उद्योगमन्त्री यादवको राजीनामा

उद्योगमन्त्री यादवको राजीनामा

काठमाडौँ । उद्योग, वाणिज्य तथा आपूर्तिमन्त्री गौरीकुमारी यादवले पदबाट राजीनमा दिनुभएको छ । उहाँले आज प्रधानमन्त्री वालेन्द्र शाह शाहसमक्ष राजीनामा दिनुभएको मन्त्री यादवको सचिवालयले जनाएको छ ।

ग्यास अभाव कम गर्न नसक्दा मन्त्री यादवको आलोचना बढ्न थालेको थियो । उहाँले हिजो प्रतिनिधिसभाअन्तर्गतकाे उद्योग समितिको बैठकमा ग्यास आपूर्ति सहज बनाउन उद्योगीलाई ‘पाता फर्काउनुपर्ने’ विवादस्पद अभिव्यक्ति दिनुभएको थियो ।

पछिल्ला दिनमा काठमाण्डाैका लागि ठूलो परिमाणमा ग्यास पठाइएको भनिए पनि उपभोक्तासम्म अपेक्षित मात्रामा नपुगेको भन्दै यादवले उद्योगीप्रति आक्रोश पोख्नुभएको हो । उहाँले कर्मचारी प्रशासनका कारण आफूले काम गर्न नसकेको गुनासोसमेत गर्नुभएको थियो ।

प्रतिनिधिसभाका लागि राष्ट्रिय स्वतन्त्र पार्टी (रास्वपा) बाट महोत्तरी–४ मा निर्वाचित यादव गएको चैत २७ गते उद्योग, वाणिज्य तथा आपूर्ति मन्त्रीमा नियुक्त हुनुभएको हो ।