तारकेश्वरका स्वास्थ्य र शिक्षण संस्था आइतबार बन्द नहुने

तारकेश्वरका स्वास्थ्य र शिक्षण संस्था आइतबार बन्द नहुने

नुवाकोट । तारकेश्वर गाउँपालिका अध्यक्ष शिव अधिकारी अविरलको निर्देशन अनुरूप तारकेश्वर गाउँपालिकाभित्रका सबै स्वास्थ्य केन्द्रहरू आज आइतबार खुला रहेका छन् ।

संघीय सरकारले सातामा दुई दिन सार्वजनिक विदा दिने नीति अख्तियार गरे लगत्तै गाउँपालिका अध्यक्ष अधिकारीले स्वास्थ्य र शिक्षा क्षेत्रबाहेक गाउँपालिकाभित्रका अन्य सबै कार्यालयहरूको हकमा संघीय सरकारको नीति अनुरुप नै सातामा दुई दिन बिदा गर्न तर स्वास्थ्य र शिक्षा क्षेत्रमा भने सातामा एक दिन शनिबार मात्रै बिदा गर्न सम्बन्धित शाखा तथा स्वास्थ्य केन्द्रहरू र विद्यालयहरूलाई निर्देशन दिनुभएको थियो ।

स्वास्थ्य सेवा अत्यावश्यकीय सेवा अन्तर्गत पर्ने र सातामा दुई दिन स्वास्थ्य सेवा बन्द हुँदा आम नागरिकले पाउने स्वास्थ्य सेवामा गम्भीर असर पर्ने भएकाले स्वास्थ्य केन्द्रहरूलाई पूर्ववत रूपमा साताको एक दिन मात्रै सेवा बन्द गर्न निर्देशन दिएको अध्यक्ष अधिकारीले बताउनुभएको छ ।

त्यस्तै, विद्यालयहरूका हकमा यसपटकको शैक्षिक सत्रको पठनपाठन वैशाख २१ गतेपछि मात्रै सुरु हुने हुँदा यसै पनि दुई साताको समय कम हुने र त्यसमाथि सातामा दुई दिन विद्यालय बन्द गर्दा बालबालिकाको अपेक्षित शैक्षिक उपलब्धि हासिल गर्न कठिनाइ हुने भएकाले भएकाले बालबालिकाको भविष्यप्रति गम्भीर हुँदै संघीय सरकारको पछिल्लो नीतिको कार्यान्वयनबाट पुग्न जाने शैक्षिक क्षतिको परिपूरणका लागि संघीय सरकारले स्पष्ट र विस्तृत कार्य योजना ल्याएको खण्डमा सोहीअनुसार गर्ने अन्यथा अहिलेकै अवस्थामा भने सातामा दुई दिन विद्यालय बन्द गर्न उपयुक्त नहुने निष्कर्ष सहित पूर्ववत रूपमै आइतबार विद्यालय सञ्चालन गर्न निर्देशन दिइएको अध्यक्ष अधिकारीले बताउनुभएको छ ।

एक्सप्रेस

सम्बन्धित खबर

११ महिनामा २५ अर्बभन्दा बढीका विद्युतीय गाडी आयात

काठमाडौँ । चालु आर्थिक वर्षको पहिलो ११ महिनामा २५ अर्ब ५५ करोड ९९ लाख १६ हजार बराबरका १० हजार ८४५ वटा विद्युतीय गाडी आयात भएका छन् ।

भन्सार विभागका अनुसार चालु आर्थिक वर्षको ११ महिनाको अवधिमा ५० किलोवाट क्षमतादेखि २०१ किलोवा...

तीन हजार २९ जनाको उद्धार, बेपत्ताको खोजी तीव्र

काठमाडौँ । भोटेकोशी नदीमा आएको बाढीमा अलपत्र अवस्थामा रहेका तीन हजारभन्दा बढीको उद्धार गरिएको छ । जिल्ला विपद् व्यवस्थापन समितिका संयोजक एवं प्रमुख जिल्ला अधिकारी शम्भुप्रसाद रेग्मीको अनुसार गए रातिसम्म तीन हजार २९ जनालाई रसुवा र नुवाकोटको विभिन्न...