वर्षायाममा बिजुली खपत बढाउन सहुलियत दिने सरकारको तयारी
-
ककनी खबर
- आइत, ०७ भदौ २०८३
काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठले वर्षायाममा उत्पादन हुने अतिरिक्त विद्युत् स्वदेशमै खपत गराउन विशेष सहुलियतको तयारी भइरहेको बताउनुभएको छ ।
विराटनगरमा मोरङका उद्योगी तथा व्यवसायीसँगको छलफलमा मन्त्री श्रेष्ठले धेरै विद्युत् खपत गर्ने ग्राहक र उद्योगलाई मौसमी विद्युत् महसुल लागू गर्दै सहुलियत दिने जानकारी दिनुभयो । यसबाट उद्योगको उत्पादन लागत घट्ने र खेर गइरहेको विद्युत्काे सदुपयोग हुने सरकारको विश्वास छ ।
विद्युत् आपूर्तिलाई थप भरपर्दो बनाउन सुनसरी–मोरङ औद्योगिक करिडोरमा ९ वटा नयाँ सबस्टेशन थप्ने काम भइरहेको मन्त्री श्रेष्ठले बताउनुभयो ।
उद्योगी–व्यवसायीहरूले भने नेपाली उद्योगको प्रतिस्पर्धात्मक क्षमता बढाउन तत्काल विद्युत् आपूर्ति प्रणालीमा सुधार गर्नुपर्ने माग गरेका छन् । उनीहरूले नियमित तथा गुणस्तरीय विद्युत् आपूर्तिको सुनिश्चिततासहित उत्पादनमूलक उद्योगको डिमान्ड शुल्क खारेज गर्न र विद्युत्मा लाग्दै आएको मूल्य अभिवृद्धि कर (भ्याट) हटाउन सरकारको ध्यानाकर्षण गराएका छन् ।
साथै १ अर्ब रुपैयाँभन्दा धेरै पूँजी भएका उद्योगलाई आफ्नै प्रयोजनका लागि विद्युत् उत्पादन गर्न अनुमति दिनुपर्ने उनीहरूको माग छ ।
आन्तरिक विद्युत् खपतका लागि आवश्यक पूर्वाधार र अनुमति सुनिश्चित भए आफूहरू ५ देखि ५० मेगावाटसम्म थप विद्युत् खपत गर्ने गरी लगानी गर्न तयार रहेको उद्योगीहरूले बताएका छन् ।
सम्बन्धित खबर
शुक्रबार तोलामै साढे १० हजार रुपैयाँले घटेको सुनको भाउ आज बढ्यो
काठमाडौँ । आज सुनचाँदीको भाउ बढेको छ । सुन आज तोलामा ६०० रुपैयाँले बढेको हो ।
यसअघि अस्ति शुक्रबार सुनको भाउ तोलामा साढे १० हजार रुपैयाँले घटेको थियो । शुक्रबार सुन तोलाको २ लाख ८६ हजार ७०० रुपैयाँमा कारोबार भएकोमा आज आइतबार...
तीन करोड ५१ लाखभन्दा बढीको अवैध सामग्री बरामद
काठमाडौँ । चालु आर्थिक वर्षको साउनदेखि चैत मसान्तसम्म रसुवा भन्सार कार्यालय, जिल्ला प्रहरी कार्यालय र सशस्त्र प्रहरी बलले बरामद भएका अवैध सामग्री सार्वजनिक गरेको छ ।
राजस्व चुहावट नियन्त्रण अभियानअन्तर्गत ती निकायको संयुक्त प्रयास...
मनसुनजन्य विपद्बारे राष्ट्रियसभामा सार्वजनिक महत्त्वको प्रस्ताव दर्ता
काठमाडौँ । मनसुनजन्य विपद् व्यवस्थापन र पूर्वतयारी कमजोर रहेको भन्दै विपक्षी दलहरूले राष्ट्रियसभामा सार्वजनिक महत्त्वको प्रस्ताव दर्ता गराएका छन् ।
नेपाली कांग्रेस, नेपाली कम्युनिस्ट पार्टी, नेकपा एमाले र जनता समाजवादी पार्टीले सं...
आज र भोलि मुसलधारे वर्षाको सम्भावना
काठमाडौँ । आज देशका थोरै ठाउँमा मुसलधारे पानी पर्ने सम्भावना छ । अरू ठाउँमा पनि हल्कादेखि मध्यमसम्मको वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
बाढी पूर्वानुमान महाशाखाका अनुसार मनसुन सक्रिय रहेको र...
वितेको ११ महिनामा ७ लाख भन्दा धेरै पर्यटक मुस्ताङ पुगे
काठमाडौँ । वितेको ११ महिनामा ७ लाखभन्दा धेरै पर्यटक बेनी–जोमसोम सडक भएर मुस्ताङ पुगेका छन् । म्याग्दीको सिमानामा पर्ने मुस्ताङको घाँसामा रहेको सीमा प्रहरीचौकीको तथ्याङ्कअनुसार गएको साउनदेखि जेठसम्म ७ लाख ५ हजार ७ सय ५४ जना पर्यटक मुस्ताङ प्र...
आदिकवि भानुभक्तको २१३ औँ जन्मजयन्ती विभिन्न कार्यक्रम गरी मनाइँदै
काठमाडौँ । आदिकवि भानुभक्त आचार्यको २१३ औँ जन्मजयन्ती आज देश तथा विदेशमा विभिन्न कार्यक्रम गरी मनाइँदैछ । नेपाल प्रज्ञा प्रतिष्ठान परिसरमा रहेको आदिकवि भानुभक्तको प्रतिमामा माल्यार्पणसहित विशेष कार्यक्रमको आयोजना गरिएको छ । वि.सं. १८७१ साल असार २९...