Kakani Khabar add
Kakani Khabar add
Kakani Khabar add

तारकेश्वरमा जनप्रतिनिधि र कर्मचारीले बालबच्चा सामुदायिक विद्यालयमै पढाउनुपर्ने

Main News Image
Kakani Khabar add

नुवाकोट । तारकेश्वर गाउँपालिकाले सरकारी सेवा एंव सुविधा लिनेले आफ्नो सन्तानलाई अनिर्वाय रुपमा सामुदायिक विद्यालयमा नै पढाउनु पर्ने भएको छ ।

आज बुधबार बसेको गाउँ कार्यपालिकाको बैठकमा गाउँपालिका अध्यक्ष शिव अधिकारी ‘अविरल’ले गर्नु भएको प्रस्ताव सर्वसम्मत निर्णय भएसगैँ गाउँपालिका भित्रका जनप्रतिनिधि, कर्मचारी, शिक्षक, स्वास्थ्यकर्मी सहित सरकारी सेवा सुविधा उपभोग गर्दै आएका व्यक्तिका सन्ततीले अनिवार्य रूपमा सामुदायिक विद्यालयमा नै पढाउनुपर्ने भएको हो ।

अध्यक्ष अधिकारीको प्रस्तावलाई गाउँकार्यपालिका बैठकले सर्वसम्मत पारित गरेसगैँ यो निर्णय चालु शैक्षिक सत्रदेखि नै कार्यान्वयनमा आउने भएको छ ।

कार्यपालिका बैठकको निर्णयअनुसार गाउँपालिकाभित्रका सबै जनप्रतिनिधि, गाउँपालिका तथा मातहतका वडा कार्यालयका कर्मचारी, विद्यालयमा अध्यापन गराउदै आएका शिक्षक तथा कर्मचारी, स्वास्थ्य संस्थामा कार्यरत स्वास्थ्यकर्मी लगायतले आफ्ना सन्तानलाई अनिवार्य रुपमा सामुदायिक विद्यालयमा नै पढाउनुपर्ने भएको छ ।

गाउँपालिकाले सामुदायिक विद्यालयको शैक्षिक गुणस्तर सुधार गर्ने उद्देश्यसहित सर्वसम्मत रुपमा गरेको यस निर्णयले सामुदायिक विद्यालयको शैक्षिक गुणस्तर सुधार सहित सामुदायिक विद्यालय प्रतिको आकर्षण बृद्धि गराउन महत्वपूर्ण सहयोग पुग्ने विश्वास गरिएको छ ।

अध्यक्ष अधिकारीका अनुसार शिक्षा सुधार अभियानलाई प्रभावकारी बनाउने गाउँपालिकाको रणनीति योजना अन्तरगत उहाँले नै प्रस्ताव पेश गरेर कार्यपालिकाबाट सर्वसम्मत निर्णय भएको हो ।

निर्णयको प्रभावकारी कार्यान्वयन, अनुगमन तथा मूल्याङ्कनका लागि अध्यक्ष अधिकारीले सम्बन्धित शाखालाई आवश्यक निर्देशन समेत दिनुभएको छ ।

Kakani Khabar add

सम्बन्धित खबर

कलेरीडाँडामा सीप सिकाइ केन्द्र उद्घाटन, आमा समूहलाई चार लाख सहयोग

नुवाकोट । तारकेश्वर गाउँपालिका अध्यक्ष शिव अधिकारी 'अविरल' ले वडा नम्बर ५ स्थित कलेरीडाँडामा निर्माण सम्पन्न भएको गाउँपालिका स्तरीय सीप सिकाइ केन्द्रको उद्घाटन गर्नुभएको छ ।

नेपालले अमेरिकालाई ९ विकेटले हरायो

काठमाडौँ । आईसीसी विश्वकप क्रिकेट लिग–टू शृङ्खला अन्तर्गत नेपालले अमेरिकालाई ९ विकेटले हराएको छ । आज भएको खेलमा अमेरिकाले दिएको १ सय ९६ रनको लक्ष्य नेपालले ३६ ओभर ४ बलमा १ विकेट गुमाएर भेटाएको हो ।


नेपालका कुशल भुर्तेलले शतकसहित १...

पूर्वप्रधानमन्त्री ओलीको बन्दीप्रत्यक्षीकरण निवेदनमा कारण देखाऊ आदेश जारी

काठमाडौँ । सर्वोच्च अदालतले पूर्वप्रधानमन्त्री एवम् नेकपा एमाले अध्यक्ष केपी शर्मा ओलीको बन्दीप्रत्यक्षीकरण निवेदनमा सरकारलाई कारण देखाऊ आदेश जारी गरेको छ ।


ओलीलाई रिहा गर्न माग गर्दै दायर भएकाे निवेदनमा आज भएको सुनुवाइपछि अदालतले...

पूर्वगृहमन्त्री लेखक २ नं गण महाराजगञ्जमा

काठमाडौँ ।  पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी २ नं गण महाराजगञ्जमा राखेको छ । उहाँलाई आज बिहान भक्तपुरको कटुञ्जेमा रहेको उहाँकै निवासबाट पक्राउ गरिएको थियो ।


नेता लेखकलाई २ नं ग...

मतदाता नामावली सङ्कलन तथा अद्यावधिक कार्यक्रम भोलिदेखि पुनः शुरू हुँदै

काठमाडौँ । निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलिदेखि पुनः सञ्चालन गर्दैछ । आयोगको यही चैत १८ गतेको बैठकले मतदाता नामावली सङ्कलन तथा अद्यावधिक कार्यक्रम पुनः थाल्ने निर्णय गरेको हो ।


राष्ट्रिय परिचय...

चट्याङ लागेर सूर्यगढीमा एक घरमा क्षति, रास्वपाको टोलीबाट घटनाको स्थलगत अवलोकन

नुवाकोट । सूर्यगढी गाउपालिका-४ स्थित केराघारीमा चट्याङ लागेर एकघरमा पूर्ण क्षति भएको छ ।


हिजो अपरान्ह सवा ४ बजेको समयमा परेको चट्याङले स्थानी राजु तामाङको घरमा क्षति पुगेको हो । चट्याङले घरको विद्युतीय मिटरबक्स सहित बत्ति लगायतका...