त्रिविको प्रश्नपत्र ‘आउट’ गरेको आरोपमा २ जना पक्राउ
-
ककनी खबर
- आइत, १० साउन २०८३
काठमाडौँ । त्रिभुवन विश्वविद्यालयको व्यवस्थापन सङ्कायअन्तर्गत एमबीएस प्रथम सत्रको प्रश्नपत्र परीक्षा शुरू भएकाे केही मिनेटमा आउट गरेको आरोपमा प्रहरीले दुई जनालाई पक्राउ गरेको छ ।
गएको शुक्रवार अर्थात् साउन ८ गते भएको ‘अर्गनाइजेशनल बिहेबियर’ विषयको परीक्षा शुरू भएको ५ मिनेटमै ‘एमबीएस फर्स्ट सेम सेक्शन सी’ नामक ह्वाट्सएप ग्रुपमा प्रश्नपत्र बाहिरिएको थियो ।
साइबर ब्युरोले प्रश्नपत्र पठाउने ‘सुलभ सर’ भनिने व्यक्तिसहित दुई जनालाई पक्राउ परेको हो । स्क्रिनशट अनुसार ह्वाट्सएप ग्रुपमा प्रश्नपत्र पठाएपछि परीक्षार्थीहरूले समाधानसमेत मागेका थिए ।
झन्डै १ हजार २३ जना सदस्य रहेको ग्रुपमा प्रश्नपत्र बाहिरिएपछि व्यवस्थापन सङ्काय डीनको कार्यालयले अनुसन्धान र कारबाहीका लागि हिजो शनिवार नै साइबर ब्युरोमा पत्राचार गरेको थियो ।
यसैबीच त्रिवि परीक्षा नियन्त्रण महाशाखाले घटनाको निष्पक्ष छानबिनका लागि प्राध्यापक डाक्टर अच्युत ज्ञवालीको संयोजकत्वमा ३ सदस्यीय छानबिन समिति गठन गरेको छ । समितिलाई सत्यतथ्य पत्ता लगाई ७ कार्यदिनभित्र प्रतिवेदन बुझाउन कार्यादेश दिइएको छ ।
सम्बन्धित खबर
तीन दिनसम्म देशका केही ठाउँमा ठूलो वर्षाको सम्भावना
काठमाडौँ । देशका विभिन्न भूभागमा आउँदो तीन दिनसम्म ठूलो पानी पर्ने सम्भावना रहेको छ । मौसम पूर्वानुमान महाशाखाका अनुसार मनसुन सक्रिय रहँदा कोशी, बागमती, गण्डकी र लुम्बिनी प्रदेशका विभिन्न ठाउँमा ठूलो वर्षाको सम्भावना छ ।
महाशाखाका...
प्रतिनिधिसभा नियमावलीको मस्यौदा तयार : के–के गर्न पाइँदैन ?
काठमाडौँ । प्रतिनिधिसभा नियमावलीको मस्यौदा समितिले आफ्नो प्रतिवेदन सभामुख डीपी अर्याललाई बुझाएको छ । प्रतिनिधिसभाको बैठकले गएको चैत २३ गते गठन गरेको रास्वपाका सांसद गणेश पराजुली नेतृत्वको मस्यौदा समितिले आज नियमावलीको मस्यौदा बुझाएको हो ।
‘जनप्रतिनिधिसँग विद्यार्थी’ कार्यक्रम सम्पन्न, विद्यार्थीका समस्या र सुझाव संकलन
नुवाकोट । विदुर नगरपालिका वडा नं ५, देवीघाटमा ‘जनप्रतिनिधिसँग विद्यार्थी’ कार्यक्रम भव्य रूपमा सम्पन्न भएको छ ।
विदुर नगरपालिका वडा नं ३, ५ तथा वडा नं १२ को बिरेन्द्र माध्यमिक विद्यालयका प्रतिनिधि विद्यार्थीहरूको सहभागितामा सम्पन्न कार्यक्रम...
विद्युतीय सवारीमा सहुलियत दिन व्यवसायीको माग
काठमाडौँ । देशभरका यातायात व्यवसायीको छाता संस्था नेपाल यातायात व्यवसायी राष्ट्रिय महासङ्घले विद्युतीय सवारीका पार्टपुर्जामा भन्सार छुट दिन र वातावरणमैत्री यातायातलाई प्रोत्साहन गर्न अर्थमन्त्रीसमक्ष माग गरेका छन् ।
महासङ्घका अध्य...
यूएईमाथि नेपालको रोमाञ्चक जीत
काठमाडौँ । आईसीसी क्रिकेट विश्वकप लिग–२ अन्तर्गत त्रिदेशीय एकदिवसीय शृङ्खलामा नेपालले संयुक्त अरब इमिरेट्स (यूएई) डीएलएस नियमका आधारमा ६ रनले हराएको छ ।
वर्षाले प्रभावित खेलमा डीएलएस नियममा ३८ ओभरमा २५५ रनको लक्ष्य पाएको यूएईले ८...
भोटेकोसी–त्रिशूली बाढीपीडितका लागि टाइम फर्मास्युटिकल्सको करिब २० लाख रुपैयाँ बराबरको राहत सहयोग
नुवाकोट । भोटेकोसी–त्रिशूली नदीमा आएको विनाशकारी बाढीबाट प्रभावित परिवारलाई सहयोग पुर्याउने उद्देश्यले TIME Pharmaceuticals Ltd. ले करिब २० लाख रुपैयाँ बराबरको खाद्यान्न तथा अत्यावश्यक राहत सामग्री सहयोग गरेको छ ।