वर्षायाममा बिजुली खपत बढाउन सहुलियत दिने सरकारको तयारी
-
ककनी खबर
- आइत, ०७ भदौ २०८३
काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठले वर्षायाममा उत्पादन हुने अतिरिक्त विद्युत् स्वदेशमै खपत गराउन विशेष सहुलियतको तयारी भइरहेको बताउनुभएको छ ।
विराटनगरमा मोरङका उद्योगी तथा व्यवसायीसँगको छलफलमा मन्त्री श्रेष्ठले धेरै विद्युत् खपत गर्ने ग्राहक र उद्योगलाई मौसमी विद्युत् महसुल लागू गर्दै सहुलियत दिने जानकारी दिनुभयो । यसबाट उद्योगको उत्पादन लागत घट्ने र खेर गइरहेको विद्युत्काे सदुपयोग हुने सरकारको विश्वास छ ।
विद्युत् आपूर्तिलाई थप भरपर्दो बनाउन सुनसरी–मोरङ औद्योगिक करिडोरमा ९ वटा नयाँ सबस्टेशन थप्ने काम भइरहेको मन्त्री श्रेष्ठले बताउनुभयो ।
उद्योगी–व्यवसायीहरूले भने नेपाली उद्योगको प्रतिस्पर्धात्मक क्षमता बढाउन तत्काल विद्युत् आपूर्ति प्रणालीमा सुधार गर्नुपर्ने माग गरेका छन् । उनीहरूले नियमित तथा गुणस्तरीय विद्युत् आपूर्तिको सुनिश्चिततासहित उत्पादनमूलक उद्योगको डिमान्ड शुल्क खारेज गर्न र विद्युत्मा लाग्दै आएको मूल्य अभिवृद्धि कर (भ्याट) हटाउन सरकारको ध्यानाकर्षण गराएका छन् ।
साथै १ अर्ब रुपैयाँभन्दा धेरै पूँजी भएका उद्योगलाई आफ्नै प्रयोजनका लागि विद्युत् उत्पादन गर्न अनुमति दिनुपर्ने उनीहरूको माग छ ।
आन्तरिक विद्युत् खपतका लागि आवश्यक पूर्वाधार र अनुमति सुनिश्चित भए आफूहरू ५ देखि ५० मेगावाटसम्म थप विद्युत् खपत गर्ने गरी लगानी गर्न तयार रहेको उद्योगीहरूले बताएका छन् ।
सम्बन्धित खबर
राहदानी सेवा असार २४ देखि केही दिन बन्द हुने
काठमाडौँ । राहदानी सेवा असार २४ गते देखि केही दिन बन्द हुने भएको छ । परराष्ट्र मन्त्रालयअन्तर्गतको राहदानी विभागले अहिलेको प्रणालीबाट राहदानी सेवालाई नयाँ प्रणालीमा लैजान लागेको जनाएको छ ।
विभागले सूचना निकालेर हालको प्रणालीबाट नय...
नेपाल औषधि लिमिटेड २५ वर्षपछि नाफामा, ३७ प्रकारका औषधि उत्पादनको तयारी
काठमाडौँ । नेपाल औषधि लिमिटेड २५ वर्षपछि फेरि नाफामा फर्किएको छ । आर्थिक वर्ष २०८१/८२ मा १० करोड रुपैयाँभन्दा बढी घाटामा रहेको संस्था आर्थिक वर्ष २०८२/८३ मा भने झण्डै ३ करोड रुपैयाँ नाफा कमाउन सफल भएको हो ।
संस्थाका महाप्रबन्धक कै...
नागढुङ्गा-सिस्ने खोला सुरुङमार्गको औपचारिक उद्घाटन
काठमाडौँ । नागढुङ्गा-सिस्नेखोला सुरुङमार्गको आज औपचारिक रूपमा उद्घाटन गरिएको छ । पूर्वाधार विकासमन्त्री सुनिल लम्साल, जापान अन्तर्राष्ट्रिय सहयोग नियोग (जाइका)का अध्यक्ष तानाका अकिहिको तथा नेपालका लागि जापानी राजदूत माएदा तोरुले संयुक्त रूपमा सुरु...
एसईई ग्रेडवृद्धि परीक्षाको नतिजा सार्वजनिक
काठमाडौँ । राष्ट्रिय परीक्षा बोर्डले माध्यमिक शिक्षा परीक्षा (एसईई) को ग्रेडवृद्धि अर्थात् (पूरक) परीक्षाको नतिजा आज सार्वजनिक गरेको छ । बोर्डका अनुसार ग्रेडवृद्धि परीक्षामा १ लाख २९ हजार १ सय ९४ जना विद्यार्थी सहभागी भएकोमा ८३ हजार ५ सय २३ जना उत...
प्रधानमन्त्री शाहले आज सातै प्रदेशका मुख्यमन्त्रीसँग छलफल गर्नुहुँदै
काठमाडौँ । प्रधानमन्त्री वालेन्द्र शाहले आज सातै प्रदेशका मुख्यमन्त्रीसँग छलफल गर्दै हुनुहुन्छ ।
प्रधानमन्त्रीको सचिवालयका अनुसार उहाँले कार्यभार सम्हालेपछि पहिलो पटक हुन लागेको छलफल सङ्घ र प्रदेश सरकारसँग सम्बन्धित विविध मह...
मध्यपूर्वको महासंग्राम : ७५ वर्ष दुस्मनीदेखि ‘अपरेसन शिल्ड अफ जुडा’सम्म
अपरेसन शिल्ड अफ जुडा’ पछि यदि इरानका तेल भण्डारहरूमा क्षति पुग्यो भने विश्व बजारमा तेलको अभाव भई मूल्य आकाशिन सक्छ। यसले अमेरिका र इजरायलले इरानको तेल उत्पादन क्षमतालाई नष्ट गर्ने कि केवल सैन्य अखडामा सीमित रहने भन्नेमा गम्भीर रणनीतिक दबाब महसुस ग...