Kakani Khabar add
Kakani Khabar add
Kakani Khabar add

२४ वर्षपछि फ्रान्स र सेनेगल आमनेसामने हुँदै

Main News Image
Kakani Khabar add

काठमाडौँ ।  फिफा विश्वकप फुटबलमा आज राति उपाधिको बलियो दाबेदार फ्रान्स र सेनेगल खेल्दैछन् । समूह ‘आई’ को यो खेल राति पौने १ बजे अमेरिकाको न्यु योर्क न्यु जर्सी रङ्गशालामा शुरू हुनेछ ।


फ्रान्सले सन् १९९८ र २०१८ मा गरी दुई पटक उपाधि जितेको छ । फ्रान्सले पछिल्ला ७ मध्ये ४ संस्करणमा फाइनल खेलेको छ । फ्रान्सेली टोलीलाई माइकल ओलिस, केलियन एमबाप्पे, ओलिभिर गिरोड जस्ता खेलाडीले अझ बलियो बनाएको छ । फ्रान्स फिफा वरीयताको दोस्रो स्थानमा छ ।


फिफा विश्वकपमा फ्रान्स र सेनेगल २४ वर्षपछि आमनेसामने हुन लागेका हुन् । यसअघि सन् २००२ को विश्वकपमा सेनेगलले फ्रान्सलाई १–० गोलले हराएको थियो । २४ वर्षअघि फ्रान्सलाई हराउँदा टोलीका महत्त्वपूर्ण सदस्य रहेका पेप थियाव अहिले सेनेगलका प्रशिक्षक छन् ।


सन् २०१८ मा समूह चरणबाटै बाहिरिएको सेनेगल २०२२ मा अन्तिम १६ सम्म पुगेको थियो । सेनेगलको टोलीलाई साडियो माने, असाने डियायो, इड्रिसा गुये जस्ता खेलाडीले बलियो बनाएको छ । सेनेगल फिफा वरीयतामा १६औँ स्थानमा छ ।


फिफा विश्वकपमा भोलि बिहान पौने ४ बजे अमेरिकाको बोस्टन रङ्गशालामा समूह ‘आई’ कै इराक र नर्वे खेल्दैछन् ।


यस्तै पौने ७ बजे अमेरिकाको कन्सास सिटी रङ्गशालामा समूह ‘जे’ मा रहेका साविक विजेता अर्जेन्टिना र अल्जेरिया खेल्दैछन् ।


पौने १० बजे अमेरिकाको सान फ्रान्सिस्को बे एरिया रङ्गशालामा समूह ‘जे’ का अस्ट्रिया र जोर्डन खेल्दैछन् ।

Kakani Khabar add

सम्बन्धित खबर

निजी मिडियामा सरकारी विज्ञापन नदिने सरकारको निर्णय सर्वोच्चद्वारा खारेज

काठमाडौँ । सर्वोच्च अदालतले निजी सञ्चारमाध्यमहरूलाई सरकारी विज्ञापन नदिने सरकारको परिपत्र खारेज हुने ठहर गरेको छ ।


सर्वाेच्च अदालतका न्यायाधीशद्वय शारङ्गा सुवेदी र नृपध्वज निरौलाको संयुक्त इजलासले २०८२ चैत १८ गते सरकारले निजी मिडि...

स्कटल्यान्डलाई हराउँदै नेपाल लिग–२ को पाँचौँ स्थानमा उक्लियो

रोल्पाको थवाङमा जीप दुर्घटना हुँदा १७ जनाको मृत्यु

काठमाडौँ । रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ ।


रुकुम पूर्वबाट जलजलामा मेला भर्न गएका यात्रुहरू चढेको लु१ज ४१६७ नम्बरको जीप रोल्पाको थवाङ गाउँपालिका–१ को जलजला जाने बाटोमा दुर्घटना हुँदा १७ जन...

आज धान दिवससहित दही चिउरा खाएर असार १५ मनाइँदै

काठमाडौँ । हरेक वर्ष असार १५ गते मनाइने धान दिवस आज खेतमा काम गरी दही चिउरा खाएर मनाइँदैछ । कामको चटारोले थकित भएका किसानले शक्ति प्राप्तिका लागि दही चिउरा खाने चलन छ ।


गर्मी र खेतीपातीको कामको बेला दही चिउराले शरीरमा शीतलता भई शक...

तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने

नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।

तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...

दुई दिन उच्च सतर्कता अपनाउन विपद् प्राधिकरणको आग्रह

काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज र भोलि दुई दिन देशका विभिन्न क्षेत्रमा अत्यधिक वर्षाको सम्भावना रहेकाले उच्च सतर्कता अपनाउन सर्वसाधारण तथा सम्बन्धित निकायलाई आग्रह गरेको छ ।


मौसम पूर्वानुमा...