Kakani Khabar add
Kakani Khabar add
Kakani Khabar add

तारकेश्वरका स्वास्थ्य र शिक्षण संस्था आइतबार बन्द नहुने

Main News Image
Kakani Khabar add

नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।


संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै गाउँपालिका अध्यक्ष अधिकारीले स्वास्थ्य र शिक्षा क्षेत्रबाहेक गाउँपालिकाभित्रका अन्य सबै कार्यालयहरूको हकमा संघीय सरकारको नीति अनुरुप नै सातामा दुई दिन बिदा गर्न तर स्वास्थ्य र शिक्षा क्षेत्रमा भने सातामा एक दिन शनिबार मात्रै बिदा गर्न सम्बन्धित शाखा तथा स्वास्थ्य केन्द्रहरू र विद्यालयहरूलाई निर्देशन दिनुभएको थियो । 


स्वास्थ्य सेवा अत्यावश्यकीय सेवा अन्तर्गत पर्ने र सातामा दुई दिन स्वास्थ्य सेवा बन्द हुँदा आम नागरिकले पाउने स्वास्थ्य सेवामा गम्भीर असर पर्ने भएकाले स्वास्थ्य केन्द्रहरूलाई पूर्ववत रूपमा साताको एक दिन मात्रै सेवा बन्द गर्न निर्देशन दिएको अध्यक्ष अधिकारीले बताउनुभएको छ । 


त्यस्तै, विद्यालयहरूका हकमा यसपटकको शैक्षिक सत्रको पठनपाठन वैशाख २१ गतेपछि मात्रै सुरु हुने हुँदा यसै पनि दुई साताको समय कम हुने र त्यसमाथि सातामा दुई दिन विद्यालय बन्द गर्दा बालबालिकाको अपेक्षित शैक्षिक उपलब्धि हासिल गर्न कठिनाइ हुने भएकाले भएकाले बालबालिकाको भविष्यप्रति गम्भीर हुँदै संघीय सरकारको पछिल्लो नीतिको कार्यान्वयनबाट पुग्न जाने शैक्षिक क्षतिको परिपूरणका लागि संघीय सरकारले स्पष्ट र विस्तृत कार्य योजना ल्याएको खण्डमा सोहीअनुसार गर्ने अन्यथा अहिलेकै अवस्थामा भने सातामा दुई दिन विद्यालय बन्द गर्न उपयुक्त नहुने निष्कर्ष सहित पूर्ववत रूपमै आइतबार विद्यालय सञ्चालन गर्न निर्देशन दिइएको अध्यक्ष अधिकारीले बताउनुभएको छ ।

Kakani Khabar add

सम्बन्धित खबर

तारकेश्वरका किसानलाई हाते ट्याक्टर प्रदान

नुवाकोट । तारकेश्वर गाउँपालिकाले चालु आर्थिक वर्षको स्वीकृत कार्यक्रम आलु बालीको नयाँ पकेट क्षेत्र विकास कार्यक्रम अन्तर्गत किसानलाई ३ दिने स्थलगत तालिम सहित कृषि सामग्री हस्तान्तरण कार्यक्रम सम्पन्न गरेको छ ।

मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै

काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।


राष्ट्रिय परिचय...

आज मन्त्रिपरिषद्को बैठक बस्दै

काठमाडौँ । आज मन्त्रिपरिषद्को बैठक बस्दैछ । बैठक दिउँसो ४ बजे सिंहदरबारमा आह्वान गरिएको सरकारका प्रवक्ता एवं शिक्षामन्त्री सस्मित पोखरेलले जानकारी दिनुभयो । 


राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (ब...

मन्त्रीहरूको मर्यादाक्रम हेरफेर, गृहमन्त्री सुधन गुरुङ तेस्रोबाट पाँचौँ नम्बरमा

काठमाडौँ । सङ्घीय मन्त्रिपरिषद् सदस्यहरूको मर्यादाक्रम हेरफेर भएको छ । प्रधानमन्त्री बालेन्द्र शाहको सिफारिशमा राष्ट्रपति रामचन्द्र पौडेलले नेपालको संविधानको धारा ७६ को उपधारा (९) अनुसार मर्यादाक्रम हेरफेर गर्नुभएको हो ।

यसअघि तेस्रोमा रहेका...

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

काठमाडौँ । विद्यार्थी सङ्गठनमाथि प्रतिबन्ध गर्ने सरकारी घोषणाको विरोधमा विद्यार्थी सङ्गठनहरूले काठमाण्डाैमा कालो बेलुन उडाएर प्रदर्शन गरेका छन् ।

नेपाल विद्यार्थी सङ्घ( नेविसङ्घ) र अखिल नेपाल राष्ट्रिय स्वतन्त्र विद्यार्...

मध्यपूर्वको महासंग्राम : ७५ वर्ष दुस्मनीदेखि ‘अपरेसन शिल्ड अफ जुडा’सम्म

अपरेसन शिल्ड अफ जुडा’ पछि यदि इरानका तेल भण्डारहरूमा क्षति पुग्यो भने विश्व बजारमा तेलको अभाव भई मूल्य आकाशिन सक्छ। यसले अमेरिका र इजरायलले इरानको तेल उत्पादन क्षमतालाई नष्ट गर्ने कि केवल सैन्य अखडामा सीमित रहने भन्नेमा गम्भीर रणनीतिक दबाब महसुस ग...