, कर्मचारी, राजनीतिक दल, सञ्चारकर्मी तथा सम्पूर्ण सरोकारवालाप्रति आभार व्यक्त गर्नुभयो।

उहाँले पारित नीति तथा कार्यक्रम र आगामी बजेटको प्रभावकारी कार्यान्वयनमार्फत गाउँपालिकाको समग्र विकास, सेवा प्रवाहको गुणस्तर सुधार तथा नागरिकको जीवनस्तर उकास्न सबै पक्षको साथ, सहयोग र मार्गदर्शन आवश्यक रहेको बताउनुभयो।

Kakani Khabar add

सम्बन्धित खबर

नुवाकोटको लिखु गाउँपालिकाले संस्थागत विद्यालयहरूको शुल्क निर्धारण गर्‍यो

नुवाकोट । लिखु गाउँपालिका शिक्षा शाखाले गाउँपालिका भित्र सञ्चालनमा रहेका संस्थागत विद्यालयहरूको लागि शुल्क निर्धारण गरेको जनाएको छ ।

पालिकाले तोकेको शुल्कभन्दा बढी रकम असुल गरेको पाइएमा वा पालिकाबाट जारी निर्देशनको अवज्ञा गरेमा सम्बन्धित पक्...

सशस्त्रले नियन्त्रणमा लिएका गाडीबारे छानबिन गर्न गठित समितिको टोली मुस्ताङमा

काठमाडौँ । सशस्त्र प्रहरीले कोरला नाकाबाट भित्रिएका विद्युतीय गाडी नियन्त्रणमा लिएपछि छानबिनका लागि गठित समिति मुस्ताङ पुगेको छ । छानबिनका लागि अर्थमन्त्रालयले भन्सार विभाग, नीति तथा सञ्चालन महाशाखाअन्तर्गतको मूल्यांकन शाखाका प्रमुख समेत रहेका निर...

संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक बोलायो

काठमाडौँ । सङ्घीय संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक आह्वान गरेको छ । सरकारको सिफारिशमा राष्ट्रपति रामचन्द्र पौडेलले पर्सि चैत १९ गते सङ्घीय संसद्को अधिवेशन आह्वान गरेपछि त्यसको तयारीका लागि प्रतिनिधिसभामा प्रतिनिधित्व...

तारकेश्वरमा दुई खानेपानी आयोजना उद्घाटन, २१५ परिवार प्रत्यक्ष लाभान्वित

नुवाकोट । तारकेश्वर गाउँपालिका वडा नं ५ मा दुईवटा खानेपानी आयोजना एकैसाथ सम्पन्न भएसगैँ सञ्चालनमा ल्याइएको छ । 

गाउँपालिका अध्यक्ष शिव अधिकारी ‘अविरल’ले वडा न. ५ स्थित सिरानटोल र गोर्स्याङमा निर्माण सम्पन्न भएको दुई खानेपानी योजनाको सोम...

विश्वकप २०२६ : पोर्चुगल र नवप्रवेशी उज्वेकिस्तान खेल्दै

काठमाडौँ । फिफा विश्वकप फुटबलमा आज राति पोर्चुगल र नवप्रवेशी उज्वेकिस्तान खेल्दैछन् । समूह ‘के’ को यो खेल राति पौने ११ बजे अमेरिकाको हस्टन रङ्गशालामा हुनेछ ।


प्रतियोगितामा दुवै टोली पहिलो जीतको खोजीमा छन् । पोर्चुगलले पहिलो खेलमा...

बालेन शाहले शुक्रवार दिउँसो १२ बजेर ३४ मिनेटको साइतमा प्रधानमन्त्रीको शपथ लिने

काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र (बालेन) शाहले प्रधानमन्त्रीको पद तथा गोपनीयताको शपथ लिनका लागि पर्सि शुक्रवार दिउँसो १२ बजेर ३४ मिनेटको साइत तय भएको छ ।


शाहको सचिवालयकाअनुसार शुक्रवार दिउँस...